நூல்களுள் நுழைய-----

நூல்கள்---
எண்ணங்களைச் சீர்செய்து கொள்வதற்கான கருவி. சிந்தனையைச் சரிபார்த்துக் கொள்வதற்கான களம்.. வாழ்நாள் முழுவதும் கூட வரும் மறக்க முடியாத துணை. கீழே விழுமுன் எச்சரித்துக் காப்பாற்றும் ஊன்றுகோல். விழுந்துவிட்டாலோ தூக்கி நிறுத்தித் துணிவு தந்திடும் நல்ஆசான். வழி தடுமாறும்போது இடித்துரைத்துத் திருத்தும் நல்ல நண்பன்.
'ஒவ்வொரு புத்தகமும் எம்முன்னே மக்களைப் பற்றியும், அவர்கள் ஆசாபாசங்கள் பற்றியும், அவர்கள் இதயம் பற்றியும், கருத்தோட்டங்கள் பற்றியும் அறிந்து கொள்ளத் திறந்து விடப்படும் சாளரங்கள்' என்கிறார் ருஷ்ய மண்ணின் புகழ்பெற்ற இலக்கிய மேதை மக்சிம்கோர்க்கி அவர்கள்.
' ஒரு துளி நஞ்சு ஒருமுறைதான் தீங்கிழைக்கும். ஆனால் தீயநூல் ஒன்று காலம் முழுவதும் மக்கள் மனத்தை நச்சுக் கலமாக்கும் என்கிறார் மேலைத்தேய  அறிஞர் ஒருவர்.
'நல்ல நூலானது படிக்கப்படிக்க இனிமைதரும் என்கிறது தமிழனின் அரும்பெரும் அறிவுப் பொக்கிசமான திருக்குறள்.
மனித சிந்தனைப் பதிவேடுகள் கால மாற்றத்துக்கமைய உடல் உள மாற்றங்களைச் சந்தித்திருக்கின்றமையை வரலாறு எமக்குப் புலப்படுத்துகின்றது. உருவமைப்பின் அடிப்படையில் களிமண் பதிவாகத் தொடங்கி,; ஓலைச் சுவடிகளாக உருப்பெற்று, ஏடு, ஓலை, தூக்கு, பனுவல் என இலக்கியங்களில் பேசப்பட்டு, ஓலைகளில் எழுதியவைகளைத் தொகுத்து  நடுவிலே துளையிட்டு நூலால் பிணைத்துக் கட்டியமையால் அச்சின் கண்டுபிடிப்புக்கு முன்னரேயே நூல் எனக் காரணப் பெயர் பெற்று,  புதிய கருத்துக்களை தன்னகத்தே கொண்ட இடம் என்பதால் புத்தகம் என்றும், கருத்துக்களைப் பொதிந்து வைத்திருப்பதால் பொத்தகம் என்றும் பொது வழக்கில் வழங்கி வந்திருக்கிறது.
நூலகம் என்ற கருத்துநிலையின் தோற்றத்திற்குப் பின்னர் அறிவியல் தொழினுட்ப வளர்ச்சி காரணமாகத் தகவலைச் சேமிக்கும் சாதனங்களின் பௌதிக வடிவமைப்பில் ஏற்பட்ட புதுப்புது மாற்றங்கள் நூலகங்களை வந்தடைந்தபோது, நூல் என்ற எண்ணக்கரு அனைத்துச் சாதனங்களையும் உள்ளடக்குவதற்குப் பொருத்தமானதல்ல என்பது உணரப்பட்டதன் காரணமாக  நூலுக்குப் பதிலாக ஆவணம்(னுழஉரஅநவெ) என்ற சொல் நூலகவியல் துறையில் பரவலான பயன்பாட்டுக்கு வந்தது.  ஆவணம் என்ற சொல்லானது நூல்வடிவில் உள்ள சாதனங்களையும் நூல்வடிவில் இல்லாத சாதனங்களையும் சேர்த்துக் குறிக்கும் பொதுப்பதமாகக் கருதப்பட்டது. இலத்திரனியல் உலகிலிருந்து தகவல் உலகிற்குள் மனித சமூகம் நுழைந்து  தகவல் என்ற கருத்துநிலை தகவல் உலகில் நிரந்தர இடம் பெற்றபோது தகவலைப் பதிந்து வைத்திருக்கும் எழுத்துவடிவ சாதனங்களுடன் எழுத்துவடிவற்ற மனித வளங்கள் நிறுவன வளங்கள் ஆகியனவும் தகவல் சாதனங்கள் எனப் பெயர் மாற்றம் பெற்றுப் பயன்பாட்டுக்குரிய வளம் என்ற வகையில் தகவல் வளங்கள்; என்ற பெயருடன் இன்றைய தகவல் உலகில் இப் பதிவேடுகள் உலா வருகின்றன. இக்கட்டுரை முழுவதும் தகவல் சாதனங்கள் அனைத்தும் நூல் என்ற பெயரிலேயே பயன்படுத்தப்படுகின்றது.
'20ம் நூற்றாண்டின் இறுதிப்பகுதியிலேயே தகவல் தொழினுட்ப உலகுக்குள் மனித சமூகம் நுழைந்துவிட்டபோதும் வடிவம், எழுத்து இரண்டிலும் நெகிழ்வுத் தன்மை கொண்டதாக, சிறியதாக, பாரமற்றதாக, விரும்பிய இடத்துக்கு எடுத்துச் செல்லக் கூடியதாக, முக்கிய அம்சங்களை வெட்டிச் சேகரிக்கக் கூடியதாக, பல பிரதிகள் எடுக்கக்கூடியதாக, தேவை முடிந்ததும் தூக்கி வீசக் கூடியதாக இருக்கக் கூடிய ஒரேயொரு சாதனம் நூலாகத் தான் இருக்க முடியும் என்ற கூற்று தாளை அடிப்படையாகக் கொண்ட சாதனங்களின் பயன்பாடு தகவல் யுகம் ஒன்றில் சுலபமாக மறைந்துவிடக் கூடிய அல்லது மறக்கப்பட்டு விடக்கூடிய வாய்ப்பு இல்லை என்பதையே சுட்டிக்காட்டுகின்றது..


கருத்துநிலை

நூல்களுக்குள் நுழையும் செயற்பாடு இரண்டு அம்சங்களில் தங்கியுள்ளது. முதலாவதும் முக்கியமானதுமாகக் கருதப்படுவது நூல் பற்றிய கருத்துநிலை. மற்றையது நூலுக்குள் நுழைவதற்கான  அகப் புறச் சூழல்கள். நூல் பற்றிய கருத்துநிலைக்குள் செல்வதற்கு நூல் பற்றிய சரியான வரைவிலக்கணத்தைத் தெரிந்து கொள்வது மிக முக்கியமானதாகும்.
அச்சிடப்பட்ட அல்லது எழுதப்பட்ட தாள்களின் பக்கங்களைச் சுலபமாகத் திருப்பிப் பார்க்கக்கூடிய வகையில்  நூலால் கோத்துக் கட்டி, அதற்கு மட்டையும் இடப்பட்டு உருவாக்கப்படுவதே நூல் என்கிறது ஒக்ஸ்போட் ஆங்கில அகராதி. இது பௌதிக வடிவமைப்பை அடிப்படையாகக் கொண்டு நூலை வரையறை செய்கிறது.
குறைந்தது 49 பக்கங்களைக் கொண்ட பருவ வெளியீடு அல்லாத அச்சிடப்பட்ட வெளியீடுகள் அனைத்தும் நூல் என்ற பெயர் பெறும் என்கிறது யுனெஸ்கோ. பக்கங்களின் எண்ணிக்கையின் அடிப்படையில் இது நூலை வரையறுக்கிறது.
 'சுருங்கச் சொல்லல், விளங்க வைத்தல், படிப்போர்க்கின்மை, நல்ல சொற்களை அமைத்தல், இனிய ஓசையுடைமை, ஆழமுடைத்தாதல், பொருளை முறையும் அமைத்தல், உயர்ந்தோர் வழக்கத்துடன் மாறுபடாமை, சிறந்த பொருளுடைத்தாதல், விளக்கமாய் உதாரணங்கள் கையாளுதல் என நூல் அழகுகள் பத்து' என கூறுகின்றது எமது பழம் பெரும் இலக்கண நூலாகிய தொல்காப்பியம். (தொல்காப்பியம் பொருள் 665)
நூல் என்பது கல்வியறிவு தந்து, நடைமுறை நிலை தெரிவித்து கடமைகளைக் காட்டி, உரிமைகளைச் சேர்த்து பொருளாதமாரத்தை வளர்த்து கலாசாரத்தைக் காக்கும் செயற்பண்பு கொண்டது. என்கிறார் இந்திய நூலகவியல் அறிஞர் வே. தில்லை நாயகம் அவர்கள். நூலகவியல் துறை சார்ந்து இது நூலை அணுகுகின்றது.


வகை
எந்தவொரு நூலும் அது கொண்டுள்ள கருத்தின் அடிப்படையில் புத்துயிர் தருவது, தகவலைத் தருவது, உயிர்ப்பூட்டுவது என மூவகைப்படுகிறது என்கிறார் இந்திய நூலகவியல் அறிஞர். வே. தில்லைநாயகம் அவர்கள்.  உண்மையோ பொய்யோ நல்லதோ தீயதோ படிப்பவருக்கு ஒரு புதிய உணர்வை, புதுவித எழுச்சியை, புதுவித கிளர்ச்சியை, பொழுதுபோக்கு உணர்வைத் தருபவை புத்துயிர் தரும் நூல்கள் (சுநஉசநயவiஎந டிழழமள) எனப்படும். புத்துயிர்ப்பு உடல் ரீதியாகவோ உள ரீதியாகவோ இருக்கலாம். அப்பட்டமான உண்மையிலிருந்து வடித்தெடுக்கப்பட்ட ரோல்ஸ்ரோயின் புத்துயிர்ப்பு, மக்சிம்கோர்க்கியின் தாய், லியோன்யூரிஸின் எக்ஸ்சோடஸ் இவ்வகையைச் சார்ந்தது. சமூகத்தின் வாழ்நிலையைப் பிரதிபலிப்பவை தான் இலக்கியங்கள் என்ற உயரிய கருத்துநிலையிலிருந்து இம்மியும் வழுவாமல் படைக்கப்படும் எந்தவொரு இலக்கியமும் புத்துயிர்தரும் என்றவகையில் கவிதை நூல்கள், நாடக நூல்கள், நாவல்கள், சிறுகதைகள் போன்ற இலக்கியங்களும், ஓவியம், சிற்பம், போன்ற கலைத்துவ ஆக்கங்களும் புத்துயிர் தரும் நூல்களின் வகைக்குள் உள்ளடக்கப்படுபவை. இவை தவிர ஆன்மீக ரீதியல் வாசிப்பவருக்கு அமைதியையும் நிறைவையும் தருகின்ற ஆன்மீக நூல்களையும் புத்துயிர் தரும் நூல்களுக்குள்ளே உள்ளடக்கலாம்.  பழம்பெரும் இலக்கியங்களான புராண இதிகாசங்கள், திருமுறைகள் போன்றவை இவ்வகைக்குள் உள்ளடங்கும்.
வரலாறு, அரசியல், புவியியல் போன்று எடுத்துக் கொண்ட பொருட்துறை தொடர்பாக பொதுவான தகவலை உள்ளடக்குபவை தகவலைத் தரும் நூல்கள் (ஐகெழசஅயவiஎந டிழழமள) எனப்படும். இவை குறிப்பிட்ட பொருட்துறையில் எழுதப்படும் தனிப்பொருள் நூல்களாகவோ, கல்வித்தேவையைப் பூர்த்தி செய்யும் பாடநூல்களாகவோ, ஆய்வுக்கு உதவும் அறிக்கைகள், ஆய்வுக்கட்டுரைகள், பருவ இதழ்கள் போன்ற அடிப்படை நூல்களாகவோ, அதுவுமன்றி தேவைப்பட்ட உடனேயே குறிப்புகளை வழங்கும் உசாத்துணை நூல்களாகவோ இருக்கலாம்.
 இவை இரண்டையும் தவிர பொருளாதார தத்துவத்தை புகுத்திய அடம்ஸ்மித்தின் 'தேசங்களின் செல்வம்', பொதுவுடமைத் தத்துவத்தை தந்த கார்ல்மாக்ஸின் 'மூலதனம்', உயிரின உருவாக்கத்தை விளக்கிய டார்வினின் 'பரிணாம வளர்ச்சிக் கோட்பாடு', மக்கள் தொகைப் பிரச்சனையை விளக்கிய மால்தசின் 'மக்கள் தொகைக் கோட்பாடு', மனித மனத்தை அப்படியே படம்பிடித்துக் காட்டிய சிக்மண்ட் பிராய்டின் 'மனித மன சிந்தனை', போன்ற மனிதனின் அறிவைத் தூண்டுகின்ற, சிந்திக்க செய்கின்ற, மனிதனையும் சமூகத்தையும் முன்னேற்றுகின்ற உயிர்ப்பூட்டும் நூல்கள் (ஐnளிசையவiஎந டிழழமள) எம்மிடம் மிகவும் குறைவே. சத்திய வாழ்க்கையை எடுத்தியம்பிய அரிச்சந்திரன் கதை, அதர்மத்துக்கும் தர்மத்துக்குமிடையிலான யுத்தத்தில் தர்மமே வெல்லும் என்பதை உணர்த்தும் பாரத இராமாயணக் கதைகள் இவ்வகைக்குள் உள்ளடக்கப்படக்கூடியவை. அதிலும் இந்த மூன்று அம்சங்களும் ஒருங்கு சேர அமைந்திருக்கும் அற்புத வாய்ப்பு ஒரு சில நூல்களுக்கே அமைந்து விடுகின்றது. ராகுல சாங்கிருத்தியாயனின் 'வால்காவிலிருந்து கங்கை வரை' என்ற நூலை இதற்கு எடுத்துக்காட்டாகக் கூறலாம்.
நூலகவியல் துறை சார்ந்து நூல்களை ஆவணம் சார்ந்த வளங்கள், ஆவணம் சாராத வளங்கள் என இருவகையாக வகைப்படுத்த முடியும். ஆவணம் சார்ந்த வளங்கள் ஜனுழஉரஅநவெயசல சநளழரசஉநளஸ  அவற்றின் உள்ளடக்கத்தின் அடிப்படையில் முதல்நிலைத் தகவல் வளங்கள் இரண்டாம்நிலைத் தகவல் வளங்கள் மூன்றாம்நிலைத் தகவல் வளங்கள் என மூன்று வகையாகவும் உருவமைப்பின் அடிப்படையில் நூலுருச் சாதனங்கள் நூலுருவற்ற சாதனங்கள் என இருவகையாகவும் வகைப்படுத்தப்படுகின்றன. ஆவணம் சாராத வளங்கள் (ழேn னழஉரஅநவெயசல ளழரசஉநள)  மனித வளங்கள், நிறுவன வளங்கள் என இருவகையாகப் பாகுபடுத்தப்படுகின்றன.
உண்மையான ஆய்வு அபிவிருத்திகளை, அவற்றின் புதிய பிரயோகங்களின் விளக்கங்களை, அல்லது பழைய கருத்துக்களுக்கான புதிய விளக்கங்களை உடனுக்குடன் தாங்கி வரும் வெளியீடுகள் அனைத்தும் முதல்நிலைத் தகவல் வளங்கள் எனப்படுகிறது. ஆய்வாளர் ஒருவரால் உருவாக்கப்படுகின்ற புதிய தகவல்கள் அனைத்துமே இந்த முதல்நிலைத் தகவல் வளங்களின் ஊடாகக் குறிப்பிட்ட சமூகத்தைச் சென்றடைகிறது. ஒழுங்குபடுத்தப்படாத வளங்களாக இவை இருப்பதனால் இதனைப் பயன்படுத்துவது எளிதல்ல. மிக முக்கியமான தகவல் மூலாதாரங்களாகக் கருதப்படும் இவ் வளங்கள் புதிய அபிவிருத்திகள் பற்றிய தகவல்களை உடனுக்குடன் அறிவிப்பதன் மூலம் அத்துறை தொடர்பாக அதிக அறிவு நிலையில் இருக்க உதவுதல், ஒரே மாதிரியான ஆய்வுகள் மேற்கொள்ளப்படுவதைத் தடுத்தல், புதிய தகவல்களை உருவாக்குவதற்கு ஏனையோர்களுக்கு உதவுதல் போன்ற வழிகளில் ஆய்வாளர்களுக்கு உதவுகின்றன. ஒரு குறிப்பிட்ட துறையின் வளர்ச்சி வீதமானது அத்துறை சார்ந்து வெளிவரும் முதல்நிலைத் தகவல் வளங்களின் தொகையிலேயே பெருமளவு தங்கியுள்ளது. அறிக்கைகள், ஆய்வுக் கட்டுரைகள், சிறுநூல்கள், அரச ஆவணங்கள், ஆய்வுப் பருவ இதழ்கள் போன்றவற்றை இத்தகைய வளங்களுக்கு எடுத்துக்காட்டாகக் கூறலாம்.
இரண்டாம்நிலைத் தகவல் வளங்கள் என்பவை முதல் நிலைத் தகவல் வளங்களிலிருந்து தொகுக்கப்படுவதாக அல்லது முதல்நிலைத் தகவல் வளங்களுக்கு வழி காட்டுவதாக இருக்கும். குறிப்பிட்ட தகவல் பாவனையாளரின் தேவைகளைப் பூர்த்தி செய்யும் பொருட்டு முதல் நிலைத் தகவல்களில் உள்ள அடிப்படைத் தகவல்கள் புதுப்பிக்கப்பட்டு, தெரிவு செய்யப்பட்டு, ஏதாவது ஒரு திட்டமிடப்பட்ட ஒழுங்கமைப்பில் மீள ஒழுங்கமைக்கப்பட்டு  பொதி செய்யப்படுகின்றன. முதல் நிலைத் தகவல் வளங்களிலும் பார்க்க இலகுவாகக் கிடைக்கக்கூடியதாக இவை உள்ளன. சுருக்கமான தகவல்களை வழங்குவது மட்டுமன்றி முதல் நிலைத் தகவல் வளங்களுக்கான நூல்விபரத் திறவு கோலாகவும் இவை தொழிற்படுகின்றன. பாநூல்கள், குறிப்பிட்ட துறை சார்ந்து எழுதப்படும் தனிநூல்கள், அகராதிகள், கலைக்களஞ்சியங்கள் போன்ற குறிப்பெடுக்க உதவும் உசாத்துணை நூல்கள் போன்றவை இவ்வகைக்குள் அடங்கும்.
வாசகனது தேடுகையின் அடிப்படையில் நூல்களை ஏன், என்ன, எப்படி, யார், என்ற வினாக்களுக்கு விடை தரக்கூடியவகையில் வகைப்படுத்தலாம். அறிவியல் தொழினுட்ப நூல்கள் ஏன் என்ற வினாவுக்கு விடையளிக்கக்கூடியவை. கைந்நூல்கள், கையேடுகள், வழிகாட்டிகள் போன்ற செய்முறை நூல்கள் எப்படிச் செய்வது என்ற வினாவுக்கு விடை தருபவை. சொல்லைப் பற்றிய வரைவிலக்கணத்தையோ பொருளைப்பற்றிய விளக்கத்தையோ அல்லது குறிப்பிட்ட வினாக்களுக்கு விடையளிக்கின்ற நூல்கள் என்ன என்ற வினாவுக்கு விடையளிப்பவை. வாழ்க்கை வரலாற்று நூல்கள் யார் என்ற வினாவுக்கு விடையளிப்பவை.
நூலகங்களில் நூல்களின் ஒழுங்கமைப்பை அடிப்படையாகக் கொண்டும் நூல்கள் வகைப்படுத்தப்படுகின்றன. கீழைத்தேய நூல்களை ஒழுங்கமைப்பதற்கான சிறந்த அடிப்படையாகக் கொள்ளும் கோலன் பகுப்புத் திட்டம் நூல்களை இயற்கை அறிவியல், மனிதப்பண்பியல், சமூக அறிவியல் ஆகிய மூன்று பிரதான பொருட்துறைகளின் கீழ் ஒழுங்குபடுத்தியிருக்கிறது. உலகம் முழுவதிலுமுள்ள பெரும்பாலான நூலகங்களால் பின்பற்றப்படும் தூயி தசமப்பகுப்புத் திட்டம் நூல்களை பொது, சமயம், சமூக அறிவியல், மொழி, அறிவியல், தொழினுட்பம், கலை, இலக்கியம், புவியியலும் வரலாறும் என்ற பத்துப் பிரதான பிரிவுகளின் கீழ் அறிவுப்பிரபஞ்சத்தின் பொருட்துறைகளை ஒழுங்குபடுத்தியிருப்பதன் மூலம் அனைத்து நூல்களையும் ஒழுங்குபடுத்துவதற்கான அடிப்படையை வழங்குகின்றது.


நுழையும் வழி

சரியான தகவலை சரியான வடிவத்தில், சரியான நேரத்தில் பெறக்கூடியதாக இருக்கும் நிலையிலேயே எந்தவொரு சமூகத்தினதும் மேம்பாடு சாத்தியமாகும். நூல்கள், வாசகர், நூலகர் ஆகிய  மூன்றும் ஒன்றுடன் ஒன்று சரிவரப் பொருந்தும்போது தான் சரியான தகவல் சரியான நேரத்தில் சரியான நபரைச் சென்றடைதல் சாத்தியமாகிறது.  உருவத்திலும் உள்ளடக்கத்திலும் எல்லையற்றுப் பரந்து விரிந்திருக்கும் தகவல் பிரபஞ்சத்தை அணுகும் வழிகளை அறிந்து கொள்வதன் மூலமே சமூக மேம்பாட்டுக்கான நுழைவாயிலைக் கண்டறிதல் சாத்தியமாகும். பின்வரும் கருத்துநிலைகள் தொடர்பான அறிவு நழையும் வழிகளை இலகுவானதாக்கக்கூடும். நூலுக்குள் நுழையும் இரண்டாவது வழி நூலுக்கள் நுழைவதற்கான  அகப்புறச் சூழல்கள். இச்சூழல்களை  வாசகன் சார்ந்தவை நூல்சார்ந்தவை என இருவிதமாக அணுகலாம்.

வாசகன் சார்ந்தவை
•    மனிதன் வாசிப்புக்கு அறிவுத்திறம், மொழித்திறம், பார்வை நலம், கேள்விநலம், உடல்நலம், உள நலம், சூழல் நலம் ஆகியவை மிக இன்றியமையாதவை. ஆழலடந.னு.ஜ1976ஸ வாசகனின் மனப்பாங்கு, எதிர்பார்ப்புகள், அறியாமை, அச்சம், ஒத்துழையாமை, தகவல் தேடும் பண்பு, மொழியாற்றல், பொருட்துறை சார்ந்த அறிவு, நவீன சாதனங்களின் பாவனை போன்றன நூலை அணுகுவதற்கான ஆற்றலைத் தீர்மானிக்கின்றன. நூலின் பொருளடக்கம், சொல்லடைவு, கலைச்சொல் அகராதி போன்றவற்றினூடாக நூலில் உள்ளடக்கப்பட்டுள்ள தகவலைக் கண்டுபிடிக்கும் ஆற்றல், தேசப்படங்கள், வரைபுகள், விளக்கப்படங்கள், அட்டவணைகள் போன்றவற்றை விளங்கிக்கொள்ளும் ஆற்றல், நூலிலுள்ள ஒரு பந்தியின் பிரதான உட்பொருளை இனங்காணும் ஆற்றல், அபிப்பிராயம் ஒன்றுக்கும் உண்மையான நிகழ்வுக்குமிடையிலான வேறுபாட்டைப் புரிந்து கொள்ளும் ஆற்றல், நூல் உள்ளடக்கும் தகவலானது உண்மையா பொய்யா என இனங்காணும் ஆற்றல், நூல் கொண்டுள்ள கருத்து தனது தகவல் தேவைக்கு பொருத்தமானதா என்பதை புரிந்து கொள்ளும் ஆற்றல், இன்ரநெற், சீடி போன்ற நூலுருவற்ற சாதனங்களைப் பயன்படுத்துவதற்கும் அதற்கான உபகரணங்களை இயக்குவதற்குமான ஆற்றல் போன்ற  பலதரப்பட்ட ஆற்றல்கள் நூலைப் பயன்படுத்துபவருக்கு இன்றியமையாததாகக் கருதப்படுகின்றது.

•    குடும்பம் மனிதனுக்குக் கிடைக்கும் நல்லதொரு வாசிப்புச்சூழல் நூல்களுக்குள் நுழையும் மனோநிலையை உருவாக்குவதற்கு மிக முக்கியமானது. மனித வாழ்வின் பெரும்பகுதி குடும்பம், சுற்றுப்புறச் சமூகம் என்ற வட்டத்துக்குள்ளேயே கழிவதனால் வீடு, சுற்றம், நண்பர்கள் ஆகிய மூன்றும் நூல்களுக்குள் நுழையும் மனோநிலையைத் தீர்மானிப்பதில் முக்கிய பங்கு வகிக்கின்றன. தம்மைச் சுற்றி எப்போதும் நூல்கள் உள்ள வீட்டில் வாழக் கிடைத்தாலும் கூட நூல்களுக்குள் நுழையும் வல்லமை யாருக்கும் வந்துவிடுவதில்லை. அந்த நூல்களை எடுத்து வாசிக்கும் பெற்றோர் அல்லது ஏனைய அங்கத்தவர் தான் நூல்களுள் நுழையும் மனோநிலையைத் தெரிந்தோ தெரியாமலோ ஏற்படுத்திவிடுகின்றனர். வீடு சரியாக அமையாத சந்தர்ப்பம் உள்ளவர்களுக்கு ஆசிரியர்கள்  இத்தகைய சூழலை ஏற்படுத்திக் கொடுக்க முடியும்.  எல்லாவற்றுக்கும் மேலாக வாசிக்கும் பழக்கம் உள்ள நண்பர்களின் உறவு தன்னிச்சையாகவே அவர்களிடம் அளப்பரிய மாறுதல்களை ஏற்படுத்திவிடுகின்றது.

•    சமூகம் ஒருபுறம் வளர்ச்சியடைந்த சமூகங்கள் நூல்களின் தொகை ரீதியான பெருக்கத்தால் திணறிக் கொண்டிருக்கும் அதேசமயம் பின்தங்கிய சமூகங்கள் தகவல் பிரபஞ்சத்துக்குள் நுழையும் வாய்ப்பற்று இருக்க மறுபுறம் தகவல் தொழிற்துறையின் உருவாக்கம் காரணமாக ஏனைய பண்டங்களை விடவும் தகவல் சாதனங்களின்; விலை ஒப்பீட்டளவில் குறைந்து கொண்டு போவதும், ஓரே நூலை தரங்குறைந்த தாளில் அச்சிட்டு பெருந்தொகையில் மலிவுப்பதிப்புகளாக விற்கக்கூடிய வசதியும், படித்து முடிந்ததும் குப்பைக்கூடைக்குள் போடக்கூடியளவுக்கு உடனடித்தேவையை பூர்த்தி செய்யக்கூடிய நூல்களின் உற்பத்தியும் நூல்கள் மீது வைத்திருந்த மரியாதையைக் கணிசமானளவு குறைத்திருக்கிறது. வீட்டுக்கொரு நூலகம் என்ற அண்ணாவின் தாகம், வீதிக்கொரு நூலகம் என்ற புரட்சிக்;கவியின் கோசம் செயலுறுப்பெறும்போது நூலுக்குள் நுழைவதற்கான புறச்சூழல் எந்தச் சமூகத்தக்கும் வாய்த்துவிடும். வாசகனுக்குப் பொருத்தமற்ற நூல்களும், பொழுதுபோக்குக்குகந்த மலிவுப்பதிப்புகளுமாக சிறிய மண்டபத்தில் குறைந்த தொகை நூல்களுடன் சேவையாற்றுகின்ற எமது பிரதேசத்தின் பெரும்பாலான பொது நூலகங்கள் போன்று இல்லாமல் நூலகவியல் பேரறிஞர் எஸ். ஆர் இரங்கநாதன் அவர்களின் நூல்கள் பாவனைக்கே, நூலுக்கேற்ற ஆள், ஆளுக்கேற்ற நூல், வாசகர் நேரம் பேணுக, நூலகம் ஒரு வளரும் உயிரி ஆகிய பஞ்ஙசீலக் கொள்கைகளை அடிப்படையாகக் கொண்ட நூலக சேவை நூலுக்குள் நுழைவதற்கான சூழலை ஏற்படுத்தும்.

நூல்கள் சார்ந்தவை
ழ    உருவம் அன்றைய களிமண் பதிவுகள் முதற்கொண்டு இன்றைய கணினிப் பதிவுகள் வரை நூல்கள் அவற்றின் உருவமைப்பில் கணிசமான மாற்றஙகளைச் சந்தித்திருக்கிறது. ஓலைச்சுவடிகள், படங்கள், ஓவியங்கள் போன்ற மரபு ரீதியான  சாதனங்கள் , படத்துணுக்குகள் காட்சி வில்லைகள், ஒலி,ஒளிப் பதிவுகள், நுண்வடிவங்கள் போன்ற கட்புல செவிப்புல சாதனங்கள்;, ஒளிப்படங்கள், வரைபுகள், மாதிரி உருவமைப்புகள், சுவரொட்டிகள் போன்ற வரையுருவ சாதனங்களைக் கடந்து இன்று எங்கும் சீடீ எதிலும் சீடி என்ற வகையில் தகவல் உலகத்துக்குள் சீடி உலகம் ஒன்று உருப் பெற்றுள்ளமையும் வாசகன் அறிந்து கொள்வது இன்றியமையாதது..

ழ    உள்ளடக்கம் ஆய்வுத்துறைகளின் வளர்ச்சி நூல்களின் உள்ளடக்கத்திலும் பலதரப்பட்ட மாற்றங்களை ஏற்படுத்தியதன் காரணமாக அறிக்கைகள், ஆராய்ச்சி நூல்கள், நியமங்கள், காப்புரிமைகள், சிறுநூல்கள், செய்திக்கடிதங்கள், பருவ இதழ்கள், தொடர் வெளியீடுகள் போன்ற முதல் நிலைத் தகவல் வளங்களையும் இத் தகவல் வளங்களிலிருந்து தொகுக்கப்படுகின்ற பாட நூல்கள், உசாத்துணை நூல்கள் போன்ற இரண்டாம் நிலைத் தகவல் வளங்களையும், இவற்றைத் தொகுத்து தருகின்ற மூன்றாம் நிலைத் தகவல் வளங்களையும் தோற்றுவித்திருக்கிறது.

ழ    எண்ணிக்கை  உருவம் உள்ளடக்கம் எண்ணிக்கை, தரம் போன்ற பல்வேறு அம்சங்களின் அடிப்படையில் நூல்களின் தொகை ரீதியான அதிகரிப்பை தகவல் கட்டுமீறல் ஜஐகெழசஅயவழைn நுஒpடழளழைஸெ என்ற பதம் குறித்துநிற்கிறது. இன்று உலகில் 12 மில்லியன் ஆய்வாளர்களால் வருடாவருடம் 2 மில்லியன் கட்டுரைகள் உருவாக்கப்படுவதாக மதிப்பிடப்படுகிறது. 50-60 ஆயிரம் அறிவியல் தொழினுட்ப பருவ இதழ்கள் வெளியிடப்படுகின்றன. நாளாந்தம் மூன்று பருவ இதழ்கள் புதிதாகத் தோன்றும் அதே சமயம் ஒரு பருவ இதழின் வெளியீடு நிறுத்தப்படுகிறது. வெளியீடு செய்யப்படும் இலக்கியங்களில் 50மூமானவை தேவைக்கும் மேற்பட்டதாக உள்ளது.  நூல்களின் தொகை ரீதியான அதிகரிப்பு நூல்களைத் தேடும் பணியைச் சிக்கலாக்குகிறது.

ழ    புதிய துறைகளின் தோற்றம் மனிதனின் ஆய்வு முயற்சிகள் அறிவுப் பிரபஞ்சத்தில் புதுப்புதுத் துறைகளை தோற்றுவித்ததுமல்லாமல் ஒன்றுக்கொன்று தொடர்பற்ற எத்தனையோ பொருட்துறைகளை ஒன்றிணைத்து எது கலை? எது அறிவியல்? என்று பிரித்தறியாதபடி புதிய பொருட்துறைகளை உருவாக்கியுள்ளது. எமது முதல் தலைமுறையினருக்கு கணினி அறிவியல் என்ற புதிய துறை இருந்ததோ உயிரியலும் தொழினுட்பவியலும் இணைந்து தோற்றம் பெற்ற உயிர்த்தொழினுட்பவியல் துறையோ தெரியாது.

ழ    சுமை  ஒரே பொருட்துறை சார்ந்து எண்ணற்ற தகவல் சாதனங்களின் உற்பத்தியினால் தகவல் தேடுகையில் வாசகனுக்கு ஏற்படும் சிரமத்தை தகவல் சுமை (ஐகெழசஅயவழைn ழுஎநசடழயன) என்ற பதம் குறிக்கிறது. சாதாரண நூல்களை எடுத்துக் கொண்டால் ஒரே பொருட்துறை சார்ந்து ஒரே மாதிரியான பல நூல்கள் இருக்கும்போது அதில் பொருத்தமானதையும் சரியானதையும் தேர்ந்தெடுக்கும் வல்லமை எல்லா வாசகருக்கும் இல்லை. ஒரே பொருட்துறையில் எண்ணற்ற நூல்கள்  வெளியிடப்படுவதன் காரணமாக தகவல் சுமையின்; தாக்கத்துக்கு வாசகன் உட்படுவது தவிர்க்க முடியாததாகிறது. இது சரியான தகவலைச் சரியான நேரத்தில் பெறுவதைத் தடை செய்கிறது.

•    நூல்களின் செயற்கைத் தன்மை சாதாரண நூல்களை எடுத்துக் கொண்டால் ஒரே பொருட்துறை சார்ந்து ஒரே மாதிரியான பல நூல்கள் இருக்கும்போது அதில் பொருத்தமானதையும் சரியானதையும் தேர்ந்தெடுக்கும் வல்லமை எல்லா வாசகருக்கும் இல்லை. அதே போன்று அகராதிகள், கலைக்களஞ்சியங்கள், ஆண்டு நூல்கள் போன்ற உசாத்துணை சாதனங்களோ அல்லது  நுண்வடிவங்கள், படத்துணுக்குகள் சீடிரோம்கள் போன்ற உபகரணப் பாவனையுள்ள சாதனங்களோ செயற்கைத் தன்மை வாய்ந்தவை. இவற்றிலிருந்து வாசகனுக்குத் தேவைப்படும் தகவலைத் தேடிப் பொறுக்கியெடுத்தல் கடினமான அறிவுசார் பணியாகும். ஒருவரின் தனிப்பட்ட உதவியின்றி இவற்றைப் பயன்படுத்தல் மிகவும் சிரமமானது.

•    நூல்களின் ஒழுங்கமைப்பு உசாத்துணை நூல்கள் அகரவரிசை ஒழுங்கமைப்பு, பகுப்பாக்க ஒழுங்கமைப்பு, கால ஒழுங்கமைப்பு போன்றவற்றைப் பின்பற்றுகின்றன. அகராதிகள் பெரும்பாலும் அகர ஒழுங்கமைப்பையே பின்பற்றுகின்றன. அறிவியல் நூல்களில் பெரும்பாலானவை சில கோட்பாடுகள், சட்டங்களின் அடிப்படையில் ஒழுங்குபடுத்தப்படுகின்றன. வரலாற்று நூல்கள் கால ரீதியல் ஒழுங்கமைக்கப்படுகின்றன. பகுப்பாக்க ஒழுங்கமைப்பைப் பின்பற்றும் நூல்களுக்குள் இலகுவாக நுழையக்கூடிய தன்மையை நூலின் இறுதிப்பகுதியில் தரப்பட்டுள்ள சொல்லடைவு ஏற்படுத்தவல்லது. பெரும்பாலான அறிவியல் தொழினுட்ப நூல்களைப் படிப்பதற்கு நூலின் இறுதியில் சேர்க்கப்பட்டுள்ள கலைச்சொல்லகராதி உதவக்கூடியது.

•    தகவல் மாசடைதல் நூல்கள் புனிதமானவை. எனவே நல்லதை, தேவையானதை மட்டுமே பதிவு செய்தல் வேண்டும் என்ற மனிதனின் மனப்பாங்கு மாறி இலாபம் தரும் உற்பத்திப் பொருளாக கருதும் மனப்பாங்கு  உருவாகியதன் விளைவாக எதனையும் எப்படியும் அச்சிடலாம் என்ற வகையில் அதிகரித்த மலினப்பதிப்புகளின் உற்பத்தியானது சூழல் மாசடைதல் போல் தகவலிலும் மாசடைதலை ஜஐகெழசஅயவழைn pழடடரவழைஸெ  உருவாக்கியிருப்பதன் காரணமாக தீயவற்றுக்குள் நல்லதைத் தேடிப்பிடிக்க வேண்டிய அறிவை வாசகனிடம் கோரி நிற்கிறது.

•    மொழி  ஆங்கில மொழி இன்றும் மேலாதிக்கம் செலுத்துவதும் பெரும்பாலான தரவுத் தளங்கள் ஆங்கில மொழியை மையமாகக் கொண்டிருப்பதும் தாய்மொழிக் கல்வியில் தங்கியுள்ள வாசகனது தகவல் அணுகுகையை மட்டுப்படுத்துகின்றன. வேற்று மொழியில் பரிச்சியமின்மை தகவல் தேடும் ஆர்வத்தில் விரக்தி நிலையைத் தோற்றுவிப்பது மட்டுமன்றி தெளிவற்ற தன்மையையும் உருவாக்கும். கணினி யுகத்தில் மொழித் தடையானது மனிதனுக்கும் இயந்திரத்துக்குமிடையில், இயந்திரத்துக்கும் இயந்திரத்துக்குமிடையில், மனிதனுக்கும் மனிதனுக்குமிடையில், இயந்திரத்துக்கும் மனிதனுக்குமிடையில,; பொருத்தப்பாடின்மையையும் முரண்பாட்டையும், உருவாக்கும். இலக்கியங்களில் பயன்படுத்தப்படும் சொல்லலங்காரங்கள், கலைச்சொற்கள் போன்றன  தகவலை விளங்கிக் கொள்வதில் இடர்ப்பாடுகளை ஏற்படுத்துகின்றன.

முடிவுரை
நூல்களுக்குள் நுழைவதற்கான சூழல் முழுக்க முழுக்க சமூகத்தின் மனப்பாங்கிலேயே தங்கியிருக்கிறது. பொதுவாகவே வாசிப்புப் பழக்கம் குறைந்த சமூகமாக இனங்காணப்பட்டிருக்கும் தமிழ்ச்சமூகத்தில் நூலுக்குள் நுழையும் செயற்பாடு ஒன்றில் கல்வித்தேவையின் பொருட்டு கட்டாயமாக்கப்பட்டதொன்றாக அல்லது நிர்ப்பந்திக்கப்பட்டதொன்றாக இருக்கின்றதேயன்றி  இயல்பானதாக,  சமூக மேம்பாட்டை மையப்படுத்தியதொன்றாக இன்னமும் வளரவில்லையென்றே கூறவேண்டும்.

குறிப்புதவு நூல்கள்

1.       Harrod,L.M. Harrod`s librarians` glossary of terms used in librarianship documentation and the book craft and reference book. Compiled by Ray Prytherch,6^th ed..- London: Gower,1987.

2.   Licklider,J.C.R. (1965),J E} Libraries of the future.Mass,MIT,Cambridge.

3.   Moyle.D.[1976] The Teaching of Reading. 4^th ed. London: Ward Lock Educational, 1976.

4.   Oxford English Dictionary

5.    தில்லைநாயகம்இவே. இந்திய நூலக இயக்கம்.

(Srikanthaluxmy,A. (2006). Entry into the Books.Akavizhi:Aachiriyaththuva Nokku, vol.2. nos 23, July 2006)

வாசிப்பும் சமூக மேம்பாடும்

அறிமுகம்  
ஆய்வுக்கட்டுரைகள், அன்றாடச் செய்தி இதழ்கள், சுவரொட்டிகள், பொது அறிவுப் போட்டிகள், மேடைச் சொற்பொழிவுகள் என்று கல்விசார் நடவடிக்கைகள் அனைத்திலும் ஆதிக்கம் செலுத்தும் ஒரு வாசகம் 'வாசிப்பு மனிதனை முழுமையாக்கும்' என்பதாகும்.  இந்த வாசகம் ஐந்து நூற்றாண்டுகள் பழைமை வாய்ந்தது என்பதும் மனித சமூகத்தை நீண்டகாலம் ஆக்கிரமித்திருந்ததும் விவசாயத்தை முதன்மையாகவும் நிலத்தை மூலவளமாகவும் கொண்டதுமான நிலபிரபுத்துவ சமூக அமைப்பு நிலைகொண்டிருந்த ஒரு காலப்பகுதியில் தான் தோற்றம் பெற்றது என்பதும் ஆச்சரியத்துக்குரியதொன்று. இந்த வாசகமும் 'அறிவே ஆற்றல்' என்ற புகழ் பெற்ற வாசகமும் 16ம் நூற்றாண்டில் வாழ்ந்த தத்துவ மேதை பிரான்ஸிஸ் பேகனுக்குரியவை. இரண்டு வாசகங்களுக்குமிடையில் நெருங்கிய தொடர்புண்டு.
உலகின் அதிவளர்ச்சியுற்ற சமூகங்களுக்கிணையான எழுத்தறிவு வீதத்தைக் கொண்டவர்களும் மிக நீண்டகாலக் கல்விப்பாரம்பரியத்தை உடையவர்களுமான ஈழத் தமிழ்ச் சமூகத்தில் மேற்குறிப்பட்ட வாசகங்களினது முழுமையான அர்த்தம் 21ம் நூற்றாண்டுக்குள் நுழைந்தபின்னர்தான் உணரப்பட்டிருக்கிறது என்பதையே 2003ல் தொடங்கப்பட்ட பாடசாலை நூலகக் கற்றல் வள நிலையங்களின் தோற்றம், நூலக வாரங்கள், தேசிய நூலக ஆவணவாக்க சபையினால் ஒக்டோபர் மாதம் தேசிய வாசிப்பு மாதமாகப் பிரகடனப்படுத்தப்பட்டு வாசிப்பை ஊக்குவிப்பதற்கான சகல வழிமுறைகளும் முடுக்கிவிடப்பட்டிருத்தல் போன்ற தேசிய ரீதியிலான, நிறுவனமயப்படுத்தப்பட்ட திட்டங்கள் நமக்கு எடுத்துக்காட்டுகின்றன. தராதரப் பத்திரங்களைக் குவிக்கும் கல்விச் சமூகமாக மட்டும் தான் நாம் இருக்கின்றோம், அறிவுடைய சமூகமாக இல்லை என்ற கசப்பான யதார்த்தம் அறிவுக்கான அடித்தளத்தை உருவாக்க வேண்டிய கட்டாய நிலைக்கு எம்மை இட்டுச் சென்றிருக்கிறது.

அறிவே ஆற்றல்
ஆளுமை மிக்க மனித சமூகத்தின் பலம் அறிவு எனச் சொல்லப்படுகின்றது. பலம் என்பது இயற்கை வளத்தாலோ, பணபலத்தாலோ அளவிடப்படுவதில்லை. உலகின் வளர்ச்சியுற்ற சமூகங்கள் அனைத்தும் அறிவு என்ற அத்திவாரத்தின் மீதே வளர்ச்சி என்ற கட்டிடத்தை எழுப்பியுள்ளன. அறிவுக்கு அடிப்படையாக இருப்பது வாசிப்பு.
கண்டவை, கேட்டவை, படித்தவை, உணர்ந்தவை எனப் புலன்களால் பெற்ற அறிவை புலனுக்குப் புறம்பாக உள்ள பகுத்தறிவின் துணைகொண்டு அலசி ஆராய்ந்து, ஒப்புநோக்கி, உண்மை கண்டு, புதிய கருத்துக்களை உருவாக்கி, அவற்றை மேலும் ஆய்வுசெய்து, சரிபார்த்து, கோட்பாடு கண்டு, சட்டமாக்கி உலகை வழிநடத்தும் ஆற்றலைப் பெறுவதற்கு அறிவு சார் சிந்தனை அவசியமாகும்.. அறிவு சார் சிந்தனையை உருவாக்குவதற்குப் பரந்த வாசிப்புத் திறன் முக்கியம். தான் எதிர் கொள்ளும் பிரச்சனைகளிலிருந்து தன்னை விடுவிப்பதற்கு உதவுகின்ற, தனித்துவமான, தனக்குத் தானே நீதிபதியாகக் கூடிய வல்லமையை அளிப்பது இந்தப் பரந்துபட்ட வாசிப்புத் திறனே. வாசிப்பதன் மூலமோ, கேள்வி ஞானத்தினாலோ நாம் பெறும் தகவலை தகவலாகவே வைத்திருக்காது அறிந்து கொண்டவற்றை ஆய்வுக்குட்படுத்தி ஆராய்ந்து செல்லும் போதுதான் 'அறிவு' எமக்குள் ஊறும். இதையே 'கற்றனைத்து ஊறும் அறிவு' , 'எப்பொருள் எத்தன்மைத் தாயினும் அப்பொருள் மெய்ப்பொருள் காண்பது அறிவு' ஆகிய  குறள்கள் எமக்கு உணர்த்தி நிற்கின்றன. கல்லுதல் என்ற பொருள் கொண்ட கல்வி என்பதும் இதையே உணர்த்தி நிற்கிறது.
தனிமனித வளர்ச்சிக்கு அறிவு எந்தளவுக்கு அடிப்படையாக உள்ளதோ சமூக வளர்ச்சிக்கும் அடிப்படை அறிவே. இந்த அறிவுங்கூட தன்னை வளர்ப்பதை மட்டும் கருத்தில் கொள்ளாது தனது சமூகத்தையும் வளர்க்கும் உணர்வைத் தரும்போது மட்டுமே சமூக மேம்பாடு என்பது சாத்தியமாகும்.
    
கல்வியும் அறிவும்
'ஒரு மனிதன் கற்பது எவ்வாறு எனக் கற்றுக் கொள்வதே கல்வியின் இலக்காகும் . கற்றுக் கொள்வதற்கான ஆற்றலானது அறிவை விட முக்கியமானதாகும். அறிவு, காலத்திற்கொவ்வாததாகப் போனாலும் கற்கும் திறனானது அனைத்து அறிவுகளுக்குமான திறவு கோலாக விளங்குகிறது'. என்ற கூற்று அறிவை விட கல்வி முக்கியம் என்ற கருத்துநிலையைத் தருகின்றது. அப்படியாயின் பாடசாலைகள் ஏன் அறிவுக்கான திறவுகோலாகச் செயற்பட முடியாதுள்ளது என்ற வினா எழுவதும் இங்கு தவிர்க்கமுடியாததாகிறது.
கற்றல் என்பது வாழ்க்கையினின்றும் எழும் ஒன்று. வாழ்க்கை அனுபவங்களின் ஒரு பகுதியை மட்டுமே பாடசாலைகள் மனிதனுக்கு வழங்க முடியும். தொழில் நோக்கம், அறிவு நோக்கம், ஒருமைப்பாடுடைய ஆளுமையை வளர்த்தெடுக்கும்; இசைந்த வளர்ச்சி நோக்கம், ஒழுக்க நோக்கம், ஓய்வு நோக்கம், சமூக நோக்கம் என பலதரப்பட்ட நோக்கங்களையும் சந்தித்திருக்கும் இன்றைய கல்வி முறையானது செயற்பாட்டளவில் செய்துள்ள சாதனைகள் மிக மிகக் குறைவு. 'மனிதனை மனிதனாக உருவாக்குவதே உண்மைக் கல்வியின் நோக்கம்' என்ற சுவாமி விவேகானந்தரின் சிந்தனை 'உடல் உள்ளம் ஆன்மா என்பவற்றின் சிறப்பு மிக்க பண்புகளை வெளிக் கொணர உதவுவது கல்வி' என்ற காந்தியின் சிந்தனை வெறும் சுலோகங்களாக மட்டுமே படிக்கப்படுகின்றன. கல்வித்திட்டங்களில் ஏற்படுத்தும் மாற்றங்களின் வேகத்துக்கு ஈடு கொடுக்கும் வகையில் ஆசிரியர்களுக்கான பயிற்சியோ அவர்களிடம் மனமாற்றத்தைக் கொண்டு வருவதற்கான தூண்டுதல்களோ மிகக் குறைவு. வறுமை, வேலையின்மை போன்ற பொருளாதாரக் காரணிகளின் தாக்கம் மிக அதிகமாக உள்ள எமது தேசத்தில் கல்வியின் முழு நோக்கமுமே தொழில் நோக்கமாகவே உள்ளது. மேலை நாட்டு அறிவியல் கண்டுபிடிப்புகளின் பாவனையாளராகவே இருக்கும் எமக்கு இக் கண்டுபிடிப்புகளை பயன்படுத்துவதற்கான தேடலில் வாழ்வின் பெரும் பகுதி கழிந்து விட இக் கண்டுபிடிப்புகளின் உன்மையான பயன்பாடு என்ன---?  இதன் நன்மைகள் தீமைகள் எவை....? போன்றவற்றை அறிவதற்கான வாய்ப்புகளை இழந்து விடுகின்றோம்.
போட்டி மிக்க தொழில் சந்தையில் நின்றுபிடிப்பதற்கேற்ற வகையில் தான் எமது நகர்வுகள் இருப்பதன் காரணமாக வாழ்க்கைப் படிப்பிற்கான கால அவகாசமோ சிந்தனையோ எம்மிடம் அருகி வருவதே கண்கூடு. தொழில் சந்தையில் போட்டி போடக்கூடிய வல்லமையைத் தரும் பாடசாலைகளை நோக்கி தமது பிள்ளைகளை நகர்த்தும் பெற்றோர்கள,; பாடசாலைகளைப் பெறுபேறுகளின் அடிப்படையில் தரப்படுத்தும் கல்வித் திட்டங்கள், அந்தஸ்து மிக்க வாழ்க்கைக்குரிய மூலதனமாகக் கல்வியை கருதும் எமது சமூகத்தின் மனப்பாங்கு என்பன மாறும் வரை பாடசாலைகள் அறிவுக்கான அடித்தளங்களாக இருக்கும் வாய்ப்பு சாத்தியமற்றதொன்றாகும். பரந்துபட்ட வாசிப்பால் மட்டுமே அறிவுக்கான அடித்தளம் போடப்பட முடியும் என்பது உண்மையானால் பெற்றோர்கள், ஆசிரியர்கள், நூலகர்கள் என்ற முக்கூட்டுச் சக்திகளின் ஒருங்கிணைந்த செயற்பாட்டினூடாகவே இது அடையப்படமுடியும்.

வாசிப்பு
'அமெரிக்க சனத்தொகையில் 25வயதுக்கு மேற்பட்டோரில் 50வீதமானோர் குறைந்தது நாளாந்தம் ஓரிரு சஞ்சிகைகள் படிக்கின்றனர் வாரமொருதடவை செய்தித்தாள் வாசிக்கின்றனர். ஆனால் கடந்த ஆறு மாதங்களில் ஒரு புத்தகத்தை மட்டும் வாசித்திருக்கின்றனர்' என 1999ஆம் ஆண்டில் தேசிய வீட்டுக் கல்வி ஆய்வின் புள்ளிவிபரம் ஒன்று கூறுகின்றது. இதன் கருத்து அமெரிக்க சனத்தொகையில் மீதி 50 வீதம் ஒரு நூலைக்கூடப் படிக்கவில்லை என்பதே. இதன் மறுபுறத்தில் ஒருவருடத்தில் 10 நூல்கள் படித்தால் வாசகர் உலகின் உயர்மட்டத்தில் இருப்பீர்கள் என்பதை ஆய்வுகள் உறுதிப்படுத்துகின்றன.(நுமைநnடிநசசல -2002). ஆசியான்(யுளுநுயுN) நூலகங்களில் வாசிப்புப் பழக்கத்தைத் தடுக்கும் காரணிகளில் மிக முக்கியமானது அவர்கள் வாசிக்கும் சமூகமாக இல்லாது அரட்டையடிக்கும் சமூகமாக இருப்பதே என அங்கு மேற்கொள்ளப்பட்ட ஆய்வுகள் எடுத்துக்காட்டுகின்றன.(ஐகுடுயு- 1999). பழம்பெருமை பேசுவதிலேயே காலத்தின் பெரும்பகுதியைக் கழிக்கின்ற எமது சமூகத்தக்கும்  இது பொருந்தக்கூடியதொன்று.

வாசிப்பின் அடிப்படையில் எமது சமூத்தைப் பின்வருமாறு வகைப்படுத்தலாம்.
•    வாசிக்கத் தெரிந்தவர்கள். ஆனால் வாசிக்காதவர்கள்: வாசிப்பு முக்கியம் என்ற உணர்வு இருந்தும் சோம்பல் காரணமாகவோ அல்லது நேரமின்மை காரணமாகவோ வாசிக்காதவர்கள்.
•    வாசிக்கத் தெரிந்தவர்கள் ஆனால் வாசிப்பின் முக்கியத்துவம் தெரியாதவர்கள்: எமது சமூகத்தின் கணிசமான பகுதி இப்பிரிவைச் சார்ந்தவர்களே. வாசிப்பின் முக்கியத்துவம் உணராமலேயே பட்டப்படிப்பையும் முடித்துவிட்டு பலரகப்பட்ட தொழில்களிலும் அமர்ந்துவிடுபவர்கள்.
•    வாசிக்கத் தெரிந்தவர்கள் வாசிப்பின் முக்கியத்துவமும் அறிந்தவர்கள்: பேரறிஞர் என எம்மால் போற்றிக் கொண்டாடப்படுபவர்களும், மிகக் குறைந்தளவு தொகையைப் பிரதிநிதித்துவப் படுத்துபவர்களும் இவர்களே. விரல்விட்டு எண்ணக்கூடிய சிலரே இந்த வகையில் உள்ளனர்.
•    வாசிக்கத் தெரிந்தவர்கள் ஆனால் வாசிப்பதற்கான வளங்களோ வசதிகளோ அற்றவர்கள்: பொருளாதார ரீதியில் பின்தங்கிய பிரதேசங்களில் நூலகங்கள் கூட இவர்களின் அறிவுப்பசிக்குத் தீனி போடும் வல்லமையுள்ளனவாக இல்லை என்பது கசப்பான உண்மை.
•    வாசிக்கத் தெரியாதவர்கள் ஆனால் வாசிப்பின் முக்கியத்துவம் தெரிந்தவர்கள்: அனேகமான நூலகங்களில் செய்தித்தாள் வாசித்துக்காட்டும் பணியும் தெருத்திண்ணைகளில் ஒருவர் வாசிக்க சுற்றியிருந்து கேட்கும் மக்கள் கூட்டமும் எமக்கு உணர்த்துவது இதைத் தான்.
•    வாசிக்கத் தெரியாதவர்கள் அதேசமயம் வாசிப்பின் முக்கியத்துவமும் அறியாதவர்கள்: ஏழ்மை, எழுத்தறிவின்மை, அறியாமை போன்ற பலதரப்பட்ட அமைப்புசார் வன்முறையையும் ஒருங்கே அனுபவிக்கும் இத்தகைய மக்களுக்கு வாசிப்பு என்ற கருத்துநிலை புதிது.

வாசிப்பைத் தூண்டும்; காரணிகள்
வாசிப்புச்சூழல்
பிறக்கும் எந்தக் குழந்தையும் தாயிடமிருந்தே பெரும்பாலானதைக் கற்கிறது. மனித வாழ்க்கையின் பெரும்பகுதி குடும்பம், சுற்றுப்புறச் சமூகம் என்ற வட்டத்துக்குள்ளேயே கழிகிறது. 'குழந்தையின் முதல் ஆறு ஆண்டுகளின் வாழ்க்கையை என்னிடம் ஒப்படையுங்கள் அதற்குப்பிறகு அதன் வாழ்க்கை அமைப்பை எப்படிப்பட்டவர்கள் ஏற்றுக் கொள்கிறார்கள் என்பதைப்பற்றி எனக்கு கவலையில்லை' எனக் கூறும் பெஸ்டலோசி என்ற தலைசிறந்த கல்வியாளரின் கூற்று மனித வாழ்க்கையில் குடும்பமும் சுற்றுப்புறச் சமூகமும் வகிக்கும் பங்கைத் தெளிவாகக் காட்டப் போதுமானது.(சந்தானம்- 1987). பார்த்துச் செய்தல் குழந்தையின் பிரதான பண்பு என்பதனால் தேடல் உணர்வுக்கான களம் இங்கிருந்தே ஆரம்பிக்கிறது.
காலைப் பேப்பர் படிக்காது விட்டால்  பொழுதே புலர்வதில்லை என அங்கலாய்க்கும் அப்பாமார்கள், வீட்டுக்கு வந்திருக்கும் விருந்தினருக்குத் தேனீர் கொடுக்கவேண்டும் என்ற அந்த அவசரத்திலும் கூட தண்ணீர் கொதிப்பதற்கிடையில  சீனி சுற்றி வந்த பேப்பர் துண்டில் என்ன இருக்கின்றது என்று; பரபரப்புடன் கண்களை மேயவிடும் அம்மாக்கள், பரீட்சை அவசரத்தின் மத்தியிலும் கையில் புதிதாக அகப்பட்ட கதைப்புத்தகத்தை பள்ளிப் பாடப்புத்தகத்துக்குள் மறைத்து வைத்து வாசிக்கும் அக்காக்கள், நாட்டு நடப்புப்பற்றி அலசிக்கொண்டிருக்கும் 'எல்லாம் தெரிந்தவர்கள்' குழாம் ஒன்று தமக்கு ஏற்படும் சந்தேகங்களைத் தெளிவுபடுத்தும் வாய்ப்பின்றித் திணறிக்கொண்டிருக்கும்போது, தேனீர் கொடுத்துவிட்டுத் திரும்பும் சாக்கில் இரத்தினச் சுருக்கமாகவும் தெளிவாகவும் தீர்வைக் கொடுத்துவிட்டுப்போகும் குறுகிய காலப் பள்ளிவாழ்க்கைக்குரிய அன்ரிமார்கள் என்று  குடும்ப உறுப்பினர்களும் உறவினர்களும் நேரடியாகவோ மறைமுகமாகவோ வாசிக்கும் உணர்வைச் சிறுவயதிலிருந்தே குழந்தைகளிடம் விதைத்து விடுகின்றனர். எனவே வாசிக்கும் சூழல் என்பது மிக முக்கியமான காரணி.
ஆனால் துரதிருஷ்டவசமாக இன்றைய தகவல் தொழினுட்ப யுகம் மேற்குறிப்பிட்ட சூழலை அடியோடு மாற்றியமைத்து விட்டது.  ஒரு புறம் நேரம் இல்லை என்ற கோஷமும் மறுபறத்தில் நேரம் போவதே தெரியாமல் தொலைக்காட்சியே கதி என்று கிடப்பதும் தான் குழந்தைகளுக்கு நாம் தரும் சூழலாக மாறிவிட்டது. வாசிக்க விருப்பம்;;! ஆனால் நேரம் தான் கிடைப்பதில்லை என்பதெல்லாம் வெறும் நொண்டிச் சாக்கு. கிணற்றடியில் செலவழிக்கும் நேரம், வேலிப்பொட்டில் மினைக்கெடும் நேரம், மதிய உணவின் பின்னர் குறட்டைவிட்டுத் தூங்கும் நேரம், தொலைக்காட்சித் தொடர்களுக்குள் இம்மை மறுமையின்றி ஆழ்ந்து அமிழ்ந்திருக்கும் நேரம், போன்றவற்றில் சிறிதளவு மிச்சப்படுத்தினாலும் போதும் நேரம் தாராளமாகக் கிடைத்துவிடும். மிக முக்கியமானது வாசிக்க வேண்டும் என்ற உணர்வு மட்டுமே. எம்மைச் சுற்றி எப்போதும் நூல் இருக்குமாறு பார்த்துக் கொள்ளுதல், நூல் எதுவும் வாசிக்காமல் வீட்டை விட்டு எக்காரணம் கொண்டு வெளியே போவதில்லை என்று பிடிவாதமாக இருத்தல்,  படுக்கைக்கு அருகில், கைப்பையில், குசினி இறாக்கையில் என்று முக்கியமான இடங்களில் படிக்க விரும்பும் நூலை வைத்திருத்தல் போன்ற செயற்பாடுகள் மூலம்  இத்தகைய உணர்வை உருவாக்கிக் கொள்ளலாம்.

வாசித்தல் இலக்கு
•    ஒரு நாளில் எவ்வளவு நேரம் வாசிப்பதற்கு ஒதுக்குவது என்பது மட்டுமன்றி குறிப்பிட்ட காலத்தில் எவ்வளவு நூல்களை வாசிப்பது என்பது தொடர்பான இலக்கு ஒன்றையும் அமைத்துக்கொள்ளுவது வாசிப்பைத் தூண்டக்கூடியது. இந்த இலக்கானது ஒரு நாளில் ஒரு மணி நேரம் வாசிப்புக்கு ஒதுக்குதல் என்பதாகவோ, மாதத்துக்கு ஒரு நூல் என்பதாகவோ அல்லது வாரம் ஒரு நூல் என்பதாகNவுh இருக்கலாம்;. இலக்கை அமைக்கும் வரையில் கடும் சிரமமாகவே இருக்கும். இலக்கை உருவாக்கிவிட்டால் வாசிக்காமல் விடுவது வாழ்க்கையையே தொலைத்துவிடுவது என்பதாகவே மாறிவிடும் அபாயமும் உண்டு. வாசிப்பை மேம்படுத்துவதற்கான முதலாவது படிநிலை இதுவே. வாசித்த நூல்களுக்கான பட்டியல் ஒன்றைத் தயார் செய்து கொள்வது இதில் முக்கியமானது. பதிவை மேற்கொள்ளும் செயற்பாட்டில் சிலருக்கு நாட்குறிப்பேடு, சிலருக்குக் குறிப்பெழுதும் கொப்பி, இன்னும் சிலருக்குப் படிப்பு மேசைக்கு எதிரே இருக்கும் சுவர், இன்னும் சிலருக்கு குளிர்சாதனப்பெட்டி--- பதிவை எங்கே சேமிப்பது என்பது முக்கியமன்று. பதிவைத் தயாரிக்கும் உணர்வே முக்கியமானது.
•    இனி வாசிக்கப் போகும் நூல்களுக்கான பட்டியல் ஒன்றைத் தயார் செய்து கொள்ளுதல். நல்ல நண்பர்கள், சக அலுவலர்கள், ஆசிரியர்கள், நூலகர்கள் போன்றோர் நல்ல நூல்களின் தெரிவுக்கு எப்போதும் உதவுவார்கள், பத்திரிகைகளில், செய்தித்தாள்களில் வெளிவரும் நூல்விமரிசனங்கள், நூல்வெளியீட்டு விழாவின் மதிப்புரைகள் போன்றன நல்ல நூலைத் தெரிவு செய்ய உதவும்.

'வாசிப்பு என்னை அப்படியே நிறுத்தி வைக்கின்றது. அந்தச் சக்தி நல்ல கருத்தை வலியுறுத்தும் ஒரு புத்தகத்துக்கே உண்டு என்று தான் சொல்வேன். வாசிக்காத நேரங்களில் நிறைவு, மகிழ்ச்சி சுவாரஸ்யம் அனைத்தும் குறைந்தது போன்ற உணர்வு ஏற்படுகின்றது. சோம்பல் உணர்வு ஏற்படுகின்றது. வேகமாக செயற்பட முடியாத ஒரு சோர்வும் இடையிடையே தெரிகின்ற மாதிரி ஒர் உணர்வு. ஏதோ இழந்து விட்டோம் என்பது மாதிரியும் நல்ல நட்பை இழந்து விட்டது போலவும் கூடச் சில சமயம் உணர முடிகின்றது. எதையாவது வாசித்துக் கொண்டிருப்பது மனதுக்குப் புத்துணர்ச்சியை ஏற்படுத்தவல்லது என்பதை வாசிக்கப் புத்தகம் இல்லாத நேரங்களில் தான் அதிகம் உணர முடிகின்றது. வாசிக்க இன்னும் புத்தகங்கள் இருக்கின்றன என்னும் போது தான் வாழ்க்கையில் பிடிப்பும் மகிழ்ச்சியும் கூடுதலாக இருப்பதை உணர முடிகின்றது. வீட்டு வேலைகளை ஆர்வத்துடனும் வேகமுடனும் செய்ய மனம் வருகின்றது. எப்படியும் ஏதோ ஒரு விதத்திலாவது எனக்கு நல்ல புத்தகங்கள் கிடைத்துக் கொண்டேயிருக்கின்றன. அப்படி ஒரு சந்தர்ப்பம் கிடைக்கும்போது தவறாமல் முதல் வேலையாகக் கடவுளுக்கு நன்றி செலுத்திவிட்டு வாசிக்கத் தொடங்கி விடுவேன். நித்திரையைக் கூட நிறுத்தி விடுவேன் வாசிப்பதற்காக' என்கிறார் கொழும்புவாழ் இல்லத்தரசி ஒருவர் (கனகலிங்கம்,ரதி 2005).

வாசிக்கும் இடம்
வாசிக்கும் இடத்தைத் திட்டமிடுதலும் வாசிப்பைத் தூண்டும் முக்கிய காரணியாகும். சிலருக்குப் படுக்கையில்--- பலருக்குக் காலைப் பொழுதில் கோப்பி அருந்தும் நேரத்தில்,--- இன்னும் சிலருக்கு மதியம் சாப்பிடுகையில்.--- பிரித்தானிய சாம்ராஜ்யத்தின் பெரும்பாலான மக்களுக்கு  பேரூந்துகள், புகைவண்டிகள், போன்றவையே  வாசிக்கும் இடங்கள். வேலைக்குப் போகும் அவசரத்திலும்கூட கைப்பையில் புத்தகம் எடுத்துவைக்க அவர்கள் மறப்பதே கிடையாது. அதேசமயம் ஒற்றைக்காலில் நின்று பயணம் செய்வதற்கான வாய்ப்பை மட்டுமே தரும் எம்மூர் வண்டிகளில் இத்தகைய கருத்துநிலை நகைப்புக்கிடமானதொன்று எனினும் அலுவலகத்தின் மதிய உணவு வேளையை நாம் எவ்வாறு செலவிடுகின்றோம் என்பதையும் மீட்டுப்பார்ப்பது பயன்தரத்தக்கது.
வாசிப்பைத் தூண்டக் கூடிய மிகப் பொருத்தமான இடம் நூலகங்களே. நூலகங்கள் அறிவுப் பதிவேடுகளின் சுரங்கம் எனப்படுகிறது.  'கடலைப் போன்றது நூலகம். மணலை விரும்புவோர் மணலை எடுக்கலாம்;;;. சிப்பி, சங்கு, சோகிகளைப் பொறுக்குவோர் அவற்றைப் பொறுக்கலாம்;. குளிப்போர் குளிக்கலாம்;.  காற்று வாங்க விரும்புவோர் காற்று வாங்கலாம்;. மீனினங்களைப் பிடிக்க விரும்புவோர் அவற்றைப் பிடிக்கலாம்;. வெறுமனே கரையில் இருந்து கடல் அலையைப் பார்த்து மகிழ விரும்புவோர் அவ்வாறு செய்யலாம்;. முத்தெடுக்க விரும்புவோர் முத்தெடுக்கலாம்.;; செல்கின்றவரது நோக்கம் எதுவோ அதனை அவர் நிறைவேற்றிக் கொள்ளலாம்' என்ற தேர்ந்த வாசகர்களுள் ஒருவரான குழந்தை ம. சண்முகலிங்கம் அவர்களின் கூற்று இங்கு கருத்திற் கொள்ளப்படக்கூடியது. (சண்மகலிங்கம்,ம,2005).
வாசகர் வட்டங்களுடன் இணைந்து கொள்வது வாசிப்பைத் தூண்டக்கூடியதொன்று. வாசகர் வட்டம் என்னும்போது பொதுவான பொருட்துறைகளில் ஆர்வமுள்ளோரை ஒன்று சேர்த்து அவர்களுக்கென வாசிப்பு வட்டங்களை உருவாக்குதல் ஆகும்;. வாசிப்பு வட்டங்களுக்குத் தேவையான நூல்களையும் வாசிப்பு வட்டத்தை ஒழுங்குபடுத்துவதற்கான இடத்தையும் தேர்ந்தெடுத்து வாசிப்பு வட்டங்கள் சிறப்பான முறையில் நடைபெற வழிவகுக்கலாம். வாராந்த மாதாந்த ரீதியில் நடைபெறும் இத்தகைய கருத்தூட்டல்களுக்கு உதவுமுகமாக நூலகங்கள் தமக்கென சிறியளவிலாவது கருத்தரங்கு மண்டபம் ஒன்றையும் கொண்டிருக்குமாயின் வாசிப்பு வட்டம் நடைபெறுவதற்கு ஒரு வாரத்துக்கு முன்பேயே அவற்றுடன் தொடர்பான நூல்களை அம் மண்டபத்தின் ஒரு பகுதியிலேயே காட்சிப்படுத்தின் வாசகர்களுக்கு இலகுவாக இருக்கும். பெரும்பாலான பொதுநூலகங்கள் வாசகர் வட்டங்களை சிறப்பாக நடத்திவருவதையும் இங்கு குறிப்பிடவேண்டும்.

வாசிக்கும் நேரம்
ஒவ்வொரு நாளும் ஒரு ஒழுங்கில் குறித்த நேரத்தை அமைதியாக வாசிப்பதற்கு ஒதுக்குவது அவசியமாகும். வாசிக்கும் காலமானது தினமும் 10-15 நிமிடங்களாக இருக்கலாம்.  அல்லது கூடிய நேரமாக கிழமைக்கு ஒன்று அல்லது இரண்டு நாட்களாக அமையலாம். தேர்ந்த எழுத்தாளர்களிடம் கேட்டால் குறைந்தது இரண்டு மணி நேரம் வாசிப்பில் செலவிடுவதாகக் கூறுவார்கள். அதேசமயம் புத்தகத்துக்குள் நுழையாமலேயே 24 மணிநேரமும் புத்தகமும் கையுமாகத் திரிபவர்களும் எம்மிடம் உண்டு. பாடசாலை மட்டத்தில் மாணவர்களைத் தாமாகவே தமக்கு விரும்பியவற்றை தெரிவு செய்து தத்தமது விருப்பப்படி வாசிக்க அனுமதிக்க வேண்டும்.  வாசிப்பதற்கு போதிய புத்தகங்கள் இல்லாத பிரச்சனையைத் தீர்ப்பதற்கு .வேறுபட்ட வகுப்புகளிற்கு வௌ;;வேறு நேரத்தில் வாசிப்பதற்குரிய நேரத்தை ஒதுக்கலாம்;. 
சுதந்திரமாக வாசிப்பதற்கான நேரத்தை நாம் தேடிக்கொள்ளாதுவிடின் அல்லது பாடசாலை மட்டத்தில் வாசிப்பதற்கான நேரத்தை ஒதுக்குதலை ஒரு முக்கிய விடயமாகக் கருதாவிடின்; வாழ்நாள் பூராக வாசிக்கும் பழக்கத்தை விருத்தி செய்வதை நாம் இழந்துவிடுவோம். பெற்றோரைப்பொறுத்து இருவருமே வேலைக்குச் செல்பவர்களெனில் பிள்ளைகளின் வாசித்தலை மேற்பார்வை செய்வதற்கான நேரம் அரிதாகவே இருக்கும்.  இன்னொரு வகையில் மாணவர்களின் பெரும்பாலான நேரம் தனியார் வகுப்புகளிலும் பாடசாலையில் கொடுக்கப்படும் வீட்டு வேலைகளிலும் செலவழிக்கப்படுவதனால் மாணவர்களிற்கு மனச் சந்தோசத்திற்காக வாசிக்கக் கிடைக்கும் நேரம் அற்றுப் போகிறது. 

வளமான வாசிப்பு
எல்லாவற்றையும் விட மிக முக்கியமான காரணி எதை வாசிப்பது என்பது தான்.. நூல்கள் வியாபாரமயப்படுத்தப்பட்டிருப்பதும், ஏனைய பொருட்களை விடவும் நூல்களின் விலை ஒப்பீட்டளவில் குறைந்து கொண்டு போவதும், ஓரே நூலைத் தரங்குறைந்த தாளில் அச்சிட்டுப் பெருந்தொகையில் மலிவுப்பதிப்புகளாக விற்கக்கூடிய வசதியும், படித்து முடிந்ததும் குப்பைக்கூடைக்குள் போடக்கூடியளவுக்கு உடனடித்தேவையைப் பூர்த்தி செய்யக்கூடிய நூல்களின் உற்பத்தியும், புத்தகங்கள் புனிதமானவை என்ற கருத்துநிலையைத் தகர்த்துவிட்டன. குப்பைக்குள் குன்றிமணிகளைத் தேடிப் பொறுக்கவேண்டிய நிலையிலிருக்கும் இன்றைய தலைமுறையினருக்குக் கண்டதும் கற்கப் பண்டிதனாவான் என்ற பழமொழி பொருத்தமற்றதொன்று. கருத்துக் கொவ்வாத கதைப்புத்தகங்களே கதியென்று கிடப்பவர்கள் கூட  வாசிப்பில் முழு நாளையே தாம் செலவிடுவதாகத் தான் வாதிடுகின்றனர். இங்குதான் வளமான வாசிப்பு என்பதன் முழுமையான அர்த்தம் கிடைக்கிறது. பெற்றோர்கள், ஆசிரியர்கள், நூலகர்கள் இணைந்த முயற்சியினால் மட்டுமே தரமான நூல்களைப் படிக்கக்கூடிய வாய்ப்பை இளைய தலைமுறையினர் பெற்றுக்கொள்ளமுடியும். சமூகங்களை வடிவமைத்த சிற்பிகள், சமூகத்தை முன்னேற்றப்பாதைக்கு இட்டுச் சென்ற வழிகாட்டிகள், சமூகத்தில் எதிர்பாராத மாற்றங்களை ஏற்படுத்திய  அவதார புருஷர்கள் போன்ற  பெரும் தலைவர்களின் வாழ்க்கைச் சரிதங்கள், பொது அறிவு நூல்கள் போன்றவை  முன்னேறுவதற்கு மாதிரிகள் தேடி அலையும் மாணவப்பருவத்துக்கு மிகப்பொருத்தமானவை. உலக சமூகங்களின் வாழ்நிலையைக் காட்டும் கண்ணாடிகளாக இருக்கும் மொழி பெயர்ப்பு இலக்கியங்கள் வீட்டில் இருக்கும் இல்லத்தரசிகளுக்கு மிகவும்; பயன்தரத் தக்கவை.
எனக்கு இப்படி வாய்க்கவில்லையே என்ற ஏக்கத்தைத் தருவதற்குப் பதில் மற்றவரை விட நான் மேல் என்ற மனோநிலையைத் தருகின்ற நூல்கள்---, தான் வாழுகின்ற சமூகத்துக்குப் பொருத்தமான புதுப்புது ஆய்வு முயற்சிகளைத் தூண்டும் நூல்கள்--, விரக்தியால் விழுந்து கிடப்பவரைத் தூக்கி நிறுத்தித் துணிவு தந்திடும் நூல்கள்---, பற்றிப் பிடித்து ஏறுவதற்கு கொழுகொம்பாக இருக்கும் நூல்கள் இவை தான் வளமான வாசிப்புக்குத் தேவைப்படுபவை. இத்தகையதொரு வாசிப்புத் தான் 'நான்' என்ற உணர்வை இல்லாதொழித்து 'நாம்' என்ற உணர்வைத் தோற்றுவிக்கும். நாம் என்ற உணர்வு தோன்றிவிட்டால்  சமூக மேம்பாடு தொடர்பாகக் கவலைப்பட வேண்டிய அவசியமேயிருக்காது.

குறிப்புதவு நூல்கள்

1.    அருளானந்தம், ஸ்ரீ. சனசமூகநிலையங்கள்: சமூகமேம்பாட்டின் குவிமையங்கள். பாரதிதாசன் கட்டிடத் திறப்புவிழா மலர். 2003.
2.    கனகலிங்கம், ரதி. 'இல்லத்தரசி ஒருவரின் வாசிப்பு அனுபவங்கள்'. அறிவாலயம் சிறப்பு மலர். இணுவில்: இணுவில் திருவூர் ஒன்றியம், 2005. பக்.98-99
3.    சண்முகலிங்கம், ம. 'நுழைபுலம்'. மேற்படி நூல் பக்.98-99.
4.    சந்தானம், எஸ். கல்வியின் தத்துவ சமூக அடிப்படைகள். சென்னை: பழனியப்பா, 1987. பக்.605.
5.  International Federation of Library Associations and Institutions.1995-2000
www.ifla.org.

(Srikanthaluxmy,A (2006). Reading and Social Development [Akavizhi:Aachiriyaththuva Nokku, vol.2. nos24, Aug 2006)

.

வளமான வாசிப்பு மானுடத்தின் மேம்பாடு

'வாசிப்பதால் மனிதன் பூரணமடைகின்றான்' என்பது பதினாறாம் நூற்றாண்டின் தத்துவமேதை பிரான்சிஸ் பேகனின் புகழ்பெற்ற வாசகங்களில் மிக முக்கியமானது. வெறும் வாசிப்பே மனிதன் பூரணமடைய வழிசெய்யும் என இவ்வாசகம் கூறும்போது, வாசிப்பு என்பதற்கு  'வளமான' என்ற அடைமொழி  தேவைதானா என்ற வினாவுக்கு பதிலளிப்பதே  அதாவது அதன் உட்பொருளை விளக்குவதே இக்கட்டுரையின் நோக்கம்.

தனி மனிதனும் மானுடமும் ...
மனிதன் ... உயிரி என்ற வகையில் சிந்தித்தால் இவ்வுலகில் வாழும் உயிரினங்களுக்குள் உயர்வான ஓர் உயிரி. சமூகவியல் ரீதியில் சிந்தித்தால் தனித்து வாழமுடியாத ஒரு சமூகப் பிராணி.  பொருளாதார ரீதியில் சிந்தித்தால் இவ்வளவு தான் என்று வரையறுக்க முடியாதளவுக்குத் தேவைகளும் பிரச்சனைகளும் கொண்டவன்.  அரசியல் ரீதியில் சிந்தித்தால் நாட்டின் எதிர்கால வாரிசு. அறிவியல் ரீதியில் சிந்தித்தால் உலகத்தை உள்ளங்கைக்குள் அடக்குமளவிற்கு அறிவியல் தொழினுட்ப சாதனைகளின் உச்சிப்படியில் வீற்றிருப்பவன். மனிதப்பண்புகளின் அடிப்படையில் சிந்தித்தால் அறிவை ஆக்கத்துக்குப் பயன்படுத்துவதை விடவும் அழிவுக்குப் பயன்படுத்துவதில்  ஆர்வம் அதிகமுள்ளவன்.

மனிதன் மனிதத்தன்மையுள்ளவனாக இருக்கும் நிலை மானுடம் எனப்படுகின்றது. மனித இனம் அனைத்தையும் கூட்டாகக் குறிப்பதற்குப் பயன்படுத்தப்படும் பொதுப்பதமாகவும் இது பார்க்கப்படுகின்றது. மனிதன் ஒரு விலங்கு தான் என்பதை அடிக்கொருதரம் நினைவூட்டிக்கொண்டிருக்கும்  கோபம், வெறுப்பு, குரோதம் போன்ற எதிர்மறைப் பெறுமானங்களைப் பகுத்தறிவின் துணை கொண்டு கூடியவரை தவிர்த்து அன்பு, இரக்கம், கருணை, பாசம், காதல், ஈடுபாடு, மரியாதை, பக்தி போன்ற உயரிய மனிதப் பண்புகளை வளர்த்துக்கொள்வதே மனிதத்தன்மைக்கு அடிப்படை. தன்னைச் சுற்றித் தான் போட்டுக்கொள்ளும் குறுகிய வட்டத்தைவிட்டு வெளியே வந்து, உலகை அகலக் கண்கொண்டு பார்க்கும் தன்மையை வளர்த்து, நான், எனது என்ற குறுகிய மனப்பான்மைகளை விலக்கி, 'நாம்' என்ற உணர்வை வளர்ப்பதனூடாக அடுத்தவரை நேசிக்கும் தன்மையை அடுத்தவருக்கு உதவும் தன்மையை உருவாக்கிக்கொள்ளும் பண்பு மானுடம் எனப்படுகின்றது.  மதம் சார்ந்த நம்பிக்கைகளுக்கு மேலாகப் பகுத்தறிவுக்கு அதிக முக்கியத்துவம் அளித்து மனிதப் பிரச்சினைகளுக்குத் தீர்வுகாண பரிசீலிக்கும் ஒரு சித்தாந்தப் போக்கே மனித நேயம் என ஒக்ஸ்போட் அகராதி குறிப்பிடுகின்றது.


இன்றைய மானுடம்
மனிதத்தன்மை குறைந்து விலங்குத்தன்மை அதிகரித்துக் கொண்டு போகும் இன்றைய உலகில் மானுடம் என்பதன் உண்மையான அர்த்தத்தை மிக அழகாக எடுத்துக்காட்டுகின்றது மகிழினியப்பன் என்ற பெயரில் கவிஞர் ச.வே பஞ்சாட்சரம் அவர்கள் வடித்த  மானுடம் வாழ்கிறது என்ற கவிதையில் உள்ள பின்வரும் வரிகள். 

மானுடம் ஒன்று வன்முறையால் வழிய குருதி புண்படுத்த
மானுடம் ஒன்று வன்முறையால் வழியக் குருதி புண்படவே
மானுடம் ஒன்று மனம் பதைத்து மருத்துவமனையில் அதைச் சேர்க்க
மானுடம் ஒன்று மருந்து கட்டி மரணம் தடுத்துக் காக்கிறது.

ஒன்றாய் பலவாய் மானுடங்கள் ஒன்றையொன்று கெடுத்துவர
ஒன்றாய் பலவாய் மானுடங்கள் ஒன்றையொன்று காப்பதனால்
ஒன்றை அழித்த பழிதீர ஒன்றுக்குதவ முனைவதனால்
இன்று மட்டும் மானுடங்கள் இணக்கம் மண்ணில் வாழ்கின்றது.

பம்பர வேகத்தில் சுழலும் தகவல் சமூகத்தின் வேகத்துக்கு ஈடுகொடுக்கும் வலுவின்றி விவேகமின்றியே அதனுடன் இழுபட்டு ஓடிக்கொண்டிருக்கின்றன இன்றைய  மானுடங்கள். பக்கத்து வீட்டில் என்ன நடக்கின்றது என்பதை அறியும் விருப்பமோ அதற்கான நேரமோ இல்லாத மானுடங்கள்;. தனது வீட்டில் என்ன நடக்கிறது என்பதே தெரியாமல் சில மானுடங்கள். அன்பு, பாதுகாப்பு, பரஸ்பர உறவு என்பவற்றை புறந்தள்ளி பணத்துக்கும் அந்தஸ்து மிக்க தொழிலுக்கும் முக்கியத்துவம் கொடுக்கும் நிறுவனமாக மாறிக்கொண்டு வருகின்ற குடும்பம் என்ற அமைப்பின் வார்ப்புகள்.  கொடிய விலங்குகளிடமிருந்து தன்னைப் பாதுகாக்க, கூடி வாழ முற்பட்ட மானுடங்கள்  இன்று மானுடங்களிலிருந்து தம்மைப் பாதுகாக்கவேண்டிய தன்மைக்கு தள்ளப்பட்டிருக்கிறது.

சிதைந்துகொண்டு போகும் மனிதப் பண்பை விருத்தி செய்வதற்கு அடிப்படையாக இருப்பது அறிவு. விலங்குத்தன்மையை கூடியவரை தவிர்த்து மனிதத்தன்மையை தக்கவைப்பதற்கு மனிதனுக்கு இன்றியமையாததாக இருப்பது அறிவு, ஆறுதல், இன்பம், ஈடுபாடு, உறுதிப்பாடு, ஊக்கம் போன்றவை. மானுட மேம்பாட்டுக்கு அடிப்படை அறிவு. தொடர்ச்சியான கற்றல் செயற்பாட்டினூடாக ஒரு பொருட்துறை பற்றி ஒரு மனிதன் மூளையில் பதிந்து வைத்திருக்கின்ற அல்லது அனைத்து மக்களாலும் பயன்படுத்தப்படும் பொருட்டு பகிர்ந்து கொள்ளப்படுகின்ற தகவலும் அது தொடர்பான புரிதலும் அறிவு எனப்படுகிறது. மனித வாழ்வைச் சரியான முறையில் கொண்டு நடத்துவதற்கு முக்கியமானது சிந்தனைகள். செயலுக்கு அடிநாதம் சிந்தனைகள். ஒவ்வொரு மனிதனின் வெற்றிக்கு அத்திவாரமாக இருப்பது அவனது எண்ணங்கள். நல்ல எண்ணங்களை வளர்த்துக்கொள்வதற்கு அவசியமானது வாசிப்பேயாகும்.

மானுடத்தின் மேம்பாடு
மேம்பாடு என்ற கருத்துநிலை வெறுமனே பொருளாதார மேம்பாட்டை மட்டும் மையப்படுத்தியதொன்றல்ல. அது பரந்துபட்ட ஒரு கருத்து நிலையாக சமூக அரசியல், நிறுவன அழகியல் ஒழுக்க அம்சங்களில் மாற்றத்தை வேண்டுவதொன்றாக உள்ளது என்பதையே 'சிறந்த கல்வி, உயர்ந்த போசாக்கு, சுகாதாரம், குறைந்த வறுமை, சுத்தமான சூழ்நிலை, மக்கள் யாவருக்கும் சம சந்தர்ப்பம் கிடைத்தல் அதிகளவு தனிமனித சுதந்திரம், செழிப்பான கலாசார வாழ்க்கை என்பவற்றை உள்ளடக்கியதொன்றாக பல்பரிமாணத் தன்மை நிறைந்ததொன்றாக, சமூக மேம்பாட்டை மையப்படுத்தியதொன்றாக உள்ள 1991இன் உலக வங்கி அறிக்கையானது எடுத்துக்காட்டுகின்றது. ஜ றழசடன டியமெ 1991ஸ

சமூக மேம்பாட்டுக்கு அடிப்படை மானுட மேம்பாடு. மனித இன முன்னேற்றம் சமூக முன்னேற்றம் ஆகிய இரண்டையும் பரிணாம வளர்ச்சி அடிப்படையில் ஆராய்ந்து இரண்டும் வௌ;வேறானவை அல்ல மனித முன்னேற்றத்தினூடாகவே சமூக முன்னேற்றம் நிகழ்கின்றது என்கிறார் சமூகத்தை அறிவியல் முறையில் ஆய்வு செய்த 19ம் நூற்றாண்டின் புகழ்பெற்ற சமூகவியலாளர் ஒகஸ்ட் கோம்த் (யுரபரளவந ஊழஅவந). மரபு, வயது, பயிற்சி, சூழல் என்பன மனித உருவாக்கத்துக்கு முக்கிய பங்கு வகிக்கின்றன. பிறப்பால் விலங்காக இருக்கும் மனிதன் மனிதனாக வார்க்கப்படுவது குடும்பம் என்ற அச்சில் தான.; மனிதன் சந்திக்கின்ற முதலாவது உறவான தாய் சேய் உறவு மனிதனுக்கு தன்னுணர்வையும், தன்னைச் சுற்றியுள்ள கூட்டாளிகளின் உறவு சமூக உணர்வையும் தோற்றுவிக்கிறது. சமூகத்தின் வளம், சமூகத்தின் மரபு, சமூகத்தின் தேவைகள், சமூகத்தின் சூழல் என்பவற்றின் அடிப்படையிலேயே மனிதனின் முன்னேற்றம் தங்கியுள்ளது. அதேசமயம் தனித்தன்மை மிக்க மனிதர்கள் இன்றி சமூகம் வேரூன்றி நிலைத்து நிற்கமுடியாது. தனிமனித வளர்ச்சியை சமூக முன்னேற்றத்தினின்றும் பிரிக்கமுடியாதளவுக்கு அவை நெருங்கிப் பின்னிப் பிணைந்திருக்கின்றன.

எவனொருவன் தன்பால் அன்பு கொள்கின்றவனாக, தன்னை மதிப்பவனாக, தன்னை நேசிப்பவனாக  விளங்குகின்றானோ அவன் பிறருக்குத் தொல்லை தரமாட்டான். ஒரு மனிதன் இன்னொரு மனிதனை அளப்பதற்கு தன்னையே  அளவுகோலாகக்  கொள்கிறான். கவனக்குறைவு, அலட்சியப்பாங்கு, தான்தோன்றித்தனம், அக்கறையின்மை போன்றவற்றை தனது நடையுடைபாவனை, நடத்தை, பண்பு, சமூக ஒழுக்கம் அனைத்திலும் நிறைத்து வைத்திருக்கும் ஒருவன் தன்னை அளவுகோலாகக் கொண்டு அடுத்தவனை அளக்கும்போது அது எத்தகைய அபாயகரமான போக்குக்கு இட்டுச்செல்லக்கூடியது என்பது அனுபவித்தவருக்குத் தான் தெரியும். அதிலும் யுத்தம், வறுமை, பண்பாட்டுப் படையெடுப்புகள் போன்றவற்றால் தனது அடையாளங்களை மெல்ல மெல்ல இழந்துவரும் ஒரு சமூகத்தில் மானுடத்தின் இருப்புத் தொடர்பான வினா எழுவது இயற்கையானது. இதற்கு எமது சமூகமும் விதிவிலக்காக முடியாது.
மானுட மேம்பாட்டுக்கு வழி என்ன? மிக அழகாக எடுத்தியம்புகின்றது புரட்சிக் கவியின் அர்த்தம் பொதிந்த பின்வரும் வரிகள்
மனிதரெல்லாம் அன்பு நெறி காண்பதற்கும்
மனோபாவம் வானைப்போல் விரிவடைந்து
தனிமனித தத்துவமாம் இருளைப்போக்கி
சகமக்கள் ஒன்றென்ப துணர்வதற்கும்
இனிதினிதாய் எழுந்த உயர் எண்ணமெல்லாம்
இலகுவது புலவர் தரு சுவடிச் சாலை
புனித முற்று மக்கள் புதுவாழ்வு வேண்டில்
புத்தகசாலை வேண்டும் நாட்டில் யாண்டும்

ஆம் ! மானுட மேம்பாட்டுக்கு அடிப்படை அறிவு என்றால் அதை அடக்கிக் கொண்டிருப்பவை நூல்கள். நூல்கள் வைக்கப்பட்டிருக்கும் இடம் நூலகம். ஒரு நூலானது கல்வியறிவு தந்து, நடைமுறைநிலை தெரிவித்து கடமைகளைக் காட்டி, உரிமைகளைச் சேர்த்து, பொருளாதாரத்தை வளர்த்து, கலாசாரத்தைக் காக்கும் செயற்பண்புகள் கொண்டது என்கிறார் இந்திய நூலகவியல் விற்பன்னர் வே. தில்லைநாயகம்.

நூலகம் என்பது ஆத்மாவுக்கான மருத்;துவம் என்ற வாசகம் இன்று நேற்று ஏற்பட்டதல்ல. நூலகங்களின் வரலாறு என்பது நாகரீகங்களின் தொட்டில் எனப்படும் சுமேரியர் காலத்திலேயே ஆரம்பித்திருக்கக்கூடும் எனினும் யூலியஸ் சீசர் காலத்தில் வாழ்ந்தவராகக் கருதப்படும் னுழைனழசரள ளiஉடைல என்ற கி;மு 1ம் நூற்றாண்டில் வாழ்ந்தவராகக் கருதப்படும் கிரேக்க வரலாற்றாசிரியர்; எகிப்தில் உள்ள திபிஸ் பழங்குடி மக்கள் வாழும் பிரதேசத்தில் நினைவுச்சின்னங்களை விபரிக்கும்போது  இச்சின்னங்கள் அமைந்துள்ள இடத்தின் நுழைவாயிலில் பொறிக்கப்பட்டுள்ளதாகக் குறிப்பிடுகின்ற இந்த வாசகமே நூலகங்களின் தொன்மையைக் குறிப்பிடப் போதுமானதென்றால் நூல்களின் தோற்றமோ அதற்கும் பல நூற்றாண்டுகளுக்குமுன் களிமண் பலகைகளிலிருந்து தோற்றம் பெறுகின்றது. (ளூநசயஇ 1976)  இயலாமை என்பதையே இல்லாமல் செய்வேன் என்று முழங்கிய மாவீரன் நெப்போலியன் கூட தான் செல்லும் போர்க்களங்கள் அனைத்துக்கும் தன்னுடன் ஒரு நூலகத்தையே கொண்டு செல்வானாம்.  உறங்கக்கூட நேரமின்றி ஓடுகின்ற குதிரை மீதமர்ந்து கொண்டே உறங்கி ஓய்வெடுக்கும் இவன், பதட்டம் தரும் போர்ச்சூழலிலும் நூல்களுக்கு அவ்வளவு முக்கியத்துவம் தந்திருக்கும்போது நாகரிகத்தில் வளர்ச்சியடைந்து இருக்கும் இன்றைய மனிதர்களிடம் நூலுணர்வு இல்லாமல் போனது ஏன்?

வாசிப்பு
1940 ம் ஆண்டு அழசவiஅநச யுனடநச என்பவரால் எழுதப்பட்ட ஒரு நூலை வாசிப்பது எவ்வாறு? (ர்ழற வழ சநயன ய டிழழம ) என்ற நூலானது  சிறந்த புகழ்பெற்ற நூல்களை தருக்க ரீதியாக வாசிப்பதற்கான வழிகாட்டுதலை உள்ளடக்கியது எனினும் மேற்கத்தைய பாரம்பரியத்துக்குள் உட்படாத எந்த நூலையும் வாசிக்குமாறு அது பரிந்துரை செய்யவில்லை.  (றமைipயநனயை)

வாசிப்பு என்பது பல கருத்துக்களை தனக்குள் உள்ளடக்கியிருப்பது. படித்தல், கற்றல், சொல்லுதல் போன்றவை மட்டுமன்றி இசைக் கருவியை வாசித்தலும் வாசிப்பாகவே கொள்ளப்படுகிறது. எழுதப்பட்ட அல்லது அச்சடிக்கப்பட்ட அல்லது பொறிக்கப்பட்ட  வாசகங்களை கண்ணால் பார்த்து அல்லது கரங்களால் தொட்டுணர்ந்து வாயாலோ மனதாலோ உச்சரித்து அறிவால் பொருளுணரும் ஒரு செயலே வாசிப்பு எனப்படுகிறது.
அறிவுத்திறம், மொழித்திறம், பார்வை நலம், கேள்விநலம், உடல்நலம், மனநலம், சூழல்நலம் ஆகியன வாசிப்புக்கு இன்றியமையாததாக உள்ளன. ஜஅழலடந  1976ஸ

பரந்த ரீதியில் நோக்கின் வாசிப்பை பாடத்திட்ட வாசிப்பு பரந்துபட்ட வாசிப்பு என இருவகைப்படுத்தலாம்.
கற்றல் கற்பித்தல் நோக்கங்களின் அடிப்படையில் வாசிப்பு என்பது பல்வேறு செயல்களை உள்ளடக்கியதொரு நிகழ்வாகப் பார்க்கப்படுகின்றது.

1.    வரிவடிவத்தைப் புரிந்து கொள்ளுதல்
2.    புதிய சொற்களின் பொருளை ஊகித்தறிதல்
3.    வெளிப்படையாகக் கூறப்படும் செய்திகளைப் புரிந்துகொள்ளல்
4.    வெளிப்படையாகக் கூறப்படாத செய்திகளைப் புரிந்துகொள்ளல்
5.    வாக்கியங்களுக்கிடையிலான தொடர்பைப் புரிந்து கொள்ளல்
6.    பகுதியின் பல்வேறு கூறுகளின் இணைப்பைப் புரிந்து கொள்ளல்
7.    மையக் கருத்தைக் காணுதல்
8.    மையக்கருத்து துணைக்கருத்தின் வேறுபாட்டை உணர்ந்து கொள்ளல்
9.    முதன்மைச் செய்திகளைத் தொகுத்துப் பார்த்தல்
10.    படிக்கப்பெறும் பகுதி தரும் நீதியையும் பண்பாட்டையும் தெரிந்து கொள்ளல் ஆகிய பத்து அம்சங்களை உள்ளடக்கியது வாசிப்பு என்கிறார் யோகவதி பாலகிருஸ்ணன். பக். 225.)

வாசிப்பின் நோக்கங்கள்

கற்றல் நோக்கம் (டுநயசniபெ)
படிக்கும் பருவத்திலிருப்போருக்கு நாட்டு நடப்புப் பற்றி அறியும் ஆவல் பெரிதாக இல்லை. தூக்கத்துக்கு முன்னரும் பின்னரும் அவர்கள் கையில் பெரும்பாலும் பாடப்புத்தகங்களையே பார்க்க முடியும். சிலர் காலை 4.00 மணிக்கே எழுந்துவிடுவர். சிலர் இரவு 11மணிக்கும் அரைத்தூக்கத்துடன் படித்துக்கொண்டிருப்பர். புத்தகத்தைப் பிரித்துப் படிக்காமலேயே 24 மணிநேரமும் புத்தகமும் கையுமாகத் திரிவோரும் எம்மிடையே உண்டு. பரீட்;சையில் வெற்றிபெறும் ஒரு நோக்கத்துக்காகவே பாடப்புத்தகங்களை இவர்கள் வாசிக்கின்றனர். பாடப்புத்தகங்களுடன் நெருங்கிய தொடர்புள்ள புத்தகங்களையும் பரீட்;சை வினாத்தாள்களையும் இவர்கள் வாசிக்கின்றனர். இதை வாசிப்பு என்று கருதுவதை விட படிப்பு என்றே கொள்ள வேண்டும். இந்த வாசிப்பு மனனம் செய்தலாகக் கூட இருக்கலாம். பரீட்சை முடிவடைந்ததும் படித்தவையும் விலகிவிடும். இவர்களை வைத்துக்கொண்டு எம்மை ஒரு வாசிக்கும் சமூகமாகக் கற்பனை பண்ணுதல் பொருத்தமானதல்ல.
குறிப்பிட்ட பொருட்துறையில் எழுதப்படும் தனிப்பொருள் சார்ந்த தகவல் வளங்கள்;, கல்வித்தேவையைப் பூர்த்தி செய்யும் பாடநூல்கள் , ஆய்வுக்கு உதவும் அறிக்கைகள், ஆய்வுக் கட்டுரைகள், பருவ இதழ்கள் போன்ற அடிப்படைத் தகவல் வளங்கள், தேவைப்பட்ட உடனேயே குறிப்புகளை வழங்கும் உசாத்துணைத் தகவல் வளங்கள் என்பன கற்றல் நோக்கத்தை பூர்த்தி செய்பவை. 
குறிப்பிட்ட ஒரு பொருட்துறையை தெளிவாக விளங்கிக் கொள்வதற்கென உருவாக்கப்படும் நுல்களே பாட நூல்கள் ஆகும். இவை பொதுவாக பரந்த பொருட்துறையை உள்ளடக்குபவை. வாசிப்பு நோக்கம் என்பதே இங்கு முக்கியமானதாக இருப்பதனால் தகவல் வழங்கப்படும் விதம் இங்கு மிக முக்கியமாக கருத்தில் கொள்ளப்படவேண்டியுள்ளது. வண்ணப்படங்களும் போதிய விளக்கப்படங்களும் கவர்ச்சிகரமான வடிவமைப்பும் வாசிப்பில் தூண்டலை ஏற்படுத்துபவை. நல்லதோர் பாடநூலானது வாசிப்பை மட்டுமன்றி நல்லதோர் கற்பித்தலுக்கும் வழிகாட்டக்கூடியது. புதிய அபிவிருத்திகள், மாறிவரும் கற்பித்தல் முறைகள் என்பவற்றைக் கருத்திற் கொண்டு இவை அடிக்கடி மீளாய்வு செய்யப்படவேண்டியுள்ளன.

கற்பித்தல் நோக்கம் (வுநயஉhiபெ)
பாடசாலை ஆசிரியர் முதற்கொண்டு பல்கலைக்கழக விரிவுரையாளர் வரை மாணவர்களுக்குக் கற்பிக்கும் பொருட்டு வாசிக்கின்றனர். கல்வித்திட்டங்களில் மாற்றங்கள் ஏற்படும் போக்குக்கு அமைய இத்தகைய வாசிப்பின் தன்மையில் மாற்றங்கள் கூடவோ குறையவோ இடமுண்டு. இத்தகைய வாசிப்பையும் ஆழமான வாசிப்பு என்று கருதமுடியாது. இதையும் ஒருவகைப் படிப்பு என்றே கொள்ள இ.டமுண்டு

கருத்தைத் தெரிவிக்கும் நோக்கம் (அழவiஎந ழக நஒpசநளளழைn)
புதிய ஆக்கம் ஒன்றைப் படைப்பதற்காகவோ சொற்பொழிவாற்றுவதற்கோ ஒரு நூலுக்கான மதிப்பீட்டுரையை எழுதுவதற்காகவோ வாசிப்பு என்ற செயற்பாடு இடம்பெறுகின்றது. நூல்கள் எதையும் வாசிக்காமலேயே இத்தகைய செயற்பாடுகள் வெற்றிகரமாக நிறைவேறுகின்றன என்பதும் இங்கு கருத்தில் கொள்ளத்தக்கது. ஒரு நூலிலிருந்து ஒரு நூலகத்தையே அலசுமளவிற்கு இத்தகைய வாசிப்பு நீண்டு கொண்டு போகும். 'எழுத்தாளர்களின் நேரத்தின் பெரும்பகுதி வாசிப்பிலேயே கழிகின்றது. ஒரு நூலை எழுதுவதற்கு ஒரு நூலகத்தின் அரைப்பங்கு நூல்களின் பக்கங்கள் புரட்டப்படுகின்றன' என்கிறார் 18ம் நூற்றாண்டில் வாழ்ந்த புகழ்பெற்ற பொருளியல் மேதையான சாமுவேல் ஜோன்சன் அவர்கள். நூல்களை வாசிக்கும் போது ஏற்படும் நன்மையைப்போன்று நூல்களிலிருந்து பெறப்படும் விரிவுரைகள் நன்மையைத் தருவதில்லை என் இவர் வாசிப்புக்கு மிகவும் அழுத்தம் தருகின்றார்.

ஆய்வு நோக்கம் (சுநளநயசஉh)
ஆய்வு நோக்கத்துக்கான வாசிப்பானது பல படிநிலைகளைக் கடந்த பின்னரேயே முழுமை பெறக் கூடியது. ஆய்வுக்கு எடுத்துக் கொண்ட பொருள் தொடர்பான கலைச்சொற்களை அறியும் ஆரம்பப் பணியில் முதலாவது படிநிலையான துறை சார்ந்த கலைச் சொல் அகராதிகள், இக்கலைச்சொற்களின் பொருளைத் தருகின்ற அகராதிகள், எடுத்துக் கொண்ட பொருள் தொடர்பான பின்னணித் தகவல்களைத் தருகின்ற கலைக்களஞ்சியங்கள் என்பவற்றைக் கடந்து  உண்மையான ஆய்வு அபிவிருத்திகளை, அவற்றின் புதிய பிரயோகங்களின் விளக்கங்களை, அல்லது பழைய கருத்துக்களுக்கான புதிய விளக்கங்களை உடனுக்குடன் தாங்கி வரும் முதல்நிலைத் தகவல் வளங்கள்  அனைத்துமே இங்கு வாசிப்புக்குரிய மூலங்களாக கொள்ளப்படுகின்றன. ஒழுங்குபடுத்தப்படாத வளங்களாக இவை இருப்பதனால் இதனைப் பயன்படுத்துவது எளிதல்ல. ஆய்வு முறையியல், மற்றும் மொழி அறிவு,  தேடுதல் திறன்கள் போன்ற அனைத்துத் திறன்களும் தேவைப்படுகின்ற வாசிப்பாக இது கருதப்படுகிறது.

மனமகிழ்வு நோக்கம் (சுநஉசநயவழைn)
இத்தகைய வாசிப்பானது உண்மையோ பொய்யோ நல்லதோ தீயதோ படிப்பவருக்கு ஒரு புதிய உணர்வை, புதுவித எழுச்சியை, புதுவித கிளர்ச்சியை, பொழுதுபோக்கு உணர்வைத் தருவதாக உள்ளது. நூல்கள் சஞ்சிகைகள் நாளிதழ்கள் என்பன பொழுதுபோக்கு நோக்கத்தை பூர்த்தி செய்வன என்றாலும் சிறப்பாக  கவிதை, நாடகம், நாவல்கள், சிறுகதைகள் போன்ற இலக்கியங்களும், ஓவியம், சிற்பம், போன்ற கலைத்துவ ஆக்கங்களும், வாசிப்பவருக்கு அமைதியையும் நிறைவையும் தருகின்ற ஆன்மீக வளங்களும், பழம்பெரும் இலக்கியங்களான புராண இதிகாசங்கள், திருமுறைகள் போன்றவை மனமகிழ்வு நோக்கத்தை பூர்த்தி செய்பவை.
 ஈழத்தமிழ்ச் சமூகத்தின் விடலைப்பருவத்தினருக்கான வாசிப்பை பாலூக்கத்தை அதிகம் தூண்டும் மலினப்பட்ட காதல் கதைகள்  பெருமளவில் ஆக்கிரமித்திருக்கின்றன.  வாழ்விற்கு வழிகாட்டக்கூடிய எத்தனையோ புனைகதைகளை மிகச் சிறந்த எழுத்தாளர்கள் தமிழ்ச்சமூகத்திற்குத் தந்திருந்தும் கூட ரமணிச்சந்திரன் என்ற ஒரேயோரு எழுத்தாளரின் கதைகளில் விடலைப்பருவம் மட்டும் தொங்கிக்கொண்டிருக்கவில்லை. திருமணம் முடித்து குழந்தைகளைப் பெற்றெடுத்த நடுத்தர வயது குடும்பப் பெண்களையும் இவை தான் ஆட்டிப்படைத்துக்கொண்டிருக்கின்றன. எண்டமூரி வீரேந்திரநாத், பட்டுக்கோட்டை பிரபாகர், இந்துமதி, லட்சுமி என இவர்களின் தெரிவுகள் குடும்பக் கதைகளைத் தவிர்த்து காதல் கதைகளை நோக்கியே நகர்கின்றன. மனமகிழ்விற்கென்று நாடும் இத்தகைய நூல்கள்  'நூல்கள் தனிமையில் இருப்பவர்களுக்கு உற்ற நண்பர்களாகின்றன.  துக்கத்தைப் போக்கி மகிழ்வையும் சாந்தியையும் தருகின்றன. தடுமாற்றத்தைத் தெளிய வைத்து மன உறுதியைத் தருகின்றன. ஒருவர் தமது எதிர்காலத்தைத் தீர்மானிக்க வழிகாட்டியாகின்றன. ஒருவருடைய வாழ்வில் தன்னம்பிக்கையை விதைத்து மேம்பாடுகளை வளர்க்க உதவுகின்றன. ஆயிரம் ஆயிரம் ஆண்டுகளுக்கு முன் வாழ்ந்த அறிஞர்கள், நல்ல மனிதர்கள் ஆகியோருடன் ஆத்மார்த்த நிலையில் சில மணிநேரம் வாழவைக்கின்றன' என்ற மறைந்த பேராசிரியர் நந்தி அவர்களின் கூற்றுக்கு மாறாக படித்து முடித்ததும் ஏக்கத்தையும் விரக்தியையும் நிரந்தரமாகவே வாசிக்கும் மனங்களிடம் ஏற்படுத்தி விடுவதே நடைமுறை யதார்த்தமாக உள்ளமை கண்கூடு. 

தகவல் பெறும் நோக்கம் (ஐகெழசஅயவழைn)
நம்மைச் சுற்றி என்ன நடக்கின்றது என்பதை அறியும் ஆவல் பலரை வாசிக்கத் தூண்டுகின்றது. இந்த வாசிப்புக்கு உதவும் வளமாக நாளிதழ்களும் வார இதழ்களும் கருதப்படுகின்றன. தூக்கம் விட்டு எழுந்ததும் காலைநேரக் கோப்பியுடன் செய்தித்தாளை வாசித்தால்தான் சிலருக்குப் பொழுது நன்கு விடியும். காலைக் கடனை முடிக்கப் போகும்போதே செய்தித்தாளுடன் கழிவறைக்குப் போகின்றவர்கள் எம்மிடையே பலர். ஓய்வு பெற்ற அரச உத்தியோகத்தவர் பலரையும் காலைநேரத்தில் வீட்டின் முன்புற வராந்தாவில் மூக்குக் கண்ணாடியுடன் செய்தித்தாளில் மூழ்கியிருக்கும் நிலையை பரவலாகப் பார்க்க முடியும். எம்மைச் சுற்றி என்ன நடக்கிறது என்பதை அறியும் ஆவல் பொதுவாக வயது வந்தோர்களுக்கே இருக்கிறது என்பதையே இது காட்டுகின்றது. இதற்காகவே இவர்கள் பணம் கொடுத்து நாளிதழை வாங்குகின்றனர். பணம் கொடுத்து வாங்க விருப்பம் இல்லாதவர்களும் வாங்கும் வசதியற்றவர்களும் காலை எழுந்ததும் வாசிகசாலை நோக்கி ஓடுவதை அவதானிக்க முடியும். அலுவலகம் செல்பவர்கள் அலுவலகத்தின் தேனீர் இடைவேளையின் போது செய்தி  தாளை வாசிக்கின்றனர். நேரம் இல்லை என்று தமக்குள் முடிவெடுப்பவர்கள் மாலையில் வாசிக்கின்றனர். தூர இடங்களுக்குப் பயணம் செய்பவர்கள், வீட்டில் வெட்டியாக பொழுதைக்கழிக்கும் வாய்ப்புள்ளவர்கள் ஆனந்தவிகடன், குமுதம் போன்ற சஞ்சிகைகளையும் கற்கண்டு முத்தாரம் போன்றவற்;றையும் வாசிக்கின்றனர்.
நாளிதழ்களில் பெரும்பாலானவை வார இறுதியில் ஞாயிறு சிறப்பிதழைக் கொண்டுள்ளன. தமிழ்ச்சமூகத்தின் மிக முக்கியமான வாசிப்புச் சாதனமாகக் கருதப்படுவது நாளிதழாகும். நேற்றைய நாட்டு நடப்புகளை இன்றைய நாளிதழில் பார்க்கக்கூடியதாக இருக்கும் என்பதால் காலையில் எழுந்ததுமே நாளிதழும் கையுமாக இருப்பவர்களை எம்மிடையே அதிகம் பார்க்கலாம். நாளிதழ்களை சாப்பாடு கட்டப் பயன்படுத்தும் குடும்பங்களும் எம்மிடம் உள்ளன. ஓரிரு நூலகங்களைத் தவிர மற்ற எல்லாப் பொதுநூலகங்களுமே மாத முடிவில் நாளிதழ்களை மொத்தமாக விற்றுக் காசாக்குவதுமுண்டு. ஆனால் எமது சமூகத்தில் இன்றைய செய்தித்தாள் நாளைய குப்பைத் தாள் என்ற மேலைத்தேய கருத்துநிலை பொருத்தமானதல்ல. ஏனெனில் இத்தகைய செய்தித்தாள் உடனே படித்துவிட்டுப்போகும் செய்திகளை மட்டுமன்றி மாணவரின் பாடவிதானம் சார்ந்த தகவல்களையும் ஆய்வு முயற்சிகளுக்கு உதவுகின்ற பலதரப்பட்ட பொருட்துறை சார்ந்த கட்டுரைகள் ஆய்வுக்கட்டுரைகளையும் உள்ளடக்கும் தகவல் வளமாகவே காணப்படுகின்றன. எனவே இவற்றை கிழித்து எறியாது இவற்றிலுள்ள முக்கியமான தகவல்களையும் செய்திகளையும் வெட்டியெடுத்து பொருட்துறை சாரந்து ஒழுங்குபடுத்தி வைக்கும் போது இதனது ஆய்வுப் பெறுமதி அதிகரிக்கும் என்பது சிலருக்கே தெரிந்த உண்மையாக இருக்கிறது.

சிந்தனை விருத்தி நோக்கம் (ஐnளிசையவழைn)
வாசிப்பு நோக்கங்களில் மிக உன்னத நிலையிலான வாசிப்பாக இதைக் கருத இடமுண்டு.  மனிதனின் அறிவைத் தூண்டுகின்ற, சிந்திக்க செய்கின்ற, மனிதனையும் சமூகத்தையும் முன்னேற்றுகின்ற நூல்களின் வாசிப்பாக இதைக் கருத இடமுண்டு. பொருளாதார தத்துவத்தைப் புகுத்திய அடம்ஸ்மித்தின் 'தேசங்களின் செல்வம்', பொதுவுடமைத் தத்துவத்தை தந்த கார்ல்மாக்ஸின் 'மூலதனம்', உயிரின உருவாக்கத்தை விளக்கிய டார்வினின் 'பரிணாம வளர்ச்சிக் கோட்பாடு', மக்கள் தொகைப் பிரச்சனையை விளக்கிய மால்தசின் 'மக்கள் தொகைக் கோட்பாடு', மனித மனத்தை அப்படியே படம்பிடித்துக் காட்டிய சிக்மண்ட் பிராய்டின் 'மனித மன சிந்தனை', சத்திய வாழ்க்கையை எடுத்தியம்பிய அரிச்சந்திரன் கதை, அதர்மத்துக்கும் தர்மத்துக்குமிடையிலான யுத்தத்தில் தர்மமே வெல்லும் என்பதை உணர்த்தும் பாரத இராமாயணக் கதைகள். ராகுல சாங்கிருத்தியானின் வால்காவிலிருந்து கங்கை வரை போன்றவை இவ்வகைப்படுவன.


இன்றைய வாசிப்புச் ழல்
வாசிப்பு என்ற கருத்துநிலை தொடர்பாக எமது சமூகத்தில் நிலவுகிறது. ஆரம்ப வகுப்பில் வரிவடிவத்தைப் புரிந்து கொள்வதற்காக எழுத்துக்கூட்டி வாசித்தல் என்பதை வாசிப்பாகக் கருதும் போக்கே ஆரம்பப் பாடசாலை ஆசிரியர்களிடம் காணப்படுகிறது. குமரப்பருவத்தில் விரிவுரைக் குறிப்புப் புத்தகத்தின் நடுவிலோ அல்லது அனைவரும் படுத்து உறங்கிய பின்னர் விளக்கு வெளிச்சத்திலோ படிக்கப்படுகின்ற பாலியல் உணர்ச்சியைத் தூண்டுகின்ற நூல்களை வாசிப்பதும் வாசிப்பாகத் தான் கருதப்படுகின்றது.

வாசிப்புக்கு அடிப்படை தரமான நூல்களின் தேர்வு.  நூல்கள் தொகையாலோ தரத்தோலோ அதிகரித்துச் செல்லும் தன்மை இல்லாத ஒரு காலப்பகுதியில், நூல்கள் புனிதமானவை என்ற கருத்துநிலை மேலாதிக்கம் செய்த ஒரு காலப்பகுதியில் நூல்கள் அனைத்துமே அறிவுப் பொக்கிசங்களாகவே இருந்தன. கோவில்கள் மடாலயங்களில் பேணிப்பாதுகாக்கப்பட்ட எத்தனையோ பதிவேடுகளை இதன் மிகச் சிறந்த எடுத்துக்காட்டுகளாகக் கொள்ளலாம். நூல்களின் தொகை விரல்விட்டு எண்ணத்தக்க அளவிலும் நூல் உருவாக்கத்தில் நீண்டகால அறிவும் அனுபவமும் பிரயோகிக்கப்பட்ட ஒரு  காலத்திலேயே நூலைத் தேர்ந்து கற்க வேண்டும் என்ற பொருள் தரும் 'கல்வி கரையில கற்பவர் நாள் சில, மெல்ல நினைக்கிற் பிணி பல - தௌ;ளிதின் ஆராய்ந்து அமைவுடைய கற்பவே, பாலுன் குருகிற றெரிந்து'  என்கிற அடிகளை மிகப்பழமை வாய்ந்த இலக்கண நூலான நாலடியார் தனக்குள் பொதிந்து வைத்திருக்கிறது. அதாவது நீருடன் கலந்துள்ள பாலை அன்னம் எவ்வாறு பிரித்துப்பருகுகின்றதோ அவ்வாறே நூல்களின் சாரத்தைக் கிரகிக்க வேண்டும் என்கிறது. நூல் அழகுகள் மட்டுமன்றி நூல் குற்றங்களையும் பட்டியலிட்டிருக்கிறது தொல்காப்பியம்.
ஆனால் இன்றைய உலகம் அப்படிப்பட்டதல்ல. நிமிடத்துக்கு மில்லியன்கணக்கில் உருவாகும் இன்றைய நூல் உலகில், கணனி அறிவே நூலுருவாக்கத்துக்குப் போதுமானது என்ற கருத்துநிலையில் இருக்கும் சமூகத்தில் குப்பைக்குள் குன்றிமணியைத் தேடிப் படிக்கவேண்டிய நிர்ப்பந்தம் வாசகனுக்கு.
'தரமான புத்தகங்களைத் தேர்ந்தெடுப்பது ஒரு அரிய கலை. தரமற்ற புத்தகங்களை ஈவிரக்கமில்லாமல் நிராகரிப்பது அதைவிடப் பெரிய கலை. நம்மை ஏமாற்ற வீசப்படும் தந்திர வலைகளுக்கெல்லாம் டிமிக்கி கொடுத்துவிட்டு மிக மேலான புத்தகங்களைத்தேடி, அவற்றைப் படைத்திருக்கும் உன்னத ஆசிரியர்களைத் தேடி நாம் செல்ல வேண்டும் என்கிறரர் எழுத்தாளர் சுந்தரராமசாமி.
'அரிசியில் கல்லைக் கலந்துவிட்டால் பிரித்துவிடலாம். ஆனால் அறிவிலே நஞ்சைக் கலந்துவிட்டால் பிரிப்பது கடினம். எனவே நூல்தேர்வு கருத்தில் கொள்ளப்படவேண்டும். தேர்ந்தெடுக்கப்பட்ட பட்டியல்கள் நூலகங்களுக்கு கிடைக்க வழிசெய்யப்படவேண்டும்' என்கிறார் குழந்தைக் கவிஞர் அழ வள்ளியப்பா.
'குறிக்கோள் இலாது கெட்டேன்' என்றவாறு எதுவித நோக்குமில்லாது நூல்களை வாசிப்பதில் பயனில்லை. நோக்கத்தோடு வாசிக்கும்போது தான் எமக்கு வேண்டியவற்றை நூல் எங்களுக்குக் காட்டும். கேளுங்கள் கொடுக்கப்படும் என்பது புத்தகங்களுக்கும் பொருந்தும்' என்ற நாடறிந்த நாடகாசிரியர் குழந்தை ம.சண்முகலிங்கம் அவர்களின் மேற்கண்ட வரிகள் வாசிப்புக்கு நோக்கம் இருக்க வேண்டும் என்பதை வெளிப்படுத்துகின்றது.
'சில நூல்கள் ருசிக்கப்படவேண்டும். சில விழுங்கப்படவேண்டும். இன்னும் சில சப்பிமென்று சமிக்கச் செய்யப்பட வேண்டும். என்ற புகழ்பெற்ற தத்துவமேதை பிரான்சிஸ் பேகனின் மேற்கண்ட வரிகள் நூல்களை எப்படிப் படிப்பது என்ற அம்சத்தை மிக ஆழமாக கோடிட்டுக் காட்டுகின்றன.
வாசிப்பு அனுபவத்தை வார்த்தைகளில் வரைய முயற்சி செய்யலாம். வாசிக்கத் தொடங்குமுன்பு மனசுக்குள் ஒரு உலகம் இருக்கிறது. உயிரோடும் சுறுசுறுப்போடும் இயங்கும் புற உலகம் போல் இதுவும் இன்னொரு உலகம். மரபு, நம்பிக்கை, லட்சியங்களால் உருவாகும் உலகம். வாசிக்க வாசிக்க வாசிக்கப்படுகின்ற விடயம் மனசில் இயங்கிக்கொண்டிருக்கும் இந்த உலகத்தோடு கரைந்துகொண்டே இருக்கிறது. மன உலகத்துக்கும் வாசிப்புக்குமான உறவு இது. இந்த உறவு தான் வாசக அனுபவத்தை உன்னதமாக்கவோ அருவருப்பாக்கவோ செய்கிறது என்கிறார் தினமணி தமிழ்மணி இதழில் கட்டுரையாளர் பாவண்ணன்.

வளமான வாசிப்பு
ஒருவனுக்குத் தேவையான கருவிகள், ஆற்றல்கள், அதிகாரம் அனைத்தும் வாசிப்பின் மூலம் கிடைக்கக்கூடியது என்பதையும் இவற்றைப் பிரயோகித்தலும் கருவிகளைக் கையாள்வதில் நிபுணத்தும் பெறுவதும் மனிதனை முழுமையாக்கும் என்பதையும் குறிப்படுவதுதான் 'வாசிப்பு மனிதனை முழுமையாக்கும்' என்ற பிரான்சிஸ் பேகன் அவர்களது சுலோகத்தின் உட்பொருள். இந்த சுலோகமானது இன்றைய தகவல் தொழினுட்ப யுகத்தில் 'வளமான' என்ற அடைமொழியை யாசித்து நிற்கவேண்டிய நிர்ப்பந்தத்தில் இருக்கிறது.

வியாபாரமயப்படுத்தப்பட்டிருக்கும் நூல் உற்பத்தி, படித்து முடிந்ததும் குப்பைக்கூடைக்குள் போடக்கூடியளவுக்கு உடனடித்தேவையைப் பூர்த்தி செய்யக்கூடிய நூல்களின் உற்பத்தி, தரங்குறைந்த தாள்களில் உருவாகும் மலிவுப் பதிப்புகளின் அதிகரிப்பு  ஆகியவை நூல்கள் புனிதமானவை என்ற கருத்துநிலையைத் தகர்த்துவிட்டன. குப்பைக்குள் குன்றிமணிகளைத் தேடிப் பொறுக்கவேண்டிய நிலையிலிருக்கும் இன்றைய தலைமுறையினருக்குக் கண்டதும் கற்கப் பண்டிதனாவான் என்ற பழமொழி பொருத்தமற்றதொன்று. கருத்துக்கொவ்வாத கதைப்புத்தகங்களே கதியென்று கிடப்பவர்கள் கூட  வாசிப்பில் முழு நாளையே தாம் செலவிடுவதாகத் தான் வாதிடுகின்றனர். இங்குதான் வளமான வாசிப்பு என்பதன் முழுமையான அர்த்தம் கிடைக்கிறது.

வளமான என்ற தமிழ்ச்சொல்லுக்கு இணையாக ஆங்கில மொழியில் சiஉhநௌளஇ நnhயnஉநஅநவெஇ நசெiஉhஅநவெ எனப் பல சொற்கள் பயன்படுத்தப்படுகின்றன எனினும் இவற்றுக்கிடையில் சிறுசிறு  வேறுபாடுகள் உண்டு. ஒன்றின் மதிப்பு, தரம், கவர்ச்சி என்பவற்றை மேம்படுத்துதல் எனப் பொருள்படுவது நுnhயnஉநஅநவெ. இதனை மேலும் வளப்படுத்துவதுவதன் மூலம் பெறப்படுவது நுசெiஉhஅநவெ.ஜழுஒகழசன 1995ஸ

வளமான வாசிப்புக்கு அத்திவாரம் இடும் பயனுள்ள முயற்சியில் ஒன்று சிறுவயதில் கதை சொல்லல் ஆகும். கதை சொல்லல் என்பது காதினால் வாசித்தல் என்ற பொருளில் ஜப்பானின் வாசிப்புப் பழக்கத்தை விருத்தி செய்வதற்கான சிறந்த செயற்திட்டமாகப் பின்பற்றப்படுகிறது. பாடசாலைக்குச் செல்லுமுன்னரே குழந்தைகளுக்கு பிடித்தமான கதைகளை பெற்றோர்கள் அவர்களுக்கு முன்பு உரத்து வாசிப்பார்கள். தனக்குப் பிடித்த விளையாட்டில் ஈடுபட்டிருக்கும் குழந்தைகள் கூட ஆர்வமாகக் கதை கேட்பர். பாடசாலைக்குப் போகத் தொடங்கியதும் அங்கிருந்து புத்தகங்களை எடுத்து வந்து படிக்கும் பழக்கத்தை இக் குழந்தைகள் ஏற்படுத்திக் கொள்வதற்கு இந்த கதை கேட்கும் பழக்கமே அடிப்படையாக இருக்கிறது.
வளமான வாசிப்புக்கு உதவும் இன்னொரு உத்தி வாசிப்பில் பாய்ந்து செல்லல் என்பதாகும். எல்லா நூல்களையும் எவரும் படிக்க முடியாது. 'ஒரு தினசரியின் வார வெளியீட்டில் இருபத்திநாலு பக்கங்களுக்கு மேல் கண்ணைக்கவரும் வண்ணப்படங்களுடன் பல்துறையிலும் கட்டுரைகள் வெளியாகின்றன. நோயியல், மருத்துவம் எல்லா வார வெளியீடுகளிலும் காணலாம்; அரசியல் அலசல், போர்நிலைகள், சினிமா இப்படிப் போகின்றது. இப்படியான நீர்ப்பாலில் பாலைத்தெரிவது ஒரு கலை. வாசிப்போர் இந்தக் கலையைக் கற்க வேண்டும். ஒரு பந்தியில் இரண்டொரு சொற்களை, வசனங்களை வாசித்தவுடன், என்ன சொல்லப்படுகின்றது என்று விளங்குவது ஒரு அறிவுக்;கலை. அந்தக்கலை கைவந்தவர்கள் ஒரு நூலில் பக்கம் பக்கமாகப்புரட்டி அந்த நூல் முழுவதிலும் என்ன சொல்லப்படுகிறது என்று சொல்லுவார்கள். ளுமippiபெ in சுநயனiபெஇ 'வாசிப்பில் பாய்ந்து செல்லல்' என்று சொல்லலாம் என்கிறார் பண்டிதர் சச்சிதானந்தம் அவர்கள். ஜசச்சிதானந்தம் 2005ஸ

எனக்கு இப்படி வாய்க்கவில்லையே என்ற ஏக்கத்தைத் தருவதற்குப் பதில் மற்றவரை விட நான் மேல் என்ற மனோநிலையைத் தருகின்ற நூல்கள்---, தான் வாழுகின்ற சமூகத்துக்குப் பொருத்தமான புதுப்புது ஆய்வு முயற்சிகளைத் தூண்டும் நூல்கள்--, விரக்தியால் விழுந்து கிடப்பவரைத் தூக்கி நிறுத்தித் துணிவு தந்திடும் நூல்கள்---, பற்றிப் பிடித்து ஏறுவதற்கு கொழுகொம்பாக இருக்கும் நூல்கள் இவை தான் வளமான வாசிப்புக்குத் தேவைப்படுபவை. இத்தகையதொரு வாசிப்புத் தான் 'நான்' என்ற உணர்வை இல்லாதொழித்து 'நாம்' என்ற உணர்வைத் தோற்றுவிக்கும். நாம் என்ற உணர்வு தோன்றிவிட்டால்  சமூக மேம்பாடு தொடர்பாகக் கவலைப்பட வேண்டிய அவசியமேயிருக்காது.

References
1.    Hornby, A.S Oxford Advanced learner’s   Dictionary. 5th ed. London: Oxford, 1995.
2.    Moyle.D.[1976] The Teaching of Reading. 4th ed. London: Ward Lock Educational, 1976.
3.    Shera,Jesse.H. (1976) Introduction to Librarary Science:Basic elements of Library science. Littletone:Libraries unlimited. p14.
4.    Sodex, Elle Benetti. What is reading?. A joint position paper of the international Reading Association and National middle school association. www.reading.org
5.    Worl Bank [1991 Annual worl bank conference on development economics. ed by Boris Pleskovic and Joseph E.Stiglitz. key note address by Joseph E. Stiglitz.- Wachington:world bank.p17-31.
6.    www. Wikipedia.org.
7.   சுச்சிதானந்தம்,க. 'புத்தகங்களே சிறந்த தோழர்கள்'அறிவாலயம் திறப்புவிழாச்சிறப்புமலர், இணுவில் : இணுவில் திருவூர் ஒன்றியம,; 2005.
8.    யோகவதி பாலகிருஸ்ணன். முதல் உலகத் தமிழாசிரியர் மன்ற மாநாட்டு மலர். பக்கம் 225.)

                                               (  Enhancement in Reading uplifts humanity.- Kokuvil Hindu college centenary volume, 1910-2010. )