பொது நூலகங்களினால் வழங்கப்படக் கூடிய சேவைகள்

அறிமுகம்
ஒரு மனிதன் பகுத்தறிவுடையோனாக நடந்து கொள்வதற்குத் தனது சுற்றாடலிலிருந்து தகவல்கள் தங்கு தடையின்றித் தொடர்ந்து  கிடைக்கப்பெறுவதிலேயே தங்கி நிற்கிறான். ஒரு சமூகமானது அதன் பொதுத் தொடர்பு முறைகளைச் சுற்றியே பின்னப்பட்டுள்ளதுடன் முற்றாகவே ஒன்றிலொன்று தங்கி நிற்கும் இவ்வுலகத்தில் வாழ்வதற்கு தகவல் மிகவும் அவசியமானது. அறிவே ஆற்றல் எனக் கூறும் பிரான்சிஸ் பேகனின் கூற்று பல வழிகளில் உறுதிப்படுத்தப்பட்ட போதிலும் இன்றைய சமூகத்தில் அறிவே மாற்றமுமாகும். உதாரணமாக உலகின் வளர்ச்சியுற்ற நாடாகக் கருதப்படும் அமரிக்காவை எடுத்துக் கொண்டால் இன்று அமெரிக்க பொருளாதாரத்தில் ஆதிக்கம் செலுத்துகின்ற துறையாக தகவல் தொழிற்றுறை அமைந்துள்ளது. 1880ஆம் ஆண்டளவில் 5 வீதத்துக்கும் குறைவான ஆதிக்கத்தைக் கொண்டிருந்த தகவல் துறையானது 1980களிலேயே 60 வீதத்துக்கும் மேற்பட்ட வளர்ச்சி வீதத்தைக் காட்டியது. அதே சமயம் நாட்டின் பொருளாதாரத்தில் மிக முக்கியத்துவம் பெற்றிருந்த விவசாயத்துறை இன்று கணிசமாக வீழ்ச்சியடைந்து விட்டது. இதிலிருந்து நாம் விளங்கிக் கொள்ளக் கூடியது என்னவெனில் ஒரு நாட்டின் முன்னேற்றம் தகவல் துறையின் செயற்பாடுகளிலேயே முழுக்க முழுக்கத் தங்கியுள்ளது என்பதேயாகும்.
ஆரம்பத்தில் தகவல் அறிவுத் துறைகளின் பிரதான மூலங்களுக்கிடையே தொடர்பற்றுத் தனித்து நின்ற நாடுகளுக்கிடையே இன்று பொருளாதார, விஞ்ஞான, தொழினுட்ப, மற்றும் கலாச்சாரத் துறைகளில் பிராந்திய ஒத்துழைப்பு நோக்கிய நடவடிக்கைகள் அறிவுப் பரிமாற்றத்தின் புதிய அவசியங்களைத் தோற்றுவித்துள்ளன. இத்தகைய அறிவுப் பரிமாற்றத்துக்கான மூலமாக நூலகங்கள் விளங்குகின்றன என்பதுடன் நூலகராகிய எமது பங்களிப்பும் சமூக முன்னேற்றத்தின் தாங்கு தூண்களாக இருந்து சமூக முன்னேற்றத்துக்கூடாக நாட்டின் முன்னேற்றத்துக்கும் உதவக்கூடியது என்பதில் ஆச்சரியப்படுவதற்கு எதுவுமில்லை. நூலகங்கள் என நான் குறிப்பிடுவது ஆரம்ப காலத்தில் வெறும் சேமிப்புக்குதங்களாகக் காணப்பட்ட நூலகங்களையன்று. கைத்தொழிற் புரட்சியுடன் ஏற்பட்ட மறுமலர்ச்சி காரணமாக கைத்தொழில் ஆராய்ச்சி நிறுவனங்களின் தோற்றத்துடன் சேமிப்புக் குதங்கள் என்ற நிலை மாறுபட்டு நூலகங்கள் அறிவைப் பரப்பும் ஊற்றுக்கள் என்ற கோட்பாடு வலியுறுத்தப்பட்ட பின்னர் துரிதமாக மாற்றமடைகின்ற சமூக பொருளாதாரச் சுற்றாடல் ஒன்றில் தகவல் பாவனையாளருக்குத் தேவையான தகவல்களை வழங்கும் பொறுப்பினை ஏற்றுக் கொண்ட தகவல் பரிமாற்ற மத்திய நிலையங்களாக அமைந்த நூலகங்களையே நான் இங்கு குறிப்பிடுகின்றேன்.
ஆரம்ப கால நூலகங்கள் வெறுமனே சேமிப்புக் குதங்களாக இருந்தது என்னவோ உண்மைதான். ஆனால் இன்று நாம் முற்றிலும் வேறுபட்ட ஒரு காலகட்டத்தில் வாழ்ந்து கொண்டிருக்கின்றோம். தகவல் அல்லது அறிவு என்பதும் நாட்டின் வள முன்னேற்றத்துக்கு அவற்றின் பங்களிப்பு என்பதும் இன்று உலகின் உயர் வளர்ச்சியுற்ற சமூகங்களின் திறவு கோலாக உள்ளமையை அவதானிக்க முடிகின்றது. இன்றைய நிலைப்பாட்டில் சமூக பொருளாதார அபிவிருத்தியில் தகவல் என்பது மிகப் பெரிய மூலாதாரமாக உண்மையில்  ஒரு உற்பத்திக் காரணியாக எவ்வித கேள்வியுமின்றி அங்கீகரிக்கப்பட்டுள்ளது. ஒரு நாட்டின் முன்னேற்றம் அந் நாட்டிலுள்ள சமூகங்களின் முன்னேற்றத்தில் தங்கியுள்ளது. அதேபோன்று ஒரு சமூகத்தின் முன்னேற்றமோ சமூகத்தில் வாழுகின்ற மக்கள் ஒவ்வொருவரதும் முன்னேற்றத்திலேயே தங்கியுள்ளது. இவ்வகையில் நோக்கின் சமூக அங்கத்தவர்களுக்குச் சேவை செய்கின்ற ஒரு சமூகத்தின் உயர் வளர்ச்சிக்குப் பாடுபடுகின்ற நிறுவனங்களாக பொது நூலகங்கள் மிளிர்கின்றன.
நவீன சமூகத்தின் முக்கிய அம்சமாகக் கருதப்படும் பொது நூலகங்கள் சமூகத்தின் நாளாந்த செயற்பாடுகளில் மிக முக்கிய பங்கு வகிக்கின்ற ஒரு சமூக நிறுவனமாகும். சமூகங்களின் கலாசார நிலையங்களாகச் சேவையாற்றும் இந் நிறுவனங்கள் சமூக அங்கத்தவர்களை இன, மத, வயது வேறுபாடின்றி ஒருங்கிணைக்கும் நிலையங்களாகக் காணப்படுகின்றன. சமூகத்தின் பல்வேறு துறைகளிலும் முக்கிய பங்கு வகிக்கும் இந் நிறுவனங்கள் தமது சேவைகளை வழங்குவதனூடாக சமூகத்தின் உந்து சக்தியாக வளர்ந்துள்ள அதே நேரம் ஜனநாயகம், பாதுகாப்பு, அரசியல் விழிப்புணர்வு சமூக அறிவு போன்றவற்றுக்கு உதவுகின்ற ஒரு சமூக நிறுவனம் என்பதையும் நாம் உணர்ந்து கொள்வது அவசியமாகும்.
மேற்கூறிய தகவல்களைப் பின்னணியாகக் கொண்டு பொதுசன நூலகமொன்றினால் வழங்கக் கூடிய சேவைகள் எவை எனப் பார்ப்போம். சேவை என எண்ணும்போதே கண் முன் வந்து நிற்பவை நூலக வசதிகளின் குறைபாடுகளும் நிதிப் பற்றாக்குறையுமே. ஒரு நூலகத்தினால் வழங்கப்படக்கூடிய சேவைகளைத் திட்டமிடல் என்பது மிகவும் சிக்கலானதொன்று. தொழில் நிலை அறிவின் மூலமும் பயிற்சியின் மூலமும் தான் சிறந்ததொரு நூலகவியல் கொள்கை, நூலகப் பட்டியல் ஒன்றின் அடிப்படைத் தேவைகள், முக்கியமான உசாத்துணைப் பணிகள், வாசகர் தரத்துக்கேற்ப வழங்கக் கூடிய சேவைகள், போன்றவற்றை அறிந்திருக்க முடியும். ஆனால் மட்டுப்படுத்தப்பட்ட நிதி வசதி, போதுமான நூலக வசதிகளின்மை போன்றவற்றை எதிர்நோக்கும்போது நூலகவியல் கல்வியில் போதிக்கப்பட்டவற்றை அப்படியே கைக்கொள்ளுதல் சாத்தியமற்றது. எமது நூலகங்கள் இன்றிருக்கும் நிலைமைகளுக்கேற்றபடி திட்டமிடல் மேற்கொள்ளப்பட வேண்டும். வசதிக்கேற்பத் திட்டமிடல் என்பதை நூலகக் கல்வி கற்றுக் கொடுப்பதில்லை. இது நாளாந்தத் தொழில் அனுபவங்கள் மூலமும், அனுபவமிக்க நூலக அலுவலர் மூலமுமே பெறப்பட முடியும்.

பொதுசன நூலக சேவைகளை பஞ்சீலக் கொள்கைகளில் ஒன்றாகிய நூல்கள் பாவனைக்கே என்ற விதியுடன் ஆரம்பிப்பது பொருத்தமானது.
நூல்கள் வாசகரினால் இரு வகைகளில் பயன்படுத்தப்படுகின்றது. ஒன்று நூலகத்துக்குள்ளே வாசித்தல.; இரண்டாவது நூலகத்துக்கு வெளியே வீட்டுக்கு எடுத்துச் சென்று வாசித்தல். இதில் முன்னையது உசாத்துணைச் சேவை எனப்படுகின்றது. மற்றையது இரவல் வழங்கும் சேவை எனப்படுகின்றது.

இரவல் வழங்கும் சேவை
இரவல் வழங்கும் செய்முறையில் பின்வரும் அம்சங்கள் முக்கியமாகக் கருதப்படுகின்றன.
•    வாசகரைப் பதிவு செய்தல்
•    நூல்களை இரவல் வழங்குதல்
•    வாசகர் கோரும் நூல்களை அவர்களுக்கென ஒதுக்கி வைத்தல்
•    நூல்களுக்கு வழங்கப்பட்ட கால எல்லையைப் புதுப்பித்தல்
•    மீளப் பெற வேண்டிய நூல்கள் பற்றி அவதானித்தல்
•    நூலகங்களுக்கிடையிலான நூல் பரிமாற்றம்
•    இரவல் வழங்கல் நடைமுறை தொடர்பான புள்ளிவிபரங்கள் பதிவேடுகளைப் பராமரித்தல்
•    இரவல் வழங்கும் முறைகள்
இரவல் வழங்கும் முறைகளில் பலதரப்பட்ட முறைகள் பின்பற்றப்படுகின்றன. எனினும் பொது  நூலகங்களினால் பின்பற்றப்படுகின்ற பிறவுணி இரவல் வழங்கும் முறை பற்றி இங்கு பார்த்தல் பொருத்தமானது.

பிறவுணி இரவல் வழங்கல் முறை
டீழளவழn டீரசநயர  நூலகம்  ஒன்றில் பொறுப்பாளராக இருந்த Niநெ. நு. டீசழறnநை என்ற அமெரிக்கப் பெண்மணியினால் முதன் முதலாக இம் முறை உருவாக்கப்பட்டது. ஆனால் இம் முறை அமெரிக்காவில் பின்பற்றப்படவில்லை. பிரித்தானியா, இந்தியா, இலங்கை போன்ற நாடுகளில் இம் முறை மிகப் பெருமளவில் பின்பற்றப்படுகின்றது. நூல்களை இரவல் கொடுக்கும் முறையினை உhயசபiபெ ளலளவநஅ என்றும் நூல்களை மீளப் பெறும் முறையினை னளைஉhயசபiபெ ளலளவநஅ என்றும் அழைப்பர்.
•    இரவல் வழங்குதல்
நூலின் பிற்பகுதியில் திகதிப் பதிவுத்தாள் ஒட்டப்பட்டு அதனுள் உள்ள பையுள் நூல் அட்டை செருகப்பட்டிருக்கும். வாசகர் இரவல் பெற அனுமதிக்கப்படும் நூல்களின் எண்ணிக்கைகளுக் கேற்ப அட்டைப்பை வழங்கப்படும். இதை அங்கத்தவர் அனுமதிஅட்டை (சுநயனநச'ள வுiஉமநவ) என அழைப்பர். அங்கத்தவர் தான் இரவல் பெறத் தெரிவு செய்த நூல்களுடன் அங்கத்தவர் அனுமதி அட்டையையும் வாசகர் சேவைப் பிரிவில் கையளிப்பர். நூல் அட்டைகள் தவறுதலாக வேறு நூலின் பையில் செருகப்படும் வாய்ப்பு இருப்பதனால் நூலகர் நூலிலுள்ள நூல்விபரம் தாங்கிய அட்டையை நூலுடன் ஒப்பிட்டுப் பார்த்து இரண்டும் சரியாயின் நூல் அட்டையை எடுத்து அங்கத்தவர் அனுமதி அட்டையுள் செருகி தான் பொறுப்பேற்ற பின்னர் நூலில் மீள ஒப்படைக்க வேண்டிய திகதியைக் குறித்து அங்கத்தவரிடம் நூலை ஒப்படைப்;பார். பொறுப்பேற்ற வாசகர் அட்டைகள் அங்கத்தவர் அனுமதி அட்டை வைப்பதற்கான பிரத்தியேகமான பேழையில் மீள ஒப்படைக்க வேண்டிய திகதியின்  கீழ் பொருள் வாரியாக வரவுப் பதிவெண் ஒழுங்கில் அடுக்கிவைக்கப்படும்;. திகதியைக் குறிப்பிடும் அடையாள அட்டைகள் அங்கத்தவர் அனுமதி அட்டையிலும் சற்று உயரமானதாக இருக்கும், இவற்றின் உதவியால் நூலகர் அங்கத்தவர் மீளப்பெறும் திகதியை இனங்காண்பது இலகுவாகின்றது. வாசகரிடம் ஒப்படைக்கப்படும் நூல் மீளவும் நூலக வாயில் பகுதியில் கடமையாற்றும் பரிசோதகரால் பார்வையிடப்படுகிறது.
•    மீளப் பெறுதல்
நூல்கள் மீள ஒப்படைக்கப்படும் போதும் நூல் வருமதியாகவுள்ள திகதியின் கீழ் அத் திகதிற்குரிய அட்டைக் கூட்டத்தினுள் பொருள்வாரியாக சேர்விலக்க ஒழுங்கில் அடுக்கப்பட்டிருக்கும் அனுமதி அட்டையை மீண்டும் நூலினுள் செருகி அங்கத்தவர் அட்டையை அங்கத்தவரிடம் ஒப்படைப்பார். அதன் பின்னர் வாசகர் வேறொரு நூலையோ அதே நூலையோ மீண்டும் இரவல் எடுக்க உரித்துடையவராவார்.

அனுகூலங்கள்
1.    இம் முறை சுலபமானது.
2.    சிக்கனமானது.
3.    நேர விரயம் குறைந்தது.
4.    ஓரேயொரு பதிவு மட்டும் பின்பற்றப்படுவதால் விநியோகம் மிகவும் விரைவாக செய்யப்பட முடியும்.
5.    நூலினை உரிய நேரத்தில் திருப்பிக் கொடுக்காதவிடத்து     ஞாபகக் கடிதம் அனுப்புதல் இலகுவானது.
6.    எந் நேரத்திலும் எந்த நூல் இரவல் வழங்கப்பட்டுள்ளது என்பதை அறிய முடியும்
7.    நூல் ஒன்றினைத் தேவைப்படுவோருக்கு ஒதுக்கி வைக்க முடியும் 
8.    நூல்களை மீண்டும் துரித கதியில் பாவனைக்கு விடுதல் இலகுவானது.
9.    வாசகர் அட்டை நூலகத்தில் இருப்பதால் எத்தகைய நூல்கள் மிக அதிகமாக சுழற்சிக்கு விடப்படுகின்றன என்பதை அறிய முடியும்
10.    இம் முறையில் நூல்களை இரவல் பெறுவதற்கு விண்ணப்பப்படிவம் பூர்த்தி செய்ய வேண்டிய தேவையோ அல்லது கையெழுத்து போடப்பட வேண்டியதேவையோ இல்லை.
11.    குற்றப்பணம் கணித்தல் சுலபமானது
12.    சுழற்சிக்கு விடப்படுகின்ற நூல்கள் பற்றிய புள்ளி விபரத் தரவுகளை தயாரிப்பது இலகுவானது.
13.    வாசகர் அட்டை நூலகத்தில் இருக்கும் வரை ஒரு நூல் எவரிடம் உள்ளது என்பதை இலகுவாக அறியலாம்.   

பிரதிகூலங்கள்
1.    அங்கத்துவ அட்டைப் பையும் நூல் அட்டையும் தொலைந்தால் எவ்வித நிரந்தரப் பதிவும் கிடையாமல் போகும்
2.    அட்டைகளை கையினால் ஒழுங்கு செய்ய வேண்டி இருப்பதனால் அதிக நேரம் செலவாகின்றது.
3.    அட்டைகளை ஒழுங்கு செய்வதிலும் நூல்களை மீளப் பெறுவதிலும் பிழைகள் ஏற்பட இடமுண்டு
4.    ஒரு வாசகரின் அட்டைப் பையினுள் வேறொருவரின் நூல் பெற்ற அட்டை வைக்கப்பட்டால் யார் நூல் எடுத்தது என அறிவது கடினம்.
5.    நாளாந்தம் திகதி வாரியாக அட்டைகளை அடுக்கா விட்டால் நூல்களை மீளப்பெறும் போது நூல் அட்டையைத் தேடி எடுத்தல் மிகவும் சிரமமாக இருக்கும்
6.    இம்முறையினை நடை முறைப்படுத்த பல நூலக உத்தியோகத்தர்களும் விநியோகத் தட்டுக்களும் பெரிய முகப்பு மேசையும் தேவைப்படுவதனால் சிறிய நூலகங்கள் இம் முறையைப் பின்பற்றுவது கடினம்
7.    விநியோகத் தட்டுக்கள் சீரான முறையில்; ஒழுங்கு செய்யப்படாவிட்டால் சில நேரங்களில் நீண்ட வரிசை (ஞரநஎந) ஏற்படவும் அதனால் நேர விரயமும் ஏற்படும்.

உசாத்துணைச் சேவை
தகவல் அமைப்புகளினால் வழங்கப்படும் சேவைகளிற் தலை சிறந்தது உசாத்துணைச் சேவையாகும். இது பின்வரும் வகைகளில் வழங்கப்படலாம்.
    வாசகரை நூலகத்துக்கு அறிமுகம் செய்தல்
    வாசகருக்கு வழிகாட்டுதல்
    வாசகரையும் நூலையும் பொருத்தமான முறையில் இணைத்து விடுதல்
    உடனடி உசாத்துணைச் சேவை
    தொடர் உசாத்துணைச் சேவை

நூலக அறிமுகச் சேவை
உசாத்துணைச் சேவையில் முக்கியமானது வாசகனை நூலகத்துக்கு அறிமுகப்படுத்தல் நூலகத்துக்கு நூலகம் ஆவணங்களை ஒழுங்குபடுத்துவதிலும், சேவைகளை வழங்குவதிலும் வேறுபட்ட முறைகள் பின்பற்றக் கூடும். எனவே நூலகத்துக்குப் புதிதாக வரும் வாசகர்களுக்கு நூலக விதி முறைகள், சேவைகள் என்பவை பற்றிய அறிமுகம் அத்தியாவசியமானது. புதிய வாசகர்களை நூலகரோ அல்லது நூலக அலுவலர்களோ கூட்டிச் சென்று நூல்களின் தன்மை, நூல்கள் வைக்கப்பட்டிருக்கும் பிரிவுகள், நூலுருவற்ற சாதனங்கள் இருக்குமாயின் அவை பற்றிய விளக்கம், பட்டியலைப் பாவிக்கும் முறைகள், நூலக விதிமுறைகள், அங்கத்தவராகச் சேருவதற்கான ஒழுங்குமுறைகள், போன்ற அனைத்து விபரங்களையும் பொறுமையுடன் கற்றுக் கொடுக்க வேண்டும். விரிவுரை மண்டபத்தில் ஓரிரு விரிவுரைகளுடன் இந்த அறிமுகத்தை முடித்துக் கொள்ளும் போக்கே எம்மிடையே அதிகம் காணப்படுமொன்று. நூலக அறிமுக சேவையைப் பெரிய நூலகங்கள் சரிவரச் செய்வதில்லை என்ற எண்ணப்பாடு வாசகர்களிடம் பரவலாக உண்டு. நூலக விதிமுறைகள் பற்றிய விளக்கக் கையேடுகள், அறிவித்தல் அட்டைகள், ஒழுங்கமைக்கப்பட்ட பட்டியல், திறந்த அணுகுமுறை போன்ற வசதிகள் தாராளமாக இருக்கும் போது வாசகருக்குத் தனித்தனி அறிமுகம் தேவையற்றது என்று நினைத்துக் கொண்டு  ஒரு மேலார்ந்த அறிமுகத்துடன் நாம் ஒதுங்கி;க் கொள்கின்றோம்.

வாசகர் அறிவுறுத்தல் சேவை
தகவல் கட்டுமீறல் அல்லது தகவல் வெடிப்பு என்ற காலகட்டத்தில் வாழ்ந்து கொண்டிருக்கும் மனித சமூகத்தில் தரமான நூல்களைத் தெரிந்தெடுத்துப் படிப்பது சுலபமான தொன்றல்ல. அதற்குச் சரியானதொரு வழிகாட்டுதல் மிக அவசியமாகும். அதிலும் குழந்தைகள், சிறுவர், மாணவர், பெண்கள், முதியோர் எனச் சமூகத்தின் அனைத்து மட்ட வாசகருக்கும் சேவை புரிய வேண்டிய ஒரு பொதுசன நூலகத்தில் வாசகருக்கான வழிகாட்டுதல் என்பது மிக மிக அவசியமாகும்.
வாசகர்; அறிவுறுத்தல் சேவை அல்லது வாசகர் வழிகாட்டுதற் சேவை என்பது நூலகத்துக்கு வரும் வாசகரின் தரத்தை அறிந்து அவருக்குத் தேவையான உதவிகளைச் செய்து கொடுத்தல் ஆகும். இச் சேவையைச் செவ்வனே புரிவதற்கு நாம் நூலக வாசகர் ஒவ்வொருவரையும் நன்கு அறிந்திருத்தல் அவசியமாகும். நூலகத்தில் நாம் கூச்ச சுபாவமுள்ள வாசகர், தாழ்வு மனப்பான்மையுள்ள வாசகர், உயர்வு மனப்பான்மையுள்ள வாசகர், சுயநலமிக்க வாசகர், நூல் திருடர், சாதாரண வாசகர், நுண்ணறிவுள்ள வாசகர் என  ஏழு வகையான வாசகரை இனங்கண்டு கொள்ள முடியும் என்று என ஆசியாவின் நூலகவியல் தந்தை எனப் போற்றப்படும் எஸ்.ஆர்.இரங்கநாதன் குறிப்பிடுகிறார.;
உசாத்துணைச் சேவையின் முக்கிய நோக்கம் பொருத்தமான இடத்தில் பொருத்தமான நேரத்தில் பொருத்தமான முறையில் வாசகனையும் நூலையும் இணைத்து விடுதல் என்பதாகும். இதற்கு வாசகனைப் பற்றிய அறிவு எமக்கு எவ்வளவு முக்கியமோ அதை விட முக்கியமானது நூலகம் கொண்டிருக்கும் தகவல் சாதனங்கள் பற்றிய அறிவாகும். கவர்ச்சிகரமான நூலகக் கட்டடம், வசதியான நூலக தளபாடங்களும் உபகரணங்களும், நூலக ஆவணங்களின் பகுப்பாக்க ஒழுங்கமைப்பு, பல் நோக்கத் தேவையை திருப்திப்படுத்தக் கூடிய பட்டியல், நூல்களுக்கான திறந்த அணுகுகை, பொருத்தமான இடத்தில் பொருத்தமான தகவல் வழங்களைத் தெரிவு செய்வதற்கு உதவுகின்ற வழிகாட்டிகள், நேரத்தைச் சேமிக்கக் கூடிய நூல் இரவல் வழங்கல் முறைகள், அமைதியான சூழல், கண்ணைக் கவரும் வண்ணப்படங்கள், இயற்கைக் காட்சிகள் அனைத்துமே ஒரு வாசகனையும் நூலையும் இணைத்துவிடுவதிற் பெரும் பங்கு வகிக்கின்றன. வளர்ச்சியடைந்த நாடுகளின் நூலகங்களுக்கும், எமது நாட்டிலுள்ள சிறப்பு நூலகங்களுக்கும் இது பொருந்தும் என்பதும் அனுபவ ரீதியான உண்மை என்பதில் சந்தேகமில்லை. ஆனால் எம்மிடையே உள்ள பெரும்பாலான பொதுநூலகங்களை எடுத்தால் அதில் ஒன்று கூடச் சரிவர அமையவில்லை என்பதையும் மனதிற் கொண்டே ஆக வேண்டும். எனவே சேவை புரிதல் எங்ஙனம் என்னும் எண்ணப்பாடு தவறானது. உள்ளதைக் கொண்டு உயர்ந்த சேவையாற்றும் நிலையில் எமது பெரும்பாலான நூலகங்கள் இருக்கின்றன. எனவே ஏடுகளில் சொல்லப்பட்டது போன்று நூலக வசதியில் ஒன்று குறையினும் சேவை வழங்குவது சாத்தியமில்லை என்று எண்ணுவதைத் தவிர்த்துத் தற்கால சூழ்நிலைகளுடன் ஒத்துப் போகும்படி எவ்வாறு வழங்குவது என்பதற்கான மாற்றீடுகளைக் கண்டறிந்து அவற்றை வெற்றிகரமாகச் செயற்படுத்துவதில் தான் சமூகத்தின் முன்னேற்றமே தங்கியுள்ளது. இதில் இன்னொன்றையும் கவனிக்கலாம். போதிய வசதிகளும் வாய்ப்புகளும் இருந்தும் சில நூலகங்கள் எவ்வித சேவைகளையும் வழங்குவதாகத் தெரியவில்லை. குறைந்தது ஒரு நூல் பற்றிய தகவலைக் கேட்டாற்; கூட எத்தனை பேர் முகமலர்ச்சியுடன் எழுந்து சென்று உதவி செய்கின்றனர் என்று இலகுவாகக் கணக்கிட்டுக் கொள்ளலாம். வாசகனுக்கு உதவி செய்வதற்கு நிதிப் பற்றாக்குறையைக் காரணங் காட்டுவது பொருத்தமானதாகத் தெரியவில்லை.
எமது நூலகங்களில் இன்று எழுகின்ற அடிப்படைப் பிரச்சனைகளில் ஒன்று போதியளவு நூல்கள் இல்லை என்பது. இன்னொன்று தரமான நூல்கள் இல்லை என்பது. நூலே இல்லை--- பின் எவ்வாறு வாசகனையும் நூலையும் இணைத்து விட முடியும் என்ற வினா எழுவதும் கவனத்தில் கொள்ளத் தக்கது. இங்கு தான் நாம் சிந்திக்க வேண்டியவர்களாக, நாம் கற்ற அறிவிலிருந்து மாற்றீடுகளைக் கண்டு பிடிக்க வேண்டியவர்களாக ஆகின்றோம். நூல்களைப் பணம் கொடுத்து வாங்கிப் போடும் ஆற்றல் எமக்கு இல்லையெனில் வாசகனுக்குத் தேவைப்படும் நூல் வேறு எந்த நூலகத்தில் இருக்கின்றது என்பதை அறிந்தாவது சொல்ல முடியும். இதனைத் தான் ஆற்றுப்படுத்தல் சேவை என்ற பதம் குறிக்கின்றது.

நூலக விரிவாக்க சேவைகள்
பொது சன நூலகங்களினால் வழங்கப்படக் கூடிய சேவைகளில் முக்கியமானதாகக் கருதப்படுவது நூலக விரிவாக்க சேவையாகும். விரிவாக்க சேவைகள் ஏனைய நூலகங்களினாலும் மேற்கொள்ளப்படக் கூடியது எனினும் பொதுசன நூலகத்தைப் பொறுத்து இது மிகமிக இன்றியமையாதது. ஒரு விசேட நூலகத்தையோ அல்லது ஆய்வு நூலகத்தையோ நாம் எடுத்துக் கொண்டால் தகவல் தேவையின் நிர்ப்பந்தம் அவரை அங்கு போகத் தூண்டும் என்ற வகையில் அங்கு வாசகரை ஈர்ப்பதற்கு நாம் எவ்வித சிரமத்தையும் எதிர் கொள்ளத் தேவையில்லை. அங்கு விரிவாக்க சேவைகளை விட வேறு முக்கிய சேவைகளில் கவனம் செலுத்த வேண்டிய தேவை இருக்கும். பொதுசன நூலகத்தைப் பொறுத்துச் சமூகத்தின் அனைத்துப் பிரிவினருக்கும் இன, மத, வயது வேறுபாடின்றிச் சேவை செய்ய வேண்டிய கடப்பாடு உண்டு. இதற்கு அவர்களை நூலகத்தின் பால் ஈர்ப்பதற்கான நடவடிக்கைகளை மேற்கொள்ளுதல் அவசியமானது. முக்கியமான விரிவாக்க சேவைகளில் சில:-

வாசிப்பு வட்டம்.
வாசிப்பு வட்டம் என்னும்போது பொதுவான பொருட்துறைகளில் ஆர்வமுள்ளோரை ஒன்று சேர்த்து அவர்களுக்கென வாசிப்பு வட்டங்களை உருவாக்குதல் வேண்டும். வாசிப்பு வட்டங்களுக்குத் தேவையான நூல்களையும் வாசிப்பு வட்டத்தை ஒழுங்குபடுத்துவதற்கான இடத்தையும் தேர்ந்தெடுத்து வாசிப்பு வட்டங்கள் சிறப்பான முறையில் நடைபெற வழிவகுக்க வேண்டும். வாராந்த மாதாந்த ரீதியில் நடைபெறும் இத்தகைய கருத்தூட்டல்களுக்கு உதவுமுகமாக நூலகங்கள் தமக்கென சிறியளவிலாவது கருத்தரங்கு மண்டபம் ஒன்றையும் கொண்டிருக்குமாயின் வாசிப்பு வட்டம் நடைபெறுவதற்கு ஒரு வாரத்துக்கு முன்பேயே அவற்றுடன் தொடர்பான நூல்களை அம் மண்டபத்தின் ஒரு பகுதியிலேயே காட்சிப்படுத்தின் வாசகர்களுக்கு இலகுவாக இருக்கும்.

கல்வியற்றோருக்கான வாசிப்பு
அபிவிருத்தியடைந்து வரும் பெரும்பாலான நாடுகளில் கல்வியறிவற்றோரின் தொகை அதிகமாக இருப்பது மட்டுமன்றி இவர்கள் பொருளாதார, சமூக, கலாசார ரீதியில் மிகவும் பின் தங்கியோராக இருப்பதை இனங் காண முடிகின்றது. இவர்களுக்கு வாசிப்புப் பழக்கத்தை ஏற்படுத்தி ஏனையோரைப போன்று இவர்களையும் சமூகத்தின் மேல் நிலைக்குக் கொண்டு வர வேண்டிய பணி பொது நூலகங்களையே சாரும். இச் சேவையின் மூலம் கல்வியறிவற்றோரும் கல்வி பெற, தகவலைப் பெற, பொழுது போக்க, அகத் தூண்டலுக்கு உதவ, மீளுருவாக்கத்திற்;கு உதவு முடியும். இச் சேவையின் மூலம் மிகச் சிலராவது எழுதவும் படிக்கவும் தூண்டப்படக் கூடும். அவ்வாறு அவர்கள் தூண்டப்பட்டுக் கல்வியறிவு ஊட்டப்பட்டவர்களாக மாறிய பின்னர் அவர்களை மேலும் ஊக்குவிக்க வழிகாட்டலாம். இளமையிற் கல்வி சிலையில் எழுத்துப் போன்று முதுமையில் கல்வி விட்டாலற் போச்சு என்ற நிலை உருவாக விடாது மேலும் மேலும் முதியோர்க்கான வழிகாட்டல் உதவியை மேற்கொள்ளுதல் அவசியமாகும்.

ஏனைய நிறுவனங்களுடன் தொடர்பு
உள்ளுரிலுள்ள கல்வி நிறுவனங்கள் மேற்கொள்ளும் கருத்தரங்குகள், கூட்டங்கள் போன்றவற்றுக்குப் பொருத்தமான இடத்தை வழங்குவதன் மூலமும் கருத்தரங்கிற்;குத் தேவையான வசதிகளைச் செய்து கொடுப்பதன் மூலமும் சமூகத்தின் மேல் மட்ட அங்கத்தவர்களுடன் ஒரு இணைப்பை ஏற்படுத்திக் கொள்ளல் ஒரு பொது சன நூலகத்தின் கடமையாகக் காணப்படுகின்றது. சமூகத்தின் வளர்ச்சி அச்சமூகத்தின் மேல் மட்ட அங்கத்தவர்களின் ஆதரவிலும் தங்கியுள்ளது என்பதை நாம் மறுக்க முடியாது. இவர்களுடன் கூடுமான வரை நல்லுறவை வளர்த்துக் கொள்வதன் மூலம் நூலகம் சமூகத்தின் புத்தி ஜீவிகள் நிலையமாக மாறுவதற்கு இத்தகைய சேவை வழிவகுக்கும்.

பொதுச் சொற்பொழிவுகள்
சமூகத்தின் கல்வித் தரம் வாய்ந்தவர்களை அணுகி அவர்கள் மூலமாகப் பொதுச் சொற்பொழிவுகளை ஒழுங்கு செய்யலாம். சொற்பொழிவுக்குத் தேர்ந்தெடுக்கப்படும் பொருட்துறை அண்மைக்காலத்திற்;கு உரியதாக இருத்தல் அவசியம். இங்கும் கூட முன்னர் குறிப்பிட்டவாறு கருத்தரங்கு மண்டபத்தின் ஒரு புறத்தில் சொற்பொழிவிற்கான பொருட்துறை சார்ந்த புத்தகங்களைக் காட்சிப்படுத்தலாம்.. இந் நிகழ்வானது சமூக ரீதியிற் பரந்தளவுக்கு விளம்பரப் படுத்தப்படுவதுடன் ஒவ்வொரு சொற்பொழிவிலும் அச் சொற்பொழிவுடன் தொடர்புடைய நூல்களின் விபரங்களும், தற்போது அவற்றில் எவையெவை நூலகத்தில் இருக்கின்றன என்ற விடயமும் அறிவிக்கப்படல் அவசியம்.

கலாச்சார நிகழ்வுகள்
மக்களை ஈர்க்கக்கூடிய முயற்சிகளில் ஒன்றாகக் கலாச்சார நிகழ்ச்சிகளை ஒழுங்கு பண்ண வேண்டும். நாடகம் திரைக்காட்சி போன்றவற்றை ஒழுங்கு செய்து சமூகத்தின் அனைத்து அங்கத்தவர்களையும் பங்குபற்றச் செய்தல் வேண்டும். நூலகப் பக்கமே திரும்பிப் பார்க்காத ஒருவரைத் தன்னும் நூலகப் பக்கம் வரப்பண்ணுவதில் நாம் வெற்றியடைவோமானால் அது நூலகத் தொழிலுக்குக் கிடைத்த வெற்றியாகும்.

நூல் கண்காட்சிகள்
 வெறுமனே நூல்களை மட்டும் காட்சிப்படுத்துவதைத் தவிர்த்து கூடியவரை ஏனைய ஆவணங்களான நுண்வடிவங்கள், பருவ இதழ்கள், கட்புல செவிப்புல ஆவணங்கள் வரைபடங்கள் போன்றவற்றையும் கண்காட்சியில் பார்வைக்கு வைப்பதன் மூலம் நூலகம் என்பது வெறுமனே கதைப்புத்தகம் வாசிப்பதற்குரிய இடம் மட்டுமே என்ற கருத்துநிலையை மாற்ற முடியும்.

சிறுவர்க்கான கதை நேரம்
நூலக விரிவாக்க சேவையில் அதி கூடிய கவனம் செலுத்த வேண்டிய அம்சமாக இது கருதப்படுகின்றது. இலங்கையில் இலவசக் கல்வித் திட்டம் ஏனைய வளர்முக நாடுகளுக்கில்லாத ஒரு வரப்பிரசாதம் என்பது உண்மை. எனினும் வெறும் எழுத்துக்களையும் எண்களையும் மட்டுமே நாம் படிக்கின்றோமே தவிர அறிவை வளர்த்துக் கொள்பவர்கள் எம்மில் வெகு சிலரேயாவர். 85 வீதத்துக்கும் மேற்பட்ட மக்கள் எழுத வாசிக்கத் தெரிந்தவர் எனப் புள்ளி விபரம் கூறுகின்றது. இவர்களில் சுயமாகச் சிந்தித்து ஒரு விடயத்தைத் தீர ஆலோசித்து விடை காண்பவர் எத்தனை பேர். சுயமான கற்றலுக்கு உதவக்கூடிய ஒரே நிறுவனம் பொது நூலகமே என்பதை எவரும் மறுக்க முடியாது. சுயமாகக் கற்றல் என்பதைச் சிறுவர்கள் மூலம் தான் நாம் செயற்படுத்திக் காட்ட முடியுமே தவிர இன்றைய இளம் தலைமுறைக்கு தனியார் கல்வி என்பது வாழ்க்கையின் பிரிக்க முடியாத ஒரு அம்சமாகி விட்டது. சிறுவர்களை நல்ல வழிக்கு வழிகாட்டுவதன் மூலம் தான் சுய சிந்தனையுள்ள எதிர்கால சந்ததியினரை உருவாக்க முடியும் என்பதை மனதில் இருத்தி சிறுவர்க்கான சேவை முறைகளை பொது நூலகங்கள் விரிவு படுத்த வேண்டும். இதைச் செய்து பலனும் கண்டபின்பே எமது மக்களில் 85 வீதமானோர் படித்தவர்கள் என்று எமைப் பறை சாற்றிக் கொள்வதில் பலனுண்டு அர்த்தமும் உண்டு. ஊர்களில் நடைபெறும் திருவிழைக்கள், பண்டிகைகளின்போது நடைபெறும் பேச்சுப்போட்டிகள், கட்டுரைப் போட்டிகளுக்கான தகவல்களை உடனுக்குடன் வழங்கக் கூடியவர்களாக எம்மை நாம் தயார்படுத்திக் கொள்ள வேண்டும். சிறுவர் பகுதியெக் கொண்ட நூலகங்களில் பொதுசன நூலகம் முக்கியமானது. ஏனைய நாடுகளைப் போன்று சிறுவர்களுக்கென இங்கே விசேட நூலகங்கள் எதுவுமில்லை என்பதை இங்கு நாம் மனதில் கொள்ள வேண்டும்.

நூலக விளம்பரம்
எம்மவர் மத்தியில் சிலருக்கு நூலகம் என்பது ஏதோ நெருங்க முடியாத இடம், மேதாவிகள், விற்பன்னர்கள், பெரிய மனிதர்கள் மட்டுமே செல்லக் கூடிய இடம் என்ற ஒரு உணர்வு உண்டு. அதேபோன்று நூலகம் செல்வது வேலை மினைக்கேடு என்று எண்ணுபவர்களும் எம்மிடையே உள்ளனர். நூலகத்தில் நூலை இரவல் பெறுவதற்கு கட்டணம் செலுத்தி அங்கத்தவராக மாறவேண்டும். காசு கட்டிப் படித்து அறிவு பெற்று ஆக வேண்டியது ஒன்றுமில்லை எனப் பின் தங்குபவர்களும் எம்மிடையே உள்ளனர். நூலகத்தால் பயன அதிகம் எனக் கருதி அதனைப் பயனபடுத்த விழைவோர் கூட அதனைச் சரிவரப் பயனபடுத்துவதில்லை. பல்கலைக்கழகப் பட்டம் பெற்றவர்களில் நூலகம் செல்பவர்களின், நூலக உணர்வு பெற்றவர்களின் எண்ணிககையை விரல் விட்டே எண்ண முடியும். நூலகங்களின் அமைப்பு, நடைமுறை, பணிமுறை, பயனபாடு என்பன தெரியாமல் அல்லது தெரிந்து கொள்ள இயலாமல், அல்லது தெரிந்து கொள்ள விரும்பாமல், தெரிந்து கொள்ள முயலாமல் இருப்பதற்கு காரணம் மக்களுக்கும் நூலகங்களுக்குமிடையே காணப்படும் பெரியதோர் தொடர்பு இடைவெளி தான். இதனை நிவர்த்திப ண்ணுவதற்குச் சிறந்த முறை நூலக வாரம் கொண்டாடுதல். இதனை நூலகங்களின் வசதிக்கேற்பச் செய்யலாம். கண்காட்சிகளை ஒழுங்குபண்ணுதல், அண்மைக்காலங்களில் வெளியான நூல்களைக் காட்சிக்கு வைத்தல், நூலகத்தின் பணிகள் செயற்பாடுகள் தொடர்பான விபரங்களைத் தொகுத்துச் செய்திக் கடிதங்களாக, அறிக்கைகளாக நூலக உறுப்பினர்களுக்கும் வாசகருக்கும் விநியோகித்தல் போன்றவற்றின் மூலம் இதனை நடைமுறைப்படுத்தலாம்.
வசதியும் வாய்ப்பும் அற்ற நூலகங்களினால் இன்றைய நிலையில் செய்யபக்கூடியது ஆண்டுக்கொரு தடைவ நூலகவாரம் கொண்டாடுவது தான். இந் நிகழ்வின் போது நூலகம் சம்பந்தமான சுவரொட்டிகளை ஊரின் முக்கிய இடங்களில், கல்வி நிலையங்களுக்கு அருகில், கண்ணைக் கவரும் முறையில் வெளியிடுவது  அதிக பயனைக் கொடுக்கும். இதன் மூலம் நூலகவியல் விதியின் மூன்றாவது விதியாகிய நூலுக்கொரு ஆள் என்ற விதியை நிறைவேற்ற முடியும்.

விசேட சேவைகள்
பெரும்பாலும் சில வளர்ச்சியடைந்த பெரிய விசேட நூலகங்களிலேயே இச் சேவைகள் ஆற்றப்படக்கூடும் என்ற கருத்துநிலை நிலவினும் எவ்வித வசதியுமற்ற சிறிய பிரதேசசபை நூலகங்களில் இச்சேவைகள் நூலகரினால் தனித்து மேற்கொள்ளப்படுவதைக் காணும்போது சேவை புரிவதற்கான மனநிலை தான் அவசியமே தவிர நூலக வசதிகள் இரண்டாம் நிலையே என்பது தெளிவாகின்றது.

பத்திரகைத் துணுக்குகளை வெட்டி ஒட்டுதல்.
பத்திரகைகள் பொதுவாக அனைத்து நூலகங்களினாலும் வாங்கப்படுபவை. ஆனால் பெரும்பாலான நூலகங்கள் இவற்றை வாங்கி வாசகர் பார்வைக்கு வைத்து ஒரு மாதமோ இரு மாதஙகளோ சென்ற பின்னர் அவற்றை பழைய கடைக்கு தள்ளி விடுவதே நடைமுறையாக உள்ளது. எமது நாட்டின்; வரலாற்றை எடுத்துக் கூறும் முக்கிய தகவல் மூலமாக  இன்றும் பத்திரிகைகள் இருக்கின்றன. 'இன்றைய செய்தித்தாள் நாளைய கழிவுத்தாள்' என்ற கருத்துநிலை வளர்ச்சியடைந்த நாடுகளுக்கு மட்டுமே பொருந்தும். வரலாறு மட்டுமன்றி சமூக பொருளாதார கலாசார மாறுதல்கள் அனைத்தையும் பத்திரிகைகள் தான தாங்கி நிற்கின்றன. மக்களின் குறை நிறைகளை வெளிக்கொணரும் சாதனமாக மட்டுமன்றிப் புதிய கருத்துக்களைப் பரப்புதல், உலகின் பலதரப்பட்ட நாடுகளின் அரசியல், பொருளாதார, சமூக மாற்றங்கள் பற்றிய தகவல்களை வழங்குதல் போன்ற பணிகளையும் எம்மூர்ப் பத்திரிகைகள் ஆற்றுகின்றன. இப்பத்திரிகைகளை பொருளடிப்படையில் முக்கியத்துவம் பெறும் கட்டுரைகள் செய்திகள் போன்றவற்றை வெட்டியெடுத்து பழைய நோட்டுப் புத்தகமோ, வர்த்தமானப பத்திரிகையோ எதுவென்றாலும் கால அடிப்படையில் ஒட்டி  அகர வரிசைப் பொருட் தலைப்புகளின் கீழ் ஒழுங்குபடுத்தலாம். சமூகத்திற்கு மிகவும் அவசியமான பொருளாதார அபிவிருத்திக்கான மாற்றீடுகள், அண்மைக்கால நூல் வெளியீடுகள், பெண்களுக்கான சிறு தொழில் முயற்சிகள், விவசாயம் தொடர்பாக உள்ளுர் விவசாயிகள் எதிர்நோக்கும் பிரச்சினைகள், அனமுரண்பாடுகள்  போன்றவை துணுக்குகள் சேகரிப்பதற்கான பொருட்தலைப்புகளின் சிலவாகும். பொதுசன நூலகங்கள் குறிப்பிட்ட பொருட்தலைப்புகளை தெரிந்தெடுத்த பின்னர் தமக்குள் கலந்து பேசி இப் பணியைச் செய்வதன் மூலம் ஒரே மாதிரியான ஆக்கங்கள் உருவாவதைத் தடுக்க முடியும். இவ்வாறு செய்வதன் மூலம் உயர் மட்ட ஆய்வுகளை மேற்கொண்டுள்ள ஆய்வாரள்களைக் கூட எமது நூலகம் நோக்கி இழுக்க முடியும். பத்திரிகைகளைக் கொண்டு சிறந்த தகவல் வலயம் ஒன்றை உருவாக்கக் கூடிய வல்லமை நிதிப்பற்றாக்குறையையும் போதி வசதிகளின்மையையும் அடிப்படைப் பண்பாகக் கொண்ட நூலகங்களினால் திறம்பட ஆற்றப்பட முடியுமாயின் அது அங்கு கடமை புரியும் நூலகரின் தனிப்பட்ட ஆற்றலிலேயே தங்கியிருக்கும் என்பது தெளிவு.

மொழிபெயர்ப்புச் சேவை
காலங்காலமாக மனித சமூகம் பெற்றிருந்த அறிவும் அனுபவமும்அநிறைந்த அறிவுக் களஞ்சியம் எம்மிடையே உண்டு. எமது பல அனுபவங்களுக்கு அதில் பதிவு இருக்கலாம். வளர்ச்சியடைந்த நாடுகள் தமது ஆய்வு அபிவிருத்திப் பணிகளை முடுக்கி விடுவதும் எம்போன்ற வளர்முக நாடுகள் தமது துரித வளர்ச்சி வீதத்தைப் பரதிபலிப்பதற்காக அவற்றைப் பயனபடுத்துவதும் அறிவு அத்தியாவசிய மூல வளம் என்ற கருத்துநிலையினி தோற்றத்துக்கு இட்டுச் சென்றிருக்கிறது. திரிபில்லாது, பாரபட்சமில்லாது அறிவினை ஆளக்கு ஆள், நாட்டுக்கு நாடு பரப்புதல் நூலகங்களின் குறிப்பாக பொதுசன நூலகங்களின் முக்கிய பணியாக உள்ளது. ஒரு சமூகம் தகவலை மையமாகக கொண்டு பின்னப்பட்டிருக்குமாயின் அறிவு ஒரு சர்வதேச மூலவளமாக கருதப்படுமாயின் அதனைப் பயனபடுத்துவோர் அம்மூலவளத்தினை அணுகச் சம அருகதையுடையோராக இருத்தல் அவசியம். ஆனால் இவ் இலட்சியத்தை அடையமுடியாதபடி மொழித் தடை, பொருளாதாரத் தடை, தொழினுட்ப அறிவு மீதான தடை போன்றன இயங்குகின்றன. மேற்கூறிய அனைத்துத் தடைகளிலும் மொழித் தடையை நீக்குவதற்கு மிகச் சிறதளவு பங்களிப்பையாவது நூலகர் வழங்க முடியும். தனிப்பட்ட ஒரு வாசகனுக்காக நேரத்தைச் செலவழிக்க முடியாது போனாலும் பொதுவான நடப்பு விடயங்களை, மொழிபெயர்ப்புச் செய்து காட்சிப்படுத்துவது உகந்தது.
எம்மிடையே மொழிபெயர்ப்புச் சேவை என்பது வளர்ச்சியடைந்த பெரிய நூலகங்களினால், அல்லது ஆய்வு நூலகங்களினால் வாசகரின் கோரிக்கையடிப்படையில் ஆற்றப்படுவது என்ற எண்ணப்பாடு உண்டு. போதிய நிதி வசதி, நூலக வசதியைக் கொண்ட எத்தனை நூலகங்கள் இவற்றைச் செய்கின்றன என்றால் விடை கேள்விக் குறியே. நூலக உணர்வும் சமூக மேமபாட்டுக்காக உழகை;கும் உணர்வும் எம்மிடையே சிறிதளவு இருந்தாலும் வசதியிருந்து பெரிய நூலகங்களினால் மறுக்கப்படுகின்ற, தட்டிக் கழிக்கப்படுகின்ற, சேவைகளை இச் சமூகத்துக்கு பொது சன நூலகர்களால் வழங்க முடியும். சமூகத்தில் இலைமறை காயாக இருக்கும் பரந்த அறிவும் அனுபவமும் வாய்ந்த சமூக உணர்வு மிக்க அங்கத்தவர்களை இனங்கண்டு அவர்களை அணுகி அவர்கள் உணரும் படி செய்ய முடியுமாயின் அது நூலகருக்கும் நூலக சேவைக்கும் அதனால் இச் சமூகத்துக்கும் கிடைத்த வெற்றி என்றே கூற முடியும்.

குறிப்புதவு நூல்கள்

1.  Harrison,K.C. First steps in Librarianship. London: Crafton,1960.

2.  Harrod,L.M. Harrod`s librarians` glossary of terms used in librarianship documentation and the book craft and reference book. Compiled by Ray Prytherch,6^th ed..- London:Gower,1987.

3.  Krishankumar. Reference services. New delhi:Vani educational books, 1984.

4.  Hutchins, Margaret. Introduction to reference work. Chicago: American Library Association,1944.

5.  Katz, William. A. Introduction to reference work. 3^rd ed. New york: McGraw Hill,1978.

6.  Mittal,R.L. Library administration.Theory and practice, 5^th ed.-New Delhi: Metropolitan book,1983.

7.  Shera,Jesse.H. (1976)Introduction to Librarary Science:Basic elements of Library science. Littletone:Libraries unlimited. p14.

[Seminar for public Librarians conducted by 

Local Government services, Jaffna on  09^th-10^th, Nov, 1991]

இணுவில் பொது நூலகம்

இணுவில் பொது நூலகம்
தகவல் யுகமொன்றில் சுடர்விடும் நம்பிக்கை ஒளி

[Cirunuvaith thiruvur. Compiled by M.Sivalingam.

Inuvil: Saivath thirunerik kkalakam, 2004.]

ஜஅன்பும் அறநெறியும் ஆன்மீக வாழ்வும் இணைந்ததோர் அற்புதமான ஊர் இணுவையூர். உழுதுண்டு வாழ்வதற்கு ஒப்பில்லைக் கண்டீர், எழுத்தறிவித்தவன் இறைவனாவான், என்ற இரு வாக்குகளுக்கும் ஏற்ப உழவுத்தொழிலையும் கற்பித்தல் பணியையும் பிரதான தொழிலாகக் கொண்டவர்கள் இம் மக்கள். படிப்பறிவை விட பட்டறிவிற்கு முக்கியத்துவம் கொடுக்கும் இம்மக்கள் நூலுண்ர்வு மிக நிரம்பப் பெற்றவர்கள். இவர்களது நூலுணர்வுக்கு சிறந்த எடுத்துக்காட்டுகளாக கோவில்கள் மட்டுமன்றி சுருட்டுக் கொட்டில்கள் கூட இருந்திருக்;கின்றன என்பதை நடமாடும் எடுத்துக்காட்டுகளாக  விளங்கும் சமூகத்தின் மூத்த உறுப்பினர்களைப் பார்த்து அறிந்து கொள்ள முடியும். பாடசாலைப் பக்கம் எட்டிப்பார்க்காதவர்கள் அல்லது எட்டிப்பார்க்கும் வசதியற்றவர்கள் கூட திருக்குறள் போன்ற நீதி நூல்களையும் பாரதம் போன்ற காப்பியங்களையும் கந்த புராணம் போன்ற சமய நூல்களையும் செவி வழி பெறுவதற்கான சிறந்த சொற்பொழிவுக் கூடங்களாக சுருட்டுக் கொட்டில்கள்களை மாற்றிமையை வாய்மொழி வரலாறு எமக்கு எடுத்தியம்புகிறது. மாறிவரும் சமுதாயமானது ஆற அமர இருந்து நல்லவை தீயவற்றை விலக்கக்கூடிய அறிவையோ அதற்கான நேர அவகாசத்தையோ கொடுக்கமுடியாதளவிற்கு பரபரப்பு மிக்கதாகவும் இயந்திரமயப்பட்டதாகவும்; இருப்பதானது புதிய தலைமுறையினரின் அறிவுத்தேடலிலும் கணிசமான மாற்றத்தை ஏற்படுத்தியுள்ளது. இது நூலுணர்வு மிக்க எமது சமூகத்தின் பதிய தலைமுறையின் தேடலுணர்வையும் கணிசமானளவு பாதித்துள்ளதை மறுக்க முடியாது. இம்மண்ணில் உருவாகும் பொதுநூலகமானது இத்தேடலுணர்வை அதிகரிக்கும் பிரதான களமாக  மாறும் என்ற பேரவாவின் வெளிப்பாடே இக்கட்டுரையாகும் ஸ. 
நூலகங்களை பொதுநூலகங்கள் கல்வி சார் நூலகங்கள், சிறப்பு நூலகங்கள் என மூன்று பெரும் பிரிவாக வகைப்படுத்த முடியும். இதில் மக்களுக்காக மக்களால் மக்களே முன்னின்று நடத்துவது பொது நூலகங்கள் எனப்படும்.. இலங்கையில் உள்ளுராட்சித் திணைக்களத்தின் நிதியினைப் பெற்று மாநகர சபை; நகர சபை, பிரதேச சபை  மட்டத்தில் இயங்கும் நூலகங்கள்;, கிராம மட்டத்தில கிராம மக்களின் ஒன்றிணைந்த முயற்சியினால்; உருவாக்கப்பட்டு அவற்றின் தனிப்பட்ட நிதியினால் இயங்கும்  நூலகங்கள், சனசமூக நிலையங்களின் ஒரு பிரிவாக இயங்கும் நூலகங்கள் என்பன பொது நூலகங்கள் என்ற வரையறைக்குள் வருகின்றன.  நவீன சமுதாயத்தின் முக்கிய அம்சமாக கருதப்படும்  பொது நூலகங்கள் சமூகத்தின் நாளாந்த செயற்பாடுகளில் மிக முக்கியத்துவம் வகிக்கின்ற ஒரு சமூக நிறுவனமாகும்.  சமூகத்தின் கலாச்சார நிலையங்களாகச் சேவையாற்றும் இந் நிறுவனங்கள் சமூக அங்கத்தவர்களை இன, வயது, மொழி, மத  வேறுபாடின்றி ஒன்றிணைக்கும் நிலையங்களாகக் காணப்படுகின்றன. இவை ஏனைய கல்விசார்,விசேட நூலகங்கள் போன்று குறிப்பிட்ட வாசகர் பிரிவுக்கு சேவை செய்வன அல்ல. சிறுவர், மாணவர், முதியவர், பெண்கள், வலுக்குன்றியோர், ஆசிரியர், ஆராய்ச்சியாளர் போன்ற சமூகத்தின் அனைத்து மட்டத்தினருக்கும் சேவை செய்யவேண்டிய கடமைப்பாடு உடையது பொது நூலகமாகும். 
சர்வதேச நூலகச் சங்கங்களின் சம்மேளனத்தினால்ஜஐகுடுயுஸ் மீளாய்வு செய்யப்பட்ட யுனெஸ்கோவின்  அறிக்கைப்படி பொதுசன நூலகங்களின் குறிக்கோள்களும் இலக்குகளும் பின்வருமாறு அமைகிறது.
1.    கல்வி சார்ந்தவை
எந்தவொரு கல்வி மட்டத்திலும் தனிப்பட்டவர்களதும் குழுவினதும் சுய முன்னேற்றத்;தை ஊக்குவிப்பதற்கான வழிவகைகளைக் கண்டறிவதன் மூலம் தனிநபருக்கும் அறிவிற்கும் இடையிலான இடைவெளியை இல்லாமல் செய்தல், தனிநபர் ஒருவருக்கான கல்வி நிலையமாக பொதுநூலகங்களின் பயன்பாட்டை மேம்படுத்தல், முறைசார்ந்த கல்விச் செயற்திட்டங்களுக்கு உதவுதல், சிறப்புத் தகவல் வளங்களின் உருவாக்கத்தை மேம்படுத்தல்

2.    தகவல் சார்ந்தவை
தனிநபருக்கு அல்லது குழுவிற்கு சரியான தகவலை வேகமாகவும் நடப்பு விவகாரங்களுடன் சம்பந்தப்பட்ட தகவல்களை மிக விரிவாகவும் வழங்குதல், பொதுநூலகங்களின் பயன்பாட்டை தகவல் நிலையங்களின் தரத்துக்கு உயர்த்துதல். சிறப்புத் தகவல் வளங்களுக்;கான ஆற்றுப்படுத்தும் நிலையங்களாக பொதுநூலகங்களின் பயன்பாட்டை மேம்படுத்தல். கலாச்சார வாழ்வின் ஆதார நிலையங்களில் ஒன்றாக வளர்த்தெடுத்தல்,; அனைத்துக் கலைகளிலும் பங்கெடுத்தலும் அவற்றைப் போற்றுதலும்
3.    கலாச்சாரம் சார்ந்தவை
தனிநபர் ஒருவர் கலைகளில் பங்கெடுக்கக்கூடிய வகையிலான நிலையங்களாக பொதுநூலகங்களின் பயன்பாட்டை மேம்படுத்தலும் ஊக்குவித்தலும், கலாச்சார நிகழ்வுகளை ஆரம்பித்து வைப்பவர்களாகவும் அவற்றின் ஒழுங்கமைப்பாளர்களாகவும் பொது நூலகங்களின் பங்கை ஊக்குவித்தல், ஓய்வு நேரத்தை பயனுள்ள வகையில் கழிக்கும் விதத்தில் உள்ளுர் சமூகங்களுக்கும் கலாச்சார நிறுவனங்களுக்கும் இடையில் இணைத்து வைக்கும் பொறுப்பு மிக்கவர்களாக பொதுநூலகங்களை ஊக்குவித்தல், உள்ளுர் நிறுவனங்களுக்கும் கலாச்சார நிறுவனங்களுக்கும் ஒரு சிறப்பு நூலகமாக  பொது நூலகங்களின் பாவனையை மேம்படுத்தலும் ஊக்குவித்தலும் ,கலாச்சார தகவல் நிலையங்களாக பொது நூலகங்களின் பயன்பாட்டை மேம்படுத்தலும் ஊக்குவித்தலும் என்பன
4.    ஓய்வு
ஓய்வு நேரத்தைப் பயனுள்ள வகையில் கழிப்பதை ஊக்குவித்தலும் புத்தாக்கத்துக்காக தகவல் வளங்களை வழங்குதலும், தனிப்பட்டவருக்கும் தனிநபருக்கும் தேவைப்படும் பொழுதுபோக்கு சாதனங்களின் வழங்கலை மேம்படுத்தல். சமூகத்திலுள்ள சிறப்புக் குழுக்களின் ஓய்வுக்கால தகவல் வழங்களை மேம்படுத்தல் போன்றவை
பொது நூலகத்தின் குறிக்கோள்களை நிறைவேற்றுவதற்கு பின்வரும் முக்கிய தொழிற்பாடுகளை ஆற்ற வேண்டும் என எதிர்பார்க்கப்படுகிறது.
•    முறை சாராத வளர்ந்தோர் கல்விக்கான முகவர் நிலையங்களாக செயற்படல்
•    சுய கல்விக்கான முகவர் நிலையங்களாகத் தொழிற்படல்
•    கூட்டுறவு முறையில்; கலாச்சார அனுபவங்களையும் ஜனநாயக வாழ்வையும் விருத்தி செய்தல்
•    தற்காலத்தில் நடைபெற்றுக்கொண்டிருக்கின்ற அனைத்து விவகாரங்கள் நெருக்கடிகள் தொடர்பான தகவல்களை வழங்குதல்
•    சனசமூக நிலையங்களாகத் தொழிற்படல்
•    சமூகரீதியில் பயனுள்ள ஒரு நிறுவனமாகவும் கலாச்சார நடவடிக்கைகளை மேற்கொள்ளும் நிறுவனமாகவும் தற்கால உலகியல் மாற்றங்களை அலசும் இடமாகவும் இருத்தல்
•    பொதுமக்கள் சார்ந்த நிகழ்வுகளை நினைவுகூரும் வகையில் ஒரு சந்திப்பிடமாக தொழிற்படல்
•    பொது திறப்பு நிகழ்வுகள் தொடர்பான நூல்களின் பட்டியல்களை காட்சிக்கு வைத்தல்
•    பிரபலமான நபர்களின் பேச்சுகள், விரிவுரைகள், தரைப்படக்காட்சிகள் போன்றவற்றை ஒழுங்குபடுத்துவதனூடாக வரிவாக்க நிலையமாக தொழிற்படல்
•    உசாத்துணை சேவைகள், சிறுவர்க்கான சேவைகள் நூலுருவற்ற சாதனங்களின் சேவைகள் போன்றவற்றை ஒழுங்குபடுத்தல்
•    பௌதிக ரீதியிலான அனைத்து தடைகளையும் உடைத்து அனைத்துத் தகவல் வளங்களையும் வாசகர் அணுகக்கூடிய வாறு வழிசமைத்தல்
•    சமூகத்தின் நிகழ்காலத்தேவைகளையும் இனித் தேவைப்படும் என எதிர்பார்க்கப்படும் தேவைகளையும் பிரதிபலிக்கும் நிலையமாக தொழிற்படல்
•    ஒவ்வொரு தனிமனிதனும் தனது தேவைகளுக்கும் ஆர்வங்களுக்கும் ஆற்றல்களுக்கும் ஈடு கொடுக்கும் வகையில் ஆய்வு, தனிநபர் கலாச்சாரம் என்பவற்றுக்கான நிலையமாக தொழிற்படல்
•    உயிரூட்டமிக்க, சமூகரீதியில் ஒருங்கிணைக்கப்பட்ட உத்திகளின் உருவாக்க சக்தியாக தொழிற்படல்
•    பாடசாலைகள் கல்லூரிகள் என்பவற்றின் முறைசார்ந்த கல்விக்கு உதவும் நிலையமாக இருத்தல்
•    வாசிப்புப் பழக்கத்தை விருத்தி செய்யும் நிலையமாக தொழிற்படல்

.ஒரு கிராம பொது நூலகமாக தோற்றம் பெறும் இணுவில் பொது நூலகமானது முழுக்க முழுக்க கிராமத்தின் வளர்ச்சிக்காக அயராது பாடுபடும் சமூக ஊறுப்பினர்களின் ஆதரவுடன் இயங்கப்போகும் ஒரு சமூக நிறுவனம் என்ற பெருமையைப் பெறுகிறது. மேலே குறிப்பிட்ட தொழிற்பாடுகளின் அடிப்படையில் இந்நூலகம் தனது மக்களுக்கு ஆற்ற கூடிய பணிகளை கீழைத்தேய நூலகவியலின் தந்தை எனப் போற்றப்படுகின்ற பேராசிரியர் எஸ். ஆர் இரங்கநாதனின் சிந்தனையில் உதித்து உலகம் முழுவதும் போற்றப்பட்டு பின்பற்றப்பட்டு வரும் நூலகவியலின் தலைசிறந்த விதிகளின் அடிப்படையில் ஆராய்வது பொருத்தமானதாகும்.

நூல்கள் பாவனைக்கே

புகழ் பெற்ற இந்த முதலாவது விதி பரந்துபட்ட கருத்துநிலைகளைக் கொண்டது மட்டுமன்றி பின்னால் வருகின்ற நான்கு விதிகளுக்குமான அடிப்படையாகவும் விளங்குகின்றது. நூல்கள் படிப்பதற்கேயன்றி பத்திரமாய் அலுமாரிகளில் பூட்டிப் பாதுகாப்பதற்கு அல்ல என்பதே இவ் விதியின் அடிப்படை வேதம் ஆகும். இதற்கு காரணம் உண்டு . எம்மவர் மத்தியில் ஏனைய அலங்காரப்பொருட்களைப் போன்றே நூல்களை அழகாக அடுக்கி வைக்கும் மனப்பான்மையும் படித்தவர் நாம் என்ற அந்தஸ்தை வெளிப்படுத்துவதற்கான குறியீடாக நூல்களைக் கருதும் தன்மையும் உண்டு. மட்டுப்படுத்தப்பட்ட நிதி, நூல்கள் பழுதடைந்துவிட்டால் ஏற்படும் நிர்வாகச் சிக்கல்கள், நூலுணர்வு சிறிதுமற்ற நூலகப்பணியை சேவையாகக் கருதாத, தொழிலாக மட்டுமே பார்க்கின்ற நூலக அலுவலர்களின் மனப்பான்மை போன்ற அம்சங்கள் நூல்கள் பயன்படுத்த அல்ல பாதுகாப்பதற்கே என்ற மனப்பான்மை தோன்ற காரணமாக உள்ளன. கண்ணாடி அலுமாரிகளிலும் இரும்பு அலுமாரிகளிலும் பத்திரமாய் பூட்டி வைக்கும் இத்தன்மையின் சாட்சிகளாக எம் கண்முன்னே காணும் பெரும்பாலான பாடசாலை நூலகங்களும்  பொது நூலகங்களும் இருப்பது கண்கூடு. ஷபெரிய நூலகமென்பது நூலகத்தின் கட்டிடத்தின் அளவாலோ அங்குள்ள நூல்களின் எண்ணிக்கையினாலோ கணிப்பிடப்படுவதில்லை. அந்த நூலகத்தில் எத்தனை நூல்கள் அதிகம் பயன்பட்டிருக்கின்றன என்பதன் அடிப்படையிலேயே நூலகத்தின் பருமன் அளவிடப்படுகிறதுஷ என்ற கவி தாகூரின் கருத்து இங்கு கவனத்தில் கொள்ளப்பட வேண்டியதொன்றாகும். நூல்கள் சரியான பயனபாட்டைப் பெறுவதற்கு பின்வரும் அம்சங்கள் முக்கியமானவை

•    நூலகத்தை அணுகுவதற்கான சூழல்
கிராமத்து மக்கள் அனைவரும் பாரபட்சமின்றி இலகுவாக அணுகத்தக்க வகையில் மத்திய அமைவிடம் ஒன்றில் நூலகம் அமைந்திருத்தல் மிக முக்கியமானதாகும். கட்டிடம் சிறிதெனினும் கவர்ச்சி அதிகம் நிரம்பியவை கண்களுக்கு ஈர்ப்பைக் கொடுக்கும். திறந்த இறாக்கைகளில் தமக்கு வேண்டியவற்றை அவசர அவசரமாக தேடும் வாசகர்கள், பத்திரிகையில் மூழ்கியிருப்போர், நூல்களை இரவல் பெற முகப்பு மேசையில் காத்திருப்போர், நூல்;களுக்குள் தம்மை மறந்திருப்போர்; என்று நூலகத்தின் உட்பகுதியில் காணும் சுறுசுறுப்பான சூழல் ஒன்றை வெளிக்காட்டக்கூடிய வகையில் நூலகத்தின முகப்புப் பகுதியில் கண்ணாடி யன்னல்கள் பொருத்தப்பட்டிருப்பின் நூலகத்துக்குள் நுழைவதற்கான ஒரு தூண்டலை அது ஏற்படுத்தும். நூலகம் என்பது படித்த மேதாவிகளுக்கு மட்டுமே உரியது என்ற எண்ணப்பாங்கு எம்மவர் மத்தியில் இருப்பதனால் நூலகத்தில் நுழைவதற்கு பெரும்பாலானோருக்கு தயக்கம் இருபடபது இங்கு கவனத்தில் கொள்ளப்பட வேண்டியதாகும்.

•    நூலை அணுகுவதற்கான சூழல்
திறந்த இறாக்கைகளில் நூல்களை ஒழுங்குபடுத்தி வைத்தல், நூல்கள் வைத்திருக்கும் பகுதிக்கு வாசகரை அனுமதித்தல், சுதந்திரமான முறையில் அவர்கள் விரும்பிய நூல்களை தேடி எடுக்க அனுமதித்தல், உதவி தேவைப்படுமிடத்து வழிகாட்டல் வாசிப்பு அறைக்கு எடுத்துச் சென்று வாசிக்கவோ அல்லது இரவல் பெற்றுச் சென்று படிக்கவோ உரிமையளித்தல் என்பவற்றை கவனத்தில் கொள்வதன் மூலம் இதற்கான சூழலை ஏற்படுத்தலாம். மிக விலையுயர்ந்த நூல்கள், கிடைத்தற்கரிதான நூல்கள், சிறுநூல்கள், புகைப்படங்களை உள்ளடக்கிய நூல்கள் போன்றவற்றை மூடிய இறாக்கைகளில் பேணலாம்.

•    படிப்பதற்கான சூழல்
ஒரு பொது நூலகமானது ஆகக் குறைந்தது ஆற அமர்ந்து படிப்பதற்கான ஒரு பகுதி, இரவல் பெற்றுச் செல்லும் நூல்களை அடுக்கி வைப்பதற்கான ஒரு பகுதி, வாசகர்களுக்கு வேண்டிய நூல்களைப் பெற்று அவர்கள் அவற்றை இலகுவாக பயன்படுத்தும் வகையில் அவற்றை ஒழுங்கமைப்பதற்கான நிர்வாக அலுவல்களை மேற் கொள்வதற்கான ஒரு அறை, நூல்களை இரவல் பெற்றுச் செல்வதற்கான ஒரு முகப்பு மேசைப் பகுதி என்பவற்றைக் கொண்டிருத்தல் அவசியமாகும்.. நின்;ற நிலையில் கையை உயர்த்தி எடுக்கக்கூடிய வகையில் நூல் இறாக்கைகளும் முதுகு வலியை ஏற்படுத்தாத வசதியான கதிரைகளும் படிப்பதற்கு வசதியான மேசைகளும் நூலகத்துக்குள் அமர்ந்து படிக்கும் ஆர்வத்தைத் தரும். செயற்கையான ஒளியையும் காற்றோட்ட வசதியையும் விட கண்களை உறுத்தாத இயற்கை ஒளியும் உஷ்ண நேரங்களில் தேவைப்படும் இயற்கையான காற்றோட்ட வசதியும் வாசகனின் படிக்கும் மனேநிலையை மேலும் அதிகரிக்;கும் வல்லமை பெற்றவை. கண்களை உறுத்தாத மெல்லிய சுவர்ப்பூச்சு வாசகனது சிந்தனைக்கு இடையூறை ஏற்படுத்தாது. சமூக உறுப்பினர்களின் முக்கிய ஒன்றுகூடல்கள் கூட்டங்கள் கருத்தரங்குகள் வாசிப்பு வட்டங்கள் என்பவற்றை நூலகமே ஒழுங்குபடுத்தக் கூடிய வகையில் கருத்தரங்கு மண்டபம் ஒன்றும்; இருக்குமாயின் சமூக உறுப்பினர்களின் நூலுணர்வைக் கூட்டுவதற்கான மிகச் சிறந்த வாய்ப்பு இதைவிட வேறொன்றும் இல்;லை.

ஒவ்வொரு வாசகனுக்குமுரிய நூல்;

முதலாவது விதியானது நூல்களின் பயன்பாட்டை முக்கியத்துவப்படுத்தும்; அதேசமயம் இரண்டாவது விதியானது நூலகத்தின் வாசகனை மையப்படுத்துகிறது. நூலகத்தினை தற்போது பயன்படுத்தும் வாசகனை மட்டுமன்றி இணுவில் கிராமத்தில் உள்ள ஒவவொரு அங்கத்தவரதும் வயது பால் கல்வித்தரம் அவர்களின் ஆர்வத்துறை என்பவற்றை ஆய்வு செய்து பெறப்படும் தகவல்களினூடாக இனி வரலாம் என எதிர்பார்க்கப்படும் வாசகனையும் இலக்கு வைத்து நூலகத்துக்கு கொள்வனவு செய்யப்பட வேண்டிய நூல்களைப்பற்றி  விளக்குகிறது.

•    வாசகர் தரம்
பொதுவாகவே நூல்கள் தகவலைத் தருபவை, புத்துயிர் தருபவை உயிர்ப்பூட்டுபவை என மூனறு வகைப்படும் பொது நூலகத்தின் வாசக பிரிவினர் சிறுவர் முதல் முதியோர் வரை பலதரப்பட்டவர்களாக இருப்பதனால் இம்மூன்று வகை நூல்களும் இங்கு இடம் பெறுதல் அவசியமாகும்.;. சமூக உறுப்பினர்களால் எமுதப்பட்டு பதிப்பிக்கப்படாத கையெழுத்துப் பிரதிகள் முதற் கொண்டு இன்றைய கணினி உலகில் நின்று பிடிக்கத் தக்க இணையத் தகவல் வரை நூலகம் உள்ளடக்குவதன் மூலமே அனைத்து மட்ட வாசகருக்குமான சேவையை வழங்க முடியும்.

•    நூல் தெரிவு
நூலின் தலைவிதியானது அதைப் பயன்படுத்தும் வாசகனது கரங்களிலேயே ஒப்படைக்கப்பட்டிருக்கிறது என்பதை வலியுறுத்தும் இவ்விதியானது வாசகனுக்கு பொருத்தமற்ற நூல்களை தேவையற்ற முறையில் பணத்தைக் கொட்டி தெரிவு செய்வதை வன்மையாக எதிர்க்கிறது. வாசகனுக்கு பொருத்தமற்ற நூல்கள் அன்பளிப்பாக கொடுத்தால் கூட வாங்குவது தவிர்க்கப்படல் வேண்டும் அதுபோல் ஏற்கனவே நூலகத்தில் இருக்கும் நூல்களும் பொருத்;தமற்றது எனக் கண்டால் அவற்றை உடனே அதற்கு பொருத்தமான இடத்திற்கு கொடுத்து அங்கிருந்து பெறக்கூடிய பொருத்தமான நூல்களை பரிமாற்று அடிப்படையில் பெறுவதை இவ்விதி ஊக்குவிக்கிறது. எனவே இங்கு நூல் தெரிவு நூல் நீக்கம் என்ற அறிவு சார் செயற்பாடுகள் முக்கியத்துவம் பெறுகின்றன. இணுவில் பொது நூலகத்துக்கு நூல்களை தெரிவு செய்யும்போது
    இணுவில் கிராமம் பற்றியும் அதன் தகவல் தேவை பற்றியும் அறிந்து கொள்ளல்.
    சிறுவர்க்குத் தேவையான பொது அறிவு நூல்கள் கதைப்புத்தகங்கள், குடும்பத் தலைவியருக்குத் தேவைப்படும் மனைப் பொருளியல் சார்ந்த நூல்கள் மாணவர்க்கு தேவைப்படும் பாடவிதானம் சம்பந்தப்பட்ட நூல்கள், என்பவற்றுடன் புத்துயிரூட்டக்கூடிய நூல்கள், கலைக்களஞசியங்கள், அகராதிகள், ஆண்டு நூல்கள் போன்ற பொது உசாத்துணை சாதனங்கள்; போன்ற வாசகனின் தகவல் தேவை தொடர்பான அனைத்துப் பொருட்துறைகளும் சேகரிப்பில் உள்ளடக்கப்படல்.
    உள்ளுர் வரலாறு தொடர்பான நூல்களுக்கு அதிக முக்கியத்துவம் கொடுத்தல்;.
    தெரிவில் பாரபட்ச நிலை பேணப்படுவதை தவிர்த்தல்.
    தாய்மொழியில் எழுதப்பட்ட நூல்களுக்கு அதிக முக்கியத்துவம் கொடுத்தல்.
    புனைகதை, வாழ்க்;கை வரலாறு ,பிரயாணங்கள் நாடகம் ,கவிதை, நுண்கலைகள் சமயம் போன்ற உணர்வு சார் பொருள்துறைகளுக்கு முக்கியத்துவம் கொடுக்கப்படல்.
    நூல்களைத் தவிர பருவ இதழ்கள் சிறுநூல்கள் உசாத்துணை சாதனங்கள் அரசாங்க வெளியீடுகள் அறிக்கைகள் நூலுருவற்ற சாதனங்கள் என்பவற்றுக்கு முக்கியத்துவம் கொடுக்கப்படல்.
    கிராமம் தொடர்பாக வெளிவந்த செய்திகள் கட்டுரைகளை சேகரித்தல்.
    நூலகக்குழு, அலுவலர்கள் என்போருடன் வாசகரது ஆலோசனைகளும் கருத்தில் எடுக்கப்படல் என்பன கவனத்தில் கொள்ளப்படல் வேண்டும்.

ஒவ்வொரு நூலுக்குமான வாசகன்
இவ்விதியானது பொது நூலகம் ஒன்று ஆற்றவேண்டிய சேவைகளின் மூலம் நூலகத்தில் உள்ள நூல்கள் ஒவ்வொன்றுக்குமான வாசகரை தேடிப்பிடிப்பதன் அவசியத்தை வலியுறுத்துகிறது.  வயது பால் தொழில் கல்வித்தரம் அந்தஸ்து போன்ற எந்த வேறுபாடுமின்றி பொது நூலகமானது சமூகத்தின் அனைத்து மட்டத்தினருக்கும் சேவை செய்ய வேண்டுமாயின் வாசகர் நூலகம் நோக்கி நகர்வதற்கு பதிலாக நூலகம் வாசகரை நோக்கி நகர்தல் அவசியமாகும்.

•    சமூக உறுப்பினர் ஒவ்வொருவரிடையேயும் வாசிப்புப் பழக்கத்தை உருவாக்குதல். இன்றைய உலகில் ஒரு நூலுக்கு பல வாசகர் என்றால் அது களிப்பூட்டும் கதைப்புத்தகங்களாகவே இருக்க முடியும். பொது நூலகங்களும் கூட வாசகர் தொகையை அதிகரிப்பதற்கான சிறந்த உத்தியாக இதை பயனபடுத்துகின்றன. ஆனாலும் சரியான அறிவுத்தேடலை நோக்கி ஒரு சமூகத்தை வழிநடத்துவதற்கு கல்வி பெற, தகவலைப் பெற, அகத்தூண்டலை ஏற்படுத்த புத்துயிருட்ட உதவக்கூடிய வகையில் வாசிப்புப் பழக்கத்தை ஏற்படுத்துவது அவசியமாகும். எங்கிருந்து இதைத் தொடங்கலாம் என்ற வினா எழும்பும் போது மனித வாழ்வின் ஆராய்வுக்கம் மிக அதிகமாக இருக்கும் குழந்தைப்பருவமே அறிவுத் தேடலை சரியாக வழிப்படுத்துவதற்கான பிரதான களமாக இருக்க முடியும்; சமூக மேம்பாட்டுக்கு அத்தியாவசியமானது சுயமாகக் கற்றல். சிறுவர்கள் மூலமே இதனை செயற்படுத்திக்காட்ட முடியும் இந்த வாய்ப்பை வழங்கக்கூடிய ஒரே நிறுவனம் பொதுநூலகம் மட்டுமே.
•    சிறுவர்க்கான கதைநேரங்களை ஒழுங்குபடுத்தல். படிப்பதைவிட கதை கேட்பதில் அதிக நாட்டமுடையவர்கள் சிறுவர்கள் எனவே சிறுவர்க்கான கதைப்புத்தகங்கள் பொழுதுபோக்கு நூல்களை வாங்குவது மட்டுமன்றி அதை அவர்கள் பயனபடுத்துவதற்கான தூண்டலை ஏற்படுத்துவது முக்கியமானதாகும். இதற்கு சிறுவர்க்கான கதைநேரங்களை ஒழுங்குபடுத்தல் மிகச் சிறந்த வழிமுறையாகும
•    சமூக உறுப்பினரின் பொருள் ஆர்வத் துறைகளை இனங்கண்டு அவை ஒவ்வொன்றிற்குமான வாசிப்பு வட்டங்களை உருவாக்குதல்
•    ;உள்ளுர் கல்வி நிறுவனங்கள் மத சமூக நிறுவனங்களுடன் இணைப்பை ஏற்படுத்தி அவர்கள் மேற் கொள்ளும் கருத்தரங்குகள், பொதுச் சொற்பொழிவுகள் என்பவற்றுக்கு பொருத்தமான இடத்தை நூலகமே வழங்குவதனூடாக வாசகரை நூலகத்தின் பால் ஈர்த்தல்
•    நூலகத்தின் செயற்பாடுகள் பற்றிய விபரங்களை காலத்துக்குக் காலம் செய்திக் கடிதங்களாகவோ  செய்தித்தாள்களில் கட்டுரைகளாகவே வெளியிடுதல்
•    சமூகத்தின் கல்வித்தரம் வாய்ந்தவர்களை அணுகி நடைமுறை விவகாரங்களுடன் தொடர்பான பொருட்துறை சார்ந்த சொற்பொழிவுகளை ஒழுங்குபடுத்தும் அதேசமயம் அச் சொற்பொழிவுடன் தொடர்பான நூல்களை காட்சிக்கு வைத்தல் 
•    வேலைக்கு செல்லும் உறுப்பினர்களைக் கருத்தில் கொண்டு அனைத்து மட்ட உறுப்பினரும் தாம் விரும்பிய நேரம் நூலகத்தைப் பயனபடுத்துவதற்கேற்ற வகையில் நூலக சேவை நேரத்தை அதிகரித்தல்;.
•    இடையிடையே நூலக வாரங்களைக் கொண்டாடுவதன் மூலம் நூலகங்களின் அமைப்பு, நடைமுறை, பணிமுறை, பயன்பாடு என்பன பற்றி தெரியாமல் அல்லது தெரிந்து கொள்ள இயலாமல் இருக்கும் சமூக உறுப்பினர்களிடம் அது பற்றிய அறிவை ஏற்படுத்தல்

வாசகர் நேரம் பேணுக
•    ஒழுங்கமைப்பு
நூல்கள் இலகுவான முறையில் எடுக்கத்தக்கவாறு ஒழுங்கமைக்கப்படவேண்டும் என்பதை வலியுறுத்தும் இவ் விதியானது நூலகத்தின் உள்ளக செயற்பாடுகளில் கவனஞ் செலுத்துகிறது. பகுப்பாக்கம் என்ற செயற்பாட்டின் மூலம் ஒரு பொருட்துறை சார்ந்த நூல்களை ஒரே இடத்தில் ஒழுங்குபடுத்துவதும். பட்டியலாக்கம் என்ற செயற்பாடு மூலம் வாசகன் ஒருவன் தனக்கு தேவையான நூலகளை ஆசிரியர் ரீதியாகவோ அல்லது நூலின் தலைப்பு சார்ந்தோ அதுவுமன்றி பொருட்துறை சார்ந்தோ தேடிக்கண்டுபிடிக்கக்கூடிய வகையிலான ஒழுங்கமைப்பை அது கோரி நிற்கிறது.
•    உசாத்துணைச் சேவை
வாசகனையும் அவனுக்குப் பொருத்தமான நூலையும் பொருத்தமான முறையில் பொருத்தமான நேரத்தில் இணைத்து விடும் ஆற்றல் நூலகருக்கு இருக்கவேண்டும். நூலுணர்வும் ஒவவொரு வாசகளையும் மனங்கோணாமல் முகமலர்ச்சியுடன் வரவேற்கும் பாங்கும் உலக அறிவுத்துறைகள் தொடர்பான பரந்த அனுபவமும் இருந்தால் மட்டுமே பொருத்தமான முறையில் வாசகனையும் அவனுக்குத் தேவைப்படும் நூலையும் இணைத்துவிட முடியும். ஷவாசிக்க வருபவரின் வருகை ஏற்றும், மரியாதை காட்டி அவர்க்கிருக்கை தந்தும், ஆசித்த நூல் தந்தும், புதிய நூல்கள் அழைத்திருந்தால் அதையுரைத்தும், நாளும் நூலை நேசித்து வருவோர்கள் பெருகும் வண்ணம் நினைப்பாலும் வாக்காலும் தேகத்தாலும் மாசற்ற தொண்டிழைப்பீர் சமுதாயச் சீர் மறுமலச்சி கண்டதென முழக்கம் செய்வீர்ஷ என்ற புரட்சிக் கவி பாரதிதாசனின் உணர்ச்சி வரிகள் நூலகரின் முக்கியத்துவத்தை விளக்குவதற்கு போதுமானதாகும்.

நூலகம் வளர்ந்து வரும் ஓர் நிறுவனமாகும்
நூலகம் என்பது நூல்கள் வாசகன் நூலகர் என்ற மூன்று மூலக்கூறுகளைக் கொண்ட ஓர் மூவுரு. உலகில் உள்ள அனைத்துமே இயங்குசக்தி உள்ளவை என்ற வகையில் இந்த மூன்று மூலக்கூறுகளும் வளரும் போது நூலகமும் வளரும் எனவே நூல்களின் அதிகரிப்பு, வாசகனது அதிகரிப்பு நூலக அலுவலர்களின் அதிகரிப்பு என்பவற்றுக்கு ஈடு கொடுக்கும் வகையில் நூலகக் கட்டிடம் இருக்க வேண்டும் என்பதுடன் எதிர்காலத்தில் வரிவாக்கக்கூடியவகையில் கட்டிட அமைப்பை இப்போதே திட்டமிடுதலை அது குறித்து நிற்கிறது.

முடிவுரை
ஒரு சமூகத்தின் பெருமை அச்சமூகத்தின் இயற்கைவளத்தாலோ அல்லது செல்வ வளத்தாலோ கணிக்கப்படுவதில்லை. மனித ஆற்றல் சிந்தனை வளம் என்ற இரண்டாலுமே ஒரு சமூகத்தின் மேன்மை கணிப்பிடப்படுகிறது. ஷசெந்தமிழ் இன்பம் செறிந்திட நூல்கள் சேர்ப்பதும் நூலகமே, தமிழ் சந்தம் விளங்கிட சாத்திர நூல்கள் தருவதும் நூலகமே, அதில் சிந்தையின் உணர்வுகள் அறிவியலாக செழிப்பதும் நூலகமே, இதை எந்தையர் நாட்டின் அறிவகம் என்றே இயம்பியே வணங்கேனோஷ எனக் சமூகத்தில் நூலகத்தின் முக்கியத்துவத்தை கவிதை மொழியில் வெளிப்படுத்துகிறார் இந்திய நூலக அறிஞர் வே.தில்லைநாயம் அவர்கள். விரும்பிய நூலை விரும்பிய நேரத்தில் விருப்பப்படி சென்று படிக்க ஏற்றவாறு கதவுகளை விரியத் திறந்து வைத்துக் கொண்டு வருக வருக என வரவேற்கக் காத்திருக்கும் நூலகங்களும், இதோ இதோ என இன்னமுதூட்ட இருகரம் நீட்டி அமைக்கும் நூல்;;களும், ஓ! நாயகனே மனிதரிடமிருந்து கிடைக்கும் பொது அவமதிப்பின் மத்தியிலும் கூட அதனைத் தாங்கி அவரகளுக்கு சேவை புரியும் மன உறுதியை எனக்குக் கொடுஷ என கவி தாகூரின் சிந்தனையின் வழித்தடத்தில் செல்லக்கூடிய அன்பும் அறிவும் முகமலர்ச்சியும் வாசகனின் தேவையை சொல்லாமலேயே இனங்காணும் ஆற்றலும் உள்ள நூலகரும் இருக்கும்வரை அந்த சமூகம் அறிவமுது பெற்ற சமூகமாகவே இருக்கும். இப் பணியை இணுவில் பொது நூலகமும் ஆற்றட்டும்.

குறிப்புதவு நூல்கள்

1. சண்முகலிங்கம், ம.(2005) 'நுழைபுலம்'. மேற்படி நூல் பக்.98-99.
2.   சந்தானம், எஸ். கல்வியின் தத்துவ சமூக அடிப்படைகள். சென்னை: பழனியப்பா, 1987. பக்.605.
3.  International Federation of Library Associations and Institutions.1995-2000. Reading.
4.  www.ifla.org. [accessed on  01-07-2006]
5. Kevin Eikenberry,Kevin[2002].  Kevin publishes Unleash Your Potential, a free weekly ezine designed to provide ideas, tools, techniques and inspiration to enhance your professional skills.  
6. Senge [1990]. Cited by Sumana Jeyasuriya,Geeta Yapa and rosemary Redden.Library instructional program. Manual for Teacher Librarians.Colombo:National Institute of Library and Information Sciences,University of Colombo,2002.p.43
7. Who said what when[1988]: The chronological dictionary of quotations. London:Bloomsburry publishing,.p.77
8. Oxford dictionary of Quotations[1999].-London:Oxford. p44-45.

(1. ஸ்ரீகாந்தலட்சுமி,அ (2007). நூலக தகவல் அறிவியல் ஆய்வுக்கோவை .- கொழும்பு சேமமடு.
2. Cirunuvaith thiruvur. Compiled by M.Sivalingam. Inuvil: Saivath thirunerik kkalakam, 2004.)